တတ်ချင်လျှင် သင်၊ တော်ချင်လျှင် လေ့ကျင၊့် မမှားချင်လျှင် ပြန်စစ်၊ အောင်မြင်ချင်လျှင် ဝီရိယထား။

ဗုဒ္ဓပုံရိပ်လွှာများ

Saturday 15 October 2011

ဘုရားရှင်တို့၏ တူညီသော အချက် ၃၀

ဘုရားရှင်တို့၏ တူညီသော အချက် ၃၀

ဘုရားရှင်တို့၏ တူညီသော အချက် ၃၀‏ ဘုရားရှင်တို့တွင် တူသော အချက်များ (၃၀) ရှိပါသည် ။
(၁) အလောင်းတော်သည် နောက်ဆုံးသောဘ၀၌ မိခင်ဝမ်းကြာတိုက်တွင် ပဋိသန္ဓေ နေတော်မူသည်။
( ဒီမှာထူးခြားတာက နတ်ပြည်ကနေ စုတေကြတာပဲ ဖြစ်ပါတယ် ။ အလောင်းတော်တွေဟာ ဗြဟ္မာပြည်ကနေ စုတေပြီး ပဋိသန္ဓေ နေတော်မူတာမျိုးမရှိပါဘူး..တဲ့ ။ ဘာလို့လဲဆိုတော့ ဗြဟ္မာပြည်ကနေ လာရင် ကာမဂုဏ်ကို ရွံမုန်းတဲ့ စိတ်အထုံ လူ့ပြည်ကို ပါလာမယ် ။ အဲလိုဆိုရင်အိမ်ထောင်ပြုမှာ မဟုတ်ပါဘူး ။ အလောင်းတော်တွေဟာ ဒီလို စောစောစီးစီး ကတည်းက ကာမဂုဏ်ကို ရွံမုန်းနေရင်လည်း မဇ္စိမပဋိပဋာ လမ်းစဉ်ကို တွေ့ဖို့ခက်မယ် လို့ ဆိုပါတယ် ။)

(၂) မယ်တော်ဝမ်း၌ ထက်ဝယ်ပလ္ဘင် ဖွဲ့ခွေ၍ အရှေ့သို့မျက်နှာမူပြီးနေပါသည် ။
( အလောင်းတော်တွေဟာ သာမန်လူတွေရဲ့ သန္ဓေသားတွေလို အမိဝမ်းမှာ ပြောင်းပြန်မနေပါဘူး ။ အတည့်ပဲနေပါတယ် ။ မယ်တော်ရဲ့ ၀မ်းဗိုက်ဟာလည်း ပူထွက်လာခြင်းမရှိပါ ။ မယ်တော်ဟာ ကိုယ့်ကိုယ့်သန္ဓေသားကို ကိုယ် ဗိုက်ကနေ ကောင်းကောင်းမြင်နေနိုင်ပါတယ် ။ ချဉ်ခြင်းတပ်ခြင်း ၊ နာကျင်အော့အန်ခြင်း မရှိပါ ။ အလောင်းတော်တွေဟာ မယ်တော်တွေကို ကိုယ်ဝန်ဆောင်ခြင်းဒုက္ခ မပေးကြပါ ။ )

(၃) အလောင်းတော်ကို မတ်တတ်ရပ်လျက် ဖွားပါသည် ။
( ညစ်ပေမှု မရှိပါ ၊ မိခင်လည်း ကျန်းမာစွာ ရှိရပါတယ် ၊ နောက် (၇) ရက်မှာတော့ မိခင် ကံတော်ကုန်ရပါတယ် ။ သကျသာကီဝင် ဆိုသည်မှာ ပင်ကိုယ်စွမ်းရည်ရှိသူဟု အဓိပ္ပာယ်ရသည့် အတိုင်း မွေးပြီးပြီးချင်း ကိုယ့်ခြေထောက်ပေါ် ကိုယ်ရပ်ပါတယ် ။

(၄) တောအရပ်၌သာ ဖွားတော်မူပါသည်။

(၅) ဖွားပြီးပြီးခြင်း မြောက်အရပ်သို. ခြေ (၇) လှမ်းကြွကာ…… “ဤလောက၌ ငါသာ အမြတ်ဆုံးတည်း ၊ ငါ၏ နောက်ဆုံး ပဋိသန္ဓေ နေရခြင်းတည်း ၊နောက်ထပ် ပဋိသန္ဓေ နေစရာ မလိုတော့ပြီ “……ဟု ကြုံးဝါးတော်မူပါသည်။
(ထိုကာလတွင် အကိုးကွယ်ခံ ဘ၀သို့ ရောက်မှန်းမသိရောက်နေသော ဗြဟ္မာတွေကို အသိပေးကြုံးဝါးခြင်း ဟု ဆို၏ ။ ဂေါတမ ဘုရားလောင်းသည် ဘ၀ပေါင်း (၃) ခု၌ ဖွားစမှာပင် စကားပြော၏ ။ မဟောသဓါ ၊ ဝေဿန္တရာ နှင့် နောင်ဆုံးဘ၀ – (သုခမှတ်စု))

(၆) သူအို၊သူနာ၊သူသေ ၊ရဟန်း နိမိတ် (၄)ပါးမြင်ပြီး ၊ သား(၁)ယောက်ဖွားသော ညမှသာ တောထွက်တော်မူကြသည်။
( ထိုနိမိတ်ပြသော နတ်သားကို ဘုရားလောင်း၏ ဆရာ ၅-ယောက်တွင် ၁-ယောက် အပါအ၀င်ဟု သတ်မှတ်ပါတယ် ။ )

(၇) အရဟတ္တဖိုလ်၏ တံခွန်ဖြစ်သော ရဟန်းအဖြစ်ကို ရယူပြီးမှ ဒုက္ကရစရိယ ကျင့်သည်။

(၈) ဘုရားဖြစ်မည့်နေ့တွင် နွားနို့ဃနာဆွမ်း ဘုန်းပေးတော်မူကြသည်။
( ထိုဆွမ်းတွင် နတ်သြဇာပါတတ်ပြီး ဘုရားဖြစ်ပြီး (၇) ပတ် ၊ (၄၉) ရက်စာ အာဟာရ ဖြစ်သည်။ ဘုရားရှင်၏ ၀မ်းထဲတွင် အစာခြေလည်း မမြန် ၊ မြန်မြန်လည်း မဆာလောင်ဘဲ သမာပတ်ဝင်စားခြင်း ၊ တရားတော်များကို ဆင်ခြင်သုံးသပ်ခြင်းများအတွက် ကောင်းစွာ ထောက်ပံ့တယ်။ )

(၉) မြက်အခင်းတွင် ထိုင်တော်မူလျက် ဘုရားဖြစ်သည်။

(၁၀) အာနပါန ကမ္မဌာန်းကို စီးဖြန်းတော်မူကြသည် ။
( ဘုရားရှင်တို့သည် အာနပါန ကမ္မဌာန်းဖြင့်သာ သဗ္ဗညုတဥာဏ်တော်ကို ရရှိကြသောကြောင့် ဂေါတမ ဘုရားရှင်သည်လည်း အာနပါန ကို လွန်စွာ ချီးမွမ်းတော်မူသည်။ ပါဠိတော်တွင်လည်း -
၁/ မဟာသတိပဌာနသုတ် ( ဒီ-၂ ၊ ၃၁ )
၂/ မဟာသတိပဌာနသုတ် ( မ-၁ ၊ ၇၀ )
၃/တတိယပါရာဇိက ပါဠိ ( ၀ိ-၁ ၊ ၈၉ )
၎/ အာနာပါနဿတိ သုတ် ( မ-၃ ၊ ၁၂၂ )
၅/ မဟာရာဟုလောဝါဒသုတ် ( မ-၂ ၊ ၈၈ )
၆/ ကာယဂတာသတိသုတ် ( မ-၃ ၊ ၁၃၀ ) တို့၌ ဟောတော်မူခဲ့သည် ။

(၁၁) မာရ်စစ်သည်ကို အောင်တော်မူသည် ။

(၁၂) ဗောဓိပလ္လင်၌သာ ၀ိဇ္ဇာ(၃)ပါးစသော ဆအသာဓာရဏ …အစရှိသော ကျေးဇူးတရားအပေါင်းကို ရတော်မူကြပါသည်။

(၁၃) ဗောဓိပင်ရဲ့ ထက်ဝန်းကျင်၌သာ သတ္တ သတ္တာယကျင့်တော်မူကြပါတယ်။ (၇) ဌာနကို ပို့စ်သက်သက် တင်ထားပါတယ်…. ဒီမှာ တင်လိုက်ရင် အရမ်းရှည်နေမှာ စိုးလို့ပါ ။

(၁၄) တရားဦးဟော စိမ့်သောငှာ ဗြဟ္မာမင်းက လျှောက်ရသည် ။
( ၇ -သတ္တဟ အပြီး ၅၀-ရက်မြောက်နေ့မှာ အဘယ်သူအား တရားဟောရမည်နည်း ၊ အဘယ်သူသည် ခက်ခဲနက်နဲသော ဤတရားများကို ခေတ်ကာလ၏ အယူဝါဒများမှ ခွဲထွက်၍ လျင်မြန်စွာ နားလည်နိုင်မည်နည်း ဟု ဆင်ခြင် ကြည့်တော်မူပါတယ် ။ မဟာစည်ဆရာတော်ဘုရားကတော့ ဒီနေရာမှာ မြန်မြန်တရားထူးရမယ့် သူကို ရှေးဦးစွာ ဟောဖို့ ရည်ရွယ်ချက် ဖြစ်တယ် ။ ဆင်ခြင်တဲ့ နေရာမှာ ဘုရားရှင်တွေဟာ ပကတိမျက်စိကိုပဲ သုံးတော်မူကြတယ်လို့ ဟောပါတယ် ။
ဘာကြောင့် ဗုဒ္ဓစက္ခု ( ဣန္ဒြိယပရောပရိယတ္တ ၊ အာသယာနုသယ ဥာဏ် (၂)ပါး ) ကို မသုံးတာလဲ ဆိုတာ မသိပါဘူး ။ ပကတိမျက်စိနဲ့ပဲ ကြည့်တော့ ပထမမှာ ဒီလောက် ခက်ခဲနေတဲ့ တရားတွေကို နားလည်သဘောပေါက်ပြီး စောစောစီးစီး တရားထူးရမယ့် သူကိုမတွေ့ဘူးလို့ ဆိုပါတယ် ။ ဒီအခါ ဘုရားရှင်ဟာ မချိတင်ကဲနဲ့ တစ်လောကလုံး အန္ဓတွေကြီးပါလား လို့ ညည်းတွားတော်မူပါတယ်။ ကိလေသာထူပြောလွန်းတဲ့ လောကကို တရားမဟောတော့ဘူး၊ တစ်ကိုယ်တည်း ဖိုလ်ချမ်းသာနဲ့ နေတော့မယ် ဆိုတဲ့ စိတ်အကြံလည်း ဖြစ်ပါတယ် ။ ဒီအခါမှာ ဗြဟ္မာမင်းက တရားဦးဟောရန် လျှောက်ရပါတယ်။ ဂေါတမဘုရားရှင်ကိုတော့ မဟာသဟမ္ပတိ ဗြဟ္မာမင်းက တောင်းပန်တယ် လို့ဆိုပါတယ်။ ဒီဃန်ိကယ် မှာတော့ ၀ိပဿီ ဘုရားရှင်လည်း ဒီလို ဖြစ်ခဲ့တယ်လို့ အတိအလင်းရေးထားပါတယ်။ )

(၁၅) ဣတိပတနမိဂဒါဝုန်တော ၌သာ ဓမ္မစကြာတရားဦးကို ဟောတော်မူကြပါတယ်။

(၁၆) တပို့တွဲ လပြည့်နေ့၌သာ ပါတိမောက် ပြတော်မူကြပါတယ် ။

(၁၇) ဇေတ၀န်မည်သော ကျောင်းတော်၌သာ သီတင်းများကြသည်။

(၁၈) သာဝတ္ထိမြို့၌ သာ ယမိုက်ပြာဋိဟာပြတော်မူပါသည် ။
( ယမိုက် + ပြာဋိဟာ = အစုံစုံ + တန်ခိုး ။ ရေအစုံ၊ မီးအစုံ ဟုဆိုအပ်သော အစုံလိုက် အစုံလိုက် ဖြစ်ပေါ်စေသော တန်ခိုးတော် )

(၁၉) တာဝတိံသာ၌သာ အဘိဓမ္မာတရားဟောပါတယ် ။
မြတ်စွာဘုရားသည် ပထမ၀ါကို မိဂဒါဝုန်မှာ ၀ါကပ်တော်မူပြီး ဒုတိယ၀ါ၊ တတိယ၀ါ၊ စတုတ္ထ၀ါတို့ကို ရာဇဂြိုဟ်ပြည် ဝေဠုဝန်ကျောင်း၊ ပဉ္စမ၀ါကို ဝေသာလီပြည်၊ ဆဋ္ဌ၀ါကို မကုဠတောင် စသည့် နေရာဌာနများ၌ ၀ါကပ်တော်မူသည်။ သတ္တမ၀ါကို တာဝတိံသာနတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသည့် သန္တုဿိတ နတ်သားကို အမှူးထား၍ အဘိဓမ္မာဒေသနာတော်ကို ၀ါတွင်းသုံးလပတ်လုံး အသံမစဲ ဟောတော်မူသည်။

အဘိဓမ္မာ သင်တန်းမှာ မှတ်သားမိတာကတော့ ၀ါတွင်း ( ၃ ) လ မှာ -
၁။ ဓမ္မသင်္ဂဏီကျမ်း ကို ( ၁၂ ) ရက်
၂။ ၀ိဘင်္ဂ (၀ိဘင်းကျမ်း)ကို ( ၁၂ ) ရက်
၃။ ဓာတုကထာကျမ်းကို ( ၆ ) ရက်
၎။ ပုဂ္ဂလပညတ္တိ (ပုဂ္ဂလပညတ်ကျမ်း)ကို ( ၇ ) ရက်
၅။ ကထာဝတ္ထုကျမ်းကို ( ၈ ) ရက်
၆။ ယမက (ယမိုက်ကျမ်း)ကို ( ၂၀ ) ရက်
၇။ ပဋ္ဌာန (ပဋ္ဌာန်းကျမ်း)ကို ( ၂၅ ) ရက် ဟောတော်မူခဲ့သည်။

နတ်ပြည်မှာ ဘုရားရှင် ရဲ့ နှုတ်ထွက်စကားပြောနှုန်း မြှင့်ပြီးဟောလို့ရတာဟာလည်း အကြောင်းတစ်ခုလို့ ဆိုပါတယ်။
ကျွန်တော် တွက်ကြည့်တာကတော့ လူ့ပြည် (၁၀၀) နှစ် = တာဝတိသာ(၁) ရက်

ယမိုက်ကျမ်း-အရ
လူ့ပြည် (၁) နှစ် = လူ့ပြည် (၁၂) လ = တာဝတိသာ ( ၀.၂၄ ) နာရီ
လူ့ပြည် (၃) လ = တာဝတိသာ ( ၀.၀၆ ) နာရီ = တာဝတိသာ (၃.၆) မိနစ်
နတ်တွေအတွက်တော့ (၃.၆) မိနစ် ပဲကြာပါတယ် ။ သူတို့ရဲ့ အချိန်အတိုင်းအတာတွေ ကျွန်တော်တို့နဲ့ ရေတွက်ပုံ တူရင်ပေါ့လေ။ (၆၀) မိနစ် = (၁)နာရီတွေ ဘာတွေ၊ မရှိရင်တော့ ဒီလိုတွက်လို့ မရနိုင်ဘူးပေါ့ ။ ကျွန်တော်လည်း လူ့ပြည်ရောက်တာကြာပြီဆိုတော့ မေ့ကုန်ပြီ ။( ဟီး )

(၂၀) သင်္ကဿနဂိုရ်ပြည်၌သာ နတ်ပြည်မှ သက်တော်မူပါတယ် ။

(၂၁) ဖလသမာပတ်ကို မပြတ်ဝင်စားတော်မူပါတယ် ။

(၂၂) နံနက်အခါ ၊ ညဉ့်အခါ တို့၌ ကျွတ်ထိုက်သော ဝေနေယျကို ကြည့်ရှုတော်မူပါသည်။
( နေ့ (၃) ခါ ၊ ည (၃)ခါ ..၆ ခါ ကြည့် ပါတယ် )

(၂၃) အကြောင်းရှိမှ ၀ိနည်းတရားတို့ကို ပညတ်တော်မူပါသည်။

(၂၄) အတ္ထုပ္ပတ္တိ နဲ့ တိုက်ဆိုင်မှုရှိလျှင် အတိတ်မှ ဇာတ်တရားများကို ဟောပါသည်။

(၂၅) ဆွေတော် ၊ မျိုးတော်တို့၏ အစည်းအဝေး တရားပွဲများတွင် ဗုဒ္ဓ၀င်ကိုသာ ဟောတော်မူကြသည်။

(၂၆) ဧည့်သည်ရဟန်းတို့နှင့် တရားစကား ပြောတော်မူကြသည်။

(၂၇) ဒါယကာတို့ ဖိတ်၍ ၀ါဆိုတော်မူသော် ၊ ၀ါကျွတ်လျှင် ဒါယကာတို့အား ပန်ကြားပြီးမှသာ ထွက်ခွာကြွသွားတော်မူကြသည်။

(၂၈) နေ့စဉ် အခါခပ်သိမ်း ဗုဒ္ဓကိစ္စငါးပါးကို ပြုတော်မူသည်။
( ဗုဒ္ဓကိစ္စငါးပါး ။ ။
၁/ ပုရေဘတ္တကိစ္စ = နံနက်ပိုင်း၌ ဆွမ်းခံကြွတော်မူခြင်း၊ အလှူရှင် တို့အား အခွင့်အားလျော်စွာ မနုမောဒနာပြုခြင်း ကိစ္စ။
၂/ ပစ္ဆာဘတ္တကိစ္စ = နေလွဲအခါ နဲ့ ညနေပိုင်း၌ ပူဇော်ရန်လာသူတို့၏ အပူဇော်ခံပြီး သင့်တော်သော တရားဟောခြင်းကိစ္စ။
၃/ ပုရိမယာမ ကိစ္စ = ညဉ့်ဦးယံ၌ ရဟန်းတို့အား တရားဟောခြင်း၊ကမ္မဌာန်းပေးခြင်း စသော ကိစ္စ။
၎/ မဇ္စိုမယာမကိစ္စ = သန်းခေါင်ယံ ၌ စကြာဝဠာ တိုက်တစ်သောင်းမှ လာရောက်ကြကုန်သော နတ်၊ဗြဟ္မာတို့၏ အမေးပုစ္ဆာပြဿနာတို့ကို ဖြေဆိုတော်မူခြင်းကိစ္စ။
၅/ ပစ္ဆိမယာမ ကိစ္စ = မိုးသောက်ယံ ၏ ၃ ပုံ ၊ ၁ ပုံ တွင် – ပထမတစ်ပုံ၌ စင်္ကြံကြွတော်မူခြင်း ၊ ဒုတိယတစ်ပုံ၌ သီဟသေယျဖြင့် လက်ယာနံတောင်း လျောင်းစက်တော်မူခြင်း၊ တတိယအပုံ၌ မဟာကရုဏာဖြင့် စတုတ္ထဈာန်သမာပတ်ကို ၀င်စားတော်မူ၍ ထိုကရုဏာသမာပတ်မှ ထတော်မူသောအခါ (အရုဏ်တက်ခါနီး) ယနေ့ ချွတ်ထိုက်သော သတ္တ၀ါကို ဗုဒ္ဓစက္ခုဖြင့် လောက(၃)ပါးကို ကြည့်တော်မူခြင်း ကိစ္စ ။
သုတ်သီလက္ခန် အဌကထာ – မှ )

(၂၉) ပရိနိဗ္ဗာန်ပြုအံ့သောနေ့၌ သားပြွမ်းဆွမ်းကို ဘုဉ်းပေးတော်မူသည်။

(၃၀) သမာပတ်ဝင်စားပြီးမှ ပရိနိဗ္ဗာန်ပြုတော်မူသည်။
ဗုဒ္ဓကမ္ဘာဆိုဒ်မှ သဘောကျ၍ ကူးယူထားသည်။

Sunday 21 August 2011

ဘုရားစေတီအချို့ ရှေ့က မနုသီဟ ဖင်နှစ်ခွ အကြောင်းသိကောင်းစရာ

ယခု စာရေးသူ တင်ပြသွားမည့်စာသားလေးက (မနုသီဟ) လူနှင့်ခြင်္သေ့နှစ်ခွ အကြောင်းဖြစ်ပါတယ်။ ဒီအကြောင်းအရာကို ရေးသားရခြင်းအကြောင်းက ဘုရားရှေ့ခြင်္သေ့အကြောင်းကိုရေးသား၍ ပို့တင်ပေးလိုက်သောအခါ pyae pho aung သည် (အရှင်ဘုရားကျေးဇူးတော်ကြီးမားလှပါတယ်ဘုရား ၊ မနုသီဟ အကြောင်းကိုလည်းသိလိုပါတယ်ဘုရား )ဟု ရေးသားပြီး တင်ဘို့ လျောက်ထားလာတဲ့အတွက်ကြောင့်သော်လည်းကောင်း၊ ဗုဒ္ဓဘာသာ၏ သင်္ကေတများကို လွဲမှားပြီး သိကြမည် စိုးသောကြောင့်လည်းကောင်း၊ ဘာသာရေးကို မှန်မှန်ကန်ကန်သိပြီး မှတ်သားယူစေချင်သော စေတနာ ဆန္ဒကြောင့် သော်လည်းကောင်း စာရေးသူ မအားသည့်ကြားက ကြိုးစားရှာဖွေပြီး လက်လှမ်းမှီသ၍ တင်ပြရေးသားခြင်းဖြစ်ပါသည်။

မနုသီဟ ဆိုသည်မှာ ရှေးက တကယ်ရှိခဲ့ဖူးသော သတ္တ၀ါတစ်မျိုးမဟုတ်ပေ။ ရှေးခေတ်က လူများ စိတ်ကူးဥာဏ် ဆန်းကြယ်စွာ တီထွင်ပြုလုပ်ခဲ့သော တိရစ္ဆာန် ကိုယ်တစ်ပိုင်း လူတစ်ပိုင်း အရုပ်မျိုးဖြစ်သည်။ ယင်းကို မြန်မာနိုင်ငံ အချို့သော စေတီပုထိုးများတွင် တွေ့ရသည်။မနုသီဟ ဟူသော စကားမှာ ပါဠိစကားဖြစ်၍ လူခြင်္သေ့ ဟု အဓိပ္ပါယ်ရသည်။ ခြင်္သေ့ကိုယ်၌ လူဦးခေါင်း တပ်ဆင်ထားသော အရုပ်ဖြစ်ခြင်းကြောင့် မနုသီဟ ဟု ခေါ်တွင်လာဟန်တူသည်။ မြန်မာတို့ စိတ်၌မှု မနုသီဟ ဆိုလျင် ကိုယ်နှစ်ခုရှိသည်ဟု စွဲယူပြီးဖြစ်သည်။

မနုသီဟရုပ်ကို ထုလုပ်ထားပုံမှာမူ အနုပညာမြောက်သည်။ လူဦးခေါင်း၌ မကိုဋ်သဏ္ဍာန်ရှိသော အချွန်အတက်များနှင့် ဦးဆောင်းကို ဆောင်းထားပေးသည်။ မြန်မာနိုင်ငံရှိ မနုသီဟ ရုပ်များသည် အီဂျစ်ပြည်ရှိ စဖင့်ရုပ်များနှင့် တူသည်။ လူဦးခေါင်း၌ မကိုဋ်သဖွယ် ဆောင်းထားပေးခြင်းကြောင့် အီဂျစ်ပြည် စဖင့်ရုပ် ဦးခေါင်းများကဲ့သို့ ဘုရင်တစ်ဦးဦး၏ ပုံတူသို့မဟုတ် ကိုးကွယ်သည့်နတ် ၊ ဗြဟ္မာတစ်ဦးဦး၏ ရုပ်ပုံကို စိတ်ကူးဖြင့်မှန်းဆ၍ ထုလုပ်ထားဖွယ်ရှိသည်ဟု တွေးထင် ယူဆရသည်။
ယင်းမနုသီဟ ရုပ်များသည် မည်သည့် ခုနှစ် သက္ကရာဇ်က ထုလုပ်ပေါ်ပေါက်လာခဲ့သည်ဟု အသေအချာ မသိရချေ။ သို့သော် သာသနာလင်္ကာရ စာတန်းတွင် မြတ်စွာဘုရားသခင် ပရိနိဗ္ဗာန် စံယူပြီးနောက် သာသာနာ ၂၃၅ ခုနှစ်ရောက်သော် ရာမညတိုင်း အစိတ် သုဝဏ်ဏဘုမ်မိသို့ အရှင်သောဏ၊ အရှင်ဥတ္တရ မထေရ်နှစ်ပါးကို အရှင်မောဂ္ဂလိပုတ္တတိဿက ရဟုန်းပြု ကံမြောက်လောက်အောင် သံဃာငါးပါးနှင့် သာသနာပြု စေလွှတ်တော့မူ၏။ထိုအခါ သုဝဏ်ဏဘုမ်မိတိုင်း သထုံပြည်ဝယ် သီရိဓမ္မာမေသာက မင်းပြု၏။ --- ထိုမြို့သည် သမုဒ္ဒရာနှင့် နီးသောကြောင့် ရေစောင့်ဘီလူးမသည် မင်းအိမ်၌ သားဖွားတိုင်း စားလေ၏။

သာသနာပြုမထေရ်တို့ ရောက်သောနေ့လည်း မင်းအိမ်၌ သားဖွားခိုက်ကြုံ၍ ဘီလူးမစားမည်ဟု အရံငါးရာနှင့်လာသည်ကို လူတို့မြင်၍ ကြောက်လန့်ကြွေးကြော်ကြ၏။ ထိုအခိုက်တွင် မထေရ်လည်း ကြောက်မက်ဘွယ်ရှိအောင် ခြင်္သေ့နှင့်တူသော ခေါင်းတစ်လုံး ကိုယ်နှစ်ခုရှိသော မနုသီဟ သဏ္ဍာန်နှင့် အရေအတွက် နှစ်ဆထက်သာအောင် ဖန်ဆင်းပြီးမှ ဘီလူးမတို့ကို လိုက်၍ ပိတ်ဆီးကုန်လျှင် ဘီလူးမတို့ပြေးသွားကြလေကုန်၏။

တဖန် မထေရတို့လည်း ဘီလူးမတို့မလာစိမ့်သောငှါ ပရိတ်အရံအတားကို ပြုပေး၏။ ထိုကာလ စည်းဝေးလာ သူတို့အား ဗြဟ္မဇာလသုတ်တော်ကို ဟော်တော်မူသော် ခြောက်သောင်းသော လူတို့အကျွတ်အတန်း သောတာပန်းစသော အရိယာဖြစ်လေကုန်၏။ ထိုကာလမှစ၍ ယနေ့ဖွားစ မင်းသားငယ်တို့အား သောဏုတ္တရ ဟူ၍ ငယ်မည်မှည့်ကြကုန်၏။
သူငယ်ခပ်သိမ်းတို့အားလည်း ဘီလူးဘေးကို ဆီးတားခြင်းငှာ ထန်းရွက်၊ သလူရွက်များတွင် မထေရ်တို့ဖန်ဆင်းသော မနုသီဟ ရုပ်ကိုရေး၍ ခေါင်းထက်တင်ထားကုန်၏။ ထိုအရုပ်ကို သထုံမြို့၏ အရှေ့မြောက်ထောင့် တောင်ထိပ်ထက် ကျောက်ရုပ်ထု၍ ယခုထက်တိုင် ရှိသည်ဟု ဖော်ပြပါရှိလေသည်။

ဖတ်ဖူးတွေ့ဖူးခဲ့သော မနုသီဟစာ ၊ပုံများကို ၁၉၈၁၊ သြဂုတ်လ၊ ရှုမ၀ တွင် ကိုအေးမြင့်ရေးခဲ့ဖူးပါသည်။ မူလအစ ကလျာဏီကျောက်စာကဟု ဆိုရမည်ဖြစ်သော်ငြားလည်း မနုသီဟ ရုပ်များ အထူးသဖြင့် ပန်းရံ၊ပန်းတော့ ၊ ပန်းတမော့ ရုပ်များဖြင့် ခေတ်စားခဲ့သည်မှာ အမရပူရခေတ်ဟု ဆိုနိုင်ပါသည်။ အကြီးဆုံးနှင့် အချို့ကျဆုံး မနုသီဟရုပ်များကိုအမရပူရ တောင်သမန် ကျောက်တော်ကြီး(မဟာသကျရံသီ၊ ၁၈၅၀ ခုနှစ်)တွင် တွေ့မြင်နိုင်သည်။ ပုဂံမင်းသည် အမရပူရခေတ် နောက်ဆုံး(၆) နှစ်တွင် နန်းစံခဲ့သည်။ အပျော်အပါးများသော မင်းငယ်တစ်ပါးဖြစ်ခဲ့သော်လည်း အောက်ခြေ စီမံသူ ပညာရှင်များ တော်ခြင်းကြောင့် ထိုတောင်သမန်ကျောက်တော်ကြီးနှင့်အတူ မနုသီဟ (၁၂) အပါအ၀င် ပန္နက်ပုံ ကောင်းလှသည်။ သူ၏ဘေးတော် ပဒုံမင်း၏ မင်းကွန်းစေတီတော်ကြီး ဗိသုကာစနစ် မကောင်းသမျှ ဤတောင်သမန် ကျောက်စာတော်ကြီးဗိသုကာစနစ်ကောင်းမွန်လှ၍ စံထားမိပါသည်။ မနုသီဟ ဖင်နှစ်ခွဖြစ်နေခြင်းမှာ (ထောင့်) နေရာ၌ လိုက်လျောစေလိုသော ဒီဇိုင်းအယူအဆအရ ဖြစ်ရသည်ဟု သုံးသပ်ထားပါသည်။အထက်ပါ အကြောင်းအရာတို့ကို ထောက်ထားကြည့်ပါက သာသနာပြုမထေရ်တို့ လူသားများအတွက် အန္တရာယ်မကျရောက်စေလိုသောကြောင့် ဘီလူးဘေးကင်းဝေအောင် မနုသီဟ ဖင်နှစ်ခွပုံစံကို ဖန်တီးပေးခဲ့ဖူးသည်။
ထို့ကြောင့် လူသားများသည် ဘုရားပုထိုးစေတီအချို့ရှေ့က မနုသီဟ ဖင်နှစ်ခွကို မြင်ကြသောခါ အန္တရာယ်မှ ကာကွယ်သည့် သဘောဖြင့် ထုလုပ်ပြသထားတာပါလားဟု မှတ်ယူကြစေခြင်းငှာ ဤဆောင်းပါးကို ရှာဖွေစုဆောင်း ရေးသားလိုက်ရပါသတည်း...........

ကျမ်းကိုး................
မြန်မာ့စွယ်စုံကျမ်း အတွဲ (၈)
(၂၀၀၃၊ ဇွန်၊ ရတနာမွန်)

အရှင်သုဇနာစာရ (တက္ကသိုလ်စာသင်သား )
သာသနာ့တက္ကသီလဓမ္မာစရိယ B.A BUDDHISM,
မဟာဓမ္မာစရိယကျမ်းပြု ,
M.A - KELANIYA UNIVERSITY SRI-lANKA,
M.A -MAGADH UNIVERSITY INDIA ,
PH.D THESIS - INDIA
bhavaalin@gmail.com / http://goodbrother-goodbrother.blogspot.com/

Thursday 18 August 2011

............ဘုရားရှေ့က ခြင်္သေ့ရုပ်က ဒီလိုပါ..........

စာရေးသူယခု တင်ပြသွားမည့်စာသားလေးက (ဘုရားရှေ့က ခြင်္သေ့ရုပ်က ဒီလိုပါ )ဆိုတဲ့ အကြောင်းလေးကို

မှားသောအပိုင်း နှင့် မှန်သောအပိုင်း ဆိုပြီး

နှစ်ပိုင်းခွဲခြားရေးသားသွားမှာဖြစ်ပါတယ်။ ယခုအကြောင်းအရာကို ရေးသားရခြင်းအကြောင်းကား စာရေးသူ ဟင်္သာအကြောင်းကို ရေးသား၍ မျှဝေလိုက်သောအခါ စာပေချစ်ခင်သူများသည် ခြင်္သေ့အကြောင်းကိုလည်း သိချင်ပါသည် ဆက်လက်၍ ရေးသားပေးရန် တောင်းဆိုသူများ ရှိခဲ့သောကြောင့် ခြင်္သေ့အကြောင်းကို ရေးသားလိုက်ခြင်းဖြစ်ပါသည်။ အချို့စာပေချစ်ခင်သူများသည် ဘုရားစေတီများရှေ့တွင် ခြင်္သေ့ပုံကို တွေ့မြင်ကြရသည့်အခါ ခြင်္သေ့အကြောင်းကို သိချင်သူများ
အလွန်တရာများလှသည်။ တချို့သိသူများရှိသလို မသိသူများလည်း အလွန်များလှသည်။ တချို့သိသူများကလည်း ဃဃနန သိသူရှိသလို လွဲမှားပြီး သိကြသူများလည်းရှိကြသည်။ သိပြီးသူများလည်း ပြန်လည်၍သိစေခြင်းငှါလည်းကောင်း၊ တိတိကျကျ မသိသေးသည့် သူများလည်း မှန်မှန်ကန်ကန် သိစေခြင်းငှာလည်းကောင်း လက်လှမ်းမှီသမျှ ရှာဖွေစုဆောင်း၍ရေးသားသွားပါမည်။

တချို့ဗုဒ္ဓဘာသာဝင် အများစုသည် သီဟဗာဟု မင်းကို အကြောင်းပြုပြီး ဘုရားစေတီရှေ့များတွင် ခြင်္သေ့ရုပ်ပုံများ ထုလုပ်ထားသည်ဟု ရေးသားသူများရှိသလို သိရှိထားကြသူများလည်း ရှိကြပေသည်။ အထက်ပါ အထောက်ထား မှန်မမှန် ဝေဖန်သုံးသပ်ဘို့ များစွာလိုအပ်လှပေသည်။

သီဟဗာဟုမင်းနှင့်ပတ်သက်ပြီး ဘုရာစေတီများရှေ့တွင် ခြင်္သေ့ရုပ်ပုံများထုလုပ်ထားသည်ဟုရေးသားထားသော
( မြတ်မင်္ဂလာ ၂၀၀၁-ခု ဇန်န၀ါရီလ ) ထုတ်တွင်လည်းကောင်း၊

မင်္ဂလာသတင်းစဉ် blog site (http://mawluu.blogspot.com/2009_09_01_archive.html) နှင့်

ဓမ္မရတနာ(Google groups) မှာလည်း ဖြန့်ဝေထားသည်ကို စာရေးသူရှာဖွေဖတ်မှတ်ထားပါသည်။

ရေးသားထားပုံမှာ...........

..............ဘုရားစေတီပုထိုးတို့တွင် တွေ့ရသော ခြင်္သေ့ရုပ်တု...........

ဗုဒ္ဓဘာသာ မြန်မာလူမျိုးတို့သည် ဘာသာတရားကို လွန်စွာယုံကြည် ကိုးစားကာ ရိုသေကိုင်းရှိုင်းကြပေသည်။ မြန်မာပြည်တ၀န်း အရပ်ရပ်တွင် ဘုရားစေတီ ပုထိုးတို့ကို တွေ့မြင်နိုင်ပါသည်။ ယင်းစေတီပုထိုးတို့၏ မုခ်ဦးတွင် ခြင်္သေ့ရုပ်တု နှစ်ခုကို တွေ့မြင်ရသည်မှာ အထင်အရှားပင်။ ထိုကဲ့သို့ စေတီပုထိုးတို့တွင် ခြင်္သေ့ရုပ်တုကို တွေ့မြင်ရခြင်း အကြောင်းရင်းမှာ အောက်ပါ ပုံဝတ္ထုအရတို့ ဖြစ်ပါသည်။

ရှေးအခါက ၀င်္ဂတိုင်းကို အစိုးရသော ၀င်္ဂရာဇ်မင်းသည် ကာလိင်္ဂမင်း၏ သမီးတော်ကို မိဖုရားတင်မြှောက်၏။ ထိုမိဖုရားမှ သမီးတော်တပါး ဖွားမြင်၏။ သမီးတော်လေး၏ ဇာတာ စန်းလဂ်တို့ကို နိမိတ်ဖတ်ပညာရှိများက တွက်ချက်ကြည့်ရာ ဤမင်းသမီးသည် ကေသရာဇာခြင်္သေ့မင်း၏ မြောက်သား ဖြစ်လိမ့်မည်-ဟု နိမိတ်ဖတ်ကြသည်။ ထို့ကြောင့် မင်းသမီးကို ကေသရီ-ဟု အမည်မှည့်ကြ၏။ ကေသရီသည် လွန်စွာလှပ ချောမောလှသော်လည်း ကာမဂုဏ်တို့၌ ခုံမင်မက်မောအားကြီး၏။ ခမည်းတော်၊ မယ်တော်တို့ ဆိုဆုံးမခြင်းကို နာခံခြင်း မရှိသောကြောင့် ပြည်မှ နှင်ထုတ်လိုက်၏။

မင်းသမီးလည်း ဆင်းရဲသူမ အသွင်ဖြင့် လှည်းကုန်သည်တို့နှင့် လိုက်သွားလေသည်။ လာဠတိုင်းဖြစ်သော တောအုပ်သို့ ရောက်သည့်အခါ ကျောက်ဂူ၌ နေသော ကေသရာဇာခြင်္သေ့မင်းသည် လှည်းအပေါင်းကို လိုက်လေသည်။ လှည်းသားများ ကြောက်ရွံ့၍ ထွက်ပြေးပုးန်းရှောင်ကြ၏။ မင်းသမီးမှာမူ နိမိတ်ဖတ်ပညာရှိတို့ စကားကို သိထားလေရာ ခြင်္သေ့မင်းရှိရာသို့ ပြေးသွားတော့၏။ ခြင်္သေ့မင်းလည်း မင်းသမီးကို မြင်တွေ့လေသော် တပ်မက်သောစိတ်ရှိသဖြင့် ခါးအမြီးတို့ကို လှုပ်လျက် နားနှစ်ဖက်ကို ချပြီးလျှင် စောင့်နေ၏။ မင်းသမီး၌ တပ်စွန်းခြင်းရှိသောကြောင့် မိမိကျောကုန်းထက်၌ တင်ပြီးလျှင် ကျောက်ဂူသို့ ခေါ်ဆောင်သွား၏။မင်းသမီးသည် ခြင်္သေ့မင်းဖြင့် သားတယောက်၊ သမီးတယောက် အမြွှာမွေးဖွား၏။ သားကို သီဟဗာဟု နှင့် သမီးကို သီဟသီဝလိ-ဟု အမည်မှည့်၏။ သားနှင့်သမီးတို့ တဆယ့်ခြောက်နှစ်အရွယ်သို့ ရောက်သော် မိခင်အား ၄င်းတို့သည် မိခင်နှင့်သာ အသွင်တူ၍ ဖခင်နှင့် မည်သို့သောကြောင့် အသွင်မတူသနည်းဟု မေး၏။ ထိုအခါ မိခင်က ယင်းသည် ခြင်္သေ့မင်းနှင့် ပေါင်းဖက်ရသည့်အကြောင်းကို ပြောပြလေသည်။ သားဖြစ်သူက မိခင်နှင့် နှမကိုခေါ်၍ မိမိအဘိုးရှိရာ ၀င်္ဂတိုင်းသို့ ထွက်ပြေး၏။ ၀င်္ဂတိုင်း၏ နယ်စွန်ဖြစ်သော ပစ္စန္တရာဇ်သို့ ရောက်လေရာ မင်းသမီးဦးရီးတော်၏ သားဖြစ်သူ အနုနမည်သော စစ်သူကြီးနှင့် တွေ့ဆုံကြလေသည်။ အနုနစစ်သူကြီးက အကျိုးအကြောင်းကို မေးမြန်းရာ ၀င်္ဂမင်း၏ သမီးတော်ဖြစ်ကြောင်း
သိသွားသဖြင့် ၀င်္ဂမြို့သို့ ခေါ်ဆောင်သွားကာ ပေါင်းသင်းနေလေသည်။ခြင်္သေ့မင်းလည်း အစာရှာရာမှ ပြန်လာသော် ဇနီးနှင့်သားသမီးတို့ကို မတွေ့သဖြင့် ပူပင်သောကရောက်ကာ လိုက်လံရှာဖွေရာ တိုင်းစွန်ပြည်နားသို့ပင် ရောက်ရှိခဲ့၏။ ခြင်္သေ့ဝင်သဖြင့် ရွာအများပျက်စီးကြရလေသည်။ ထို့ကြောင့် ပြည်သူအများက ၀င်္ဂမင်းကြီးအား ခြင်္သေ့ကို နှိမ်နင်းပေးပါရန်
လျှောက်ထားကြသည်။ မင်းကြီးလည်း ဆင်ကုန်းထက်တွင် ဆုငွေထောင်ထုပ်ကို တင်လျက် ခြင်္သေ့ရန် နှိမ်နင်းနိုင်သူကို ရှာဖွေစေ၏။ သီဟဗာဟု သတို့သားလည်း ဤခြင်္သေ့သည် ငါတို့ကို မတွေ့သမျှ ရှာဖွေမည်သာ။ သို့ဖြစ်၍ ဤခြင်္သေ့ကို သတ်မှ ငြိမ်းအေးမည်-ဟု မယ်တော်ကို တိုင်ပင်၏။ မယ်တော်က နှစ်ကြိမ်တိုင်တိုင် တားမြစ်သည်။ သုံးကြိမ်မြောက်၌မူ မယ်တော်ကို မပန်ကြားဘဲ အသပြာထောင်ထုပ်ကို ယူပြီးလျှင် ဓား၊ လှံ၊ လေးမြားတို့ကိုယူ၍ ခြင်္သေ့ရှိရာ ကျောက်ဂူသို့ သွားလေ၏။ ခြင်္သေ့မင်းလည်း အဝေးမှ လာနေသောသားကို မြင်ရသော် ချစ်ခြင်းမေတ္တာစိတ်ဖြင့် စောင့်လင့်ကာ နေတော့သည်။ မင်းသားလည်း မြားရောက်နိုင်သည့် နေရာမှရပ်၍ မြားဖြင့်ပစ်လွှတ်၏။ သားအား ချစ်ခြင်းမေတ္တာအဟုန်ကြောင့် မြားသည်
ခြင်္သေ့မင်း၏ နဖူးကို ထိမှန်သော်လည်း စူရှခြင်းမရှိဘဲ ပြန်လည်၍ မင်းသား၏ခြေရင်း၌ ကျ၏။ ဤသို့ သုံးကြိမ်မြောက် ပစ်ပါသော်လည်း ရှေးနည်းတူပင် ပြန်လည်၍ မင်းသား၏ခြေရင်း၌ကျ၏။ ပစ်ဖန်များသော် ခြင်္သေ့မင်းလည်း အမျက်ထွက်လာသဖြင့် လိုက်၍ နှိပ်စက်ခြင်းငှါ ကိုယ်ကို လှုပ်ရှား၏။ ထိုအခါမှ ပစ်လွတ်သောမြားသည် နဖူးမှဝင်၍ ရင်သားကို ထွင်းဖောက်ကာ ကျောကုန်းမှ ထွက်ပြီးလျှင် မြေသို့ဝင်လေ၏။ ခြင်္သေ့မင်းလည်း သေဆုံးလေရာ မင်းသားသည် ခြင်္သေ့ဦးခေါင်းကို ဖြတ်၍ မင်းအား ဆက်သရန် ယူဆောင်လာခဲ့သည်။

ဝင်္ဂမင်းကြီးသည် ခြင်္သေ့ရန်ကို နှိမ်နင်းရန် သီဟဗာဟုအား စေလွှတ်ပြီးနောက် ကိုယ်တွင်းရောဂါဖြင့် ကံတော်ကုန်လေသည်။ အလောင်းကို သင်္ဂြိုဟ်ပြီး ခုနစ်ရက်မြောက်နေ့တွင် မင်းသားပြန်ရောက်လာခဲ့၏။ သီဟဗာဟုသည် ၀င်္ဂမင်း၏ မြေးတော် အရင်းလည်း ဖြစ်သဖြင့်လည်းကောင်း၊ ခြင်္သေ့ရန်ကို နှိမ်နင်းအောင်နိုင်ခဲ့သဖြင့်လည်းကောင်း၊ မှူးမတ်အပေါင်းတို့က ထီးနန်းကို အပ်နှင်းကြလေသည်။ သီဟဗာဟုလည်း မယ်တော်နှင့် ခင်ပွန်းအနုရက္ခ စစ်သူကြီးတို့အား ထီးနန်းကို အပ်နှင်းကာ မင်းပြုစေ၏။ မိမိမူကား နှမတော် သီဝလိကို မိဖုရားပြုကာ လိုက်လိုသူများကို ခေါ်ဆောင်လျက် မိမိအား မွေးဖွားရာ လာဠတောအုပ်ကို ရှင်းလင်းသုတ်သင်ပြီးလျှင် ခြင်္သေ့ဂူကို အဦးထား၍ မြို့တည်နေလေသည်။ ထိုမြို့ကို သီဟပုရမြို့-ဟု အမည်သမုတ်၏။

သီဟဗာဟုမင်းသည် မိမိ၏ဖခင်ဖြစ်သော ခြင်္သေ့မင်းကို သတ်မိသောအပြစ်ကို နောင်တတရား ရရှိကာ ဘုရားစေတီပုထိုးတို့တွင် ခြင်္သေ့ရုပ်တုကို တည်ထားကိုးကွယ်လေသည်။ ထိုအခါမှစ၍ ဘုရားစေတီပုထိုးတို့၏ မုခ်ဝတွင်လည်းကောင်း၊ ပစ္စယံ ၀န်းကျင်တွင်လည်းကောင်း၊ ခြင်္သေ့ရုပ်တုတို့ကို တွေ့မြင်နိုင်ပါသည်။ အသောကမင်းကြီး၏ စိုက်ထူသော ဆန်ချီနှင့်ဘာရု (Sanchi and Bharut) တွင်ရှိသည့် တိုင်ထိပ်၌ ခြင်္သေ့သုံးစီ၏ ရုပ်တုကို တွေ့မြင်ရပါသည်။

အထက်ပါ ပုံဝတ္ထုအရ စေတီပုထိုးတို့တွင် ခြင်္သေ့ရုပ်တုကို တွေ့ရသည်ဟု ယူဆမိပါသည်။

( တက္ကသိုလ်-ခေမာ။ ကျိုက်လတ် )

( မြတ်မင်္ဂလာ ၂၀၀၁-ခု ဇန်န၀ါရီလ )

အထက်ပါအထောက်အထားနှင့်ရေးသားထားသော အကြောင်းအရာများကို ရေးသားရာဝယ် ကျမ်းအမည်မပါပါ။
ထို့ကြောင့်စာရေးသူသည် ကျမ်းအမည်ကို ထပ်၍ ဖြည့်စွက်ထည့်ပေးလိုက်ပါသည်။ ကျမ်းအမည် ...မဟာဝင် စာအုပ်ကြီးဖြစ်ပါသည်။

မဟာဝင်စာအုပ်သည် အမှန်တော့ သီဟိုဠ်ရာဇ၀င် စာအုပ်ဖြစ်ပါသည်။ စာပေကို ချစ်ခင်ကြသူ မိတ်ဆွေအားလုံးတို့ ဘာသာရေးမှာ အသိတိုးစေဘို့ မဟာဝင်စာအုပ်ကို ဖတ်စေချင်ပါသည်။

အထက်ပါဆောင်းပါး၏ ဆိုိုလိုချက်ကို အကျဉ်းချုပ်ပြရမယ်ဆိုရင်..

သီဟဗာဟုမင်းရဲ့ မိခင်ဟာ ခြသေ့င်္နဲ့ ပေါင်းသင်းပြီး သားဖြစ်သော သီဟဗာဟုနဲ့ သမီးဖြစ်သော သီဟသီဝလ တို့ကိုမွေးပါသည်။ မွေးဖွားလာသော သီဟဗာဟုဟာ အဖေဖြစ်တဲ့ ခြသေ့င်္ကို နောက်ဆုံးသတ်မိသောကြောင့်.သီဟဗာဟုမင်းလည်း မိမိ၏ဖခင်ဖြစ်သော ခြင်္သေ့မင်းကို သတ်မိသောအခါ နောင်တတရား ရပြီး ဘုရားစေတီပုထ်ိုးတို့တွင် ခြင်္သေ့ရုပ်တုကို တည်ထားကိုးကွယ်သည်.ဟု ဆိုလိုပါတယ်.

တကယ်စဉ်းစားကြည့်မယ်ဆိုရင်ဖခင်ကိုသတ်မိလို့ နောင်တ ရ ကိုးကွယ်တာနဲ့ ဘုရားရှေ့မှာ ခြင်္သေ့ပုံကို ထားတာနဲ့ နှိုင်းယှဉ်ကြည့်လိုက်သောအခါ မသက်ဆိုင်ပဲ ကွာခြားနေသည်ကို တွေ့ရှိရပါသည်။ ထို့ကြောင့် စာပေချစ်ခင်သူ ဗုဒ္ဓဘာဝင်တို့လည်း အလေးနက်ထား နှိုင်းယှဉ်ပါက ခြင်္သေ့ရုပ်ကို ဘုရားရှေ့မှာထားမှုနဲ့ မသက်ဆိုင်တာကို သိနိုင်ပါလိမ့်မည်။

စာရေးသူ လေ့လာရှာဖွေပြီး အမှန်ကို တင်ပြရမည်ဆိုလျှင်........

ဗုဒ္ဓဘာသာနဲ့ပက်သက်တဲ့ သင်္ကေတများအကြောင်းကိုလေ့လာလိုက်သောအခါ ..အောက်ပါတိုင်းဖြစ်ပါသည်။
ဦးဇင်းတို့ ဂေါတမဘုရားရှင်သည် ၀ါဆိုလတွင်
ပဋိသန္ဓေယူခြင်း၊
တောထွက်ခြင်း၊
တရားဦး ဓမ္မစကြာဟောကြားခြင်းတို့ဖြစ်ပါသည်။

ပဋိသန္ဓေယူသောအခါ ဆင်သင်္ကေတဖြင့်လည်းကောင်း၊
တောထွက်သောအခါ မြင်းသင်္ကေတဖြင့်လည်းကောင်း၊
တရားဦး ဓမ္မစကြာဟောကြားသောအခါ စကြာ .လှည်းဘီး သင်္ကတဖြင့်လည်းကောင်း အမှတ်သားပြုထားသည်ကိုတွေ့ရပါသည်။

တဖန်...

ကဆုန်လတွင်
ဖွားမြင်ခြင်း၊
ပွင့်( သစ္စာသိ) ခြင်း၊
စံ (ပရိနိဗ္ဗာပြု) ခြင်း နှင့် ဗျာဒိတ်ခံ ယူခြင်းတို့ကို စာပေတွင် လေ့လာတွေ့ရှိရပါသည်။

ဖွားမြင်သောအခါ ကြာသင်္ကေတနှင့် ရာသီခွင်ကို နွားသင်္ကေတတို့ဖြင့်လည်းကောင်း၊
ပွင့် ( သစ္စာသိ) သောအခါ ဗောဓိပင်နှင့် ခြင်္သေ့သင်္ကေတတို့ဖြင့်လည်းကောင်း၊
စံ (ပရိနိဗ္ဗာန်ပြု) သောအခါ နွားသင်္ကေတနှင့်ထူပါသင်္ကေတတို့ဖြင့်လည်းကောင်း၊
ဗျာဒိတ်ခံသောအခါ ကြာသင်္ကေတတို့ဖြင့်လည်းကောင်း စာပေမှာ လေ့လာမှတ်သားရပါသည်။

သင်္ကေတတို့၏ ဆိုလိုချက်များကို အောက်ပါအတိုင်း မှတ်သားနိုင်ပါသေးသည်။

ကြာ ..... မြတ်စွာဘုရားအလောင်း မွေးဖွားစဉ်အခါက မွေးပြီးလျင်ပြီးချင်း နင်းလျောက်ခဲ့သောအရာ၏ သင်္ကေတ ဖြစ်ပါတယ်။
နွား ...... မြတ်စွာဘုရားအလောင်း မွေးဖွားစဉ်နဲ့ ပရိနိဗ္ဗာန်စံဝင်သည့် လ၌ ရှိသော ရာသီခွင်၏ သင်္ကေတဖြစ်ပါတယ်။
ဆင် ..... မယ်တော်မာယာဝမ်းကြာတိုက်သို့ ပဋိသန္ဓေယူခဲ့စဉ်က အမှတ်အသားဖြစ်သည့် သင်္ကေတဖြစ်ပါတယ်။
မြင်း ...... မြတ်စွာဘုရားလောင်းတော် တောထွက်စဉ်က စီးခဲ့သော မြင်း၏ သင်္ကေတဖြစ်ပါတယ်.
(တနည်း) ကုသိုလ်တရားများပြုရာတွင် လျင်မြန်စွာပြုခြင်း၏ သင်္ကေတဖြစ်ပါတယ်..
စကြာ..... ဘုရားရှင် ဓမ္မစကြာဟောစဉ်က မဂ္ဂင်ရှစ်ပါး၏ သင်္ကေတဖြစ်ပါတယ်..
ဗောဓိပင် ....... သမ္မာသမ္ဗုဒ္ဓဘုရားရှင် အဖြစ်သို့ ရောက်ခဲ့သည့် နေရာ၏ သင်္ကေတဖြစ်ပါတယ်
ထူပါ ..... ဘုရားရှင် ပရိနိဗ္ဗာန်စံဝင်ကာ မီးသင်္ဂြိုလ်ပူဇော်ခြင်း၏ သင်္ကေတဖြစ်ပါတယ်။..
ခြသေ့င်္ .... သစ္စာလေးပါးကို ရဲဝံ့စွာသိခြင်း၏ သင်္ကေတဖြစ်ပါတယ်။..
(တနည်း)ဘုရားရှင်တို့မည်သည် အကျိုးကို မကျင့်ပါ..အကြောင်းကိုသာ ကျင့်ပါတယ်။..

ခြင်္သေ့၏ သဘောသဘာဝသည် ရဲ့ရင့်ခြင်း မကြောက်လန့်ခြင်းဖြစ်၏။ ခြသေ့င်္သည် သားကောင်ကို ဖမ်းသောအခါ ငယ်သည်ဖြစ်စေ ၊ ကြီးသည်ဖြစ်စေ အားအင်အပြည့်ဖြင့် ဖမ်းလေ့ဖမ်းထရှိသည်။ အားအင်အကုန်ထုတ်သုံးခြင်းဆိုတဲ့ အကြောင်းတရားကြောင့် မည်သည့်သတ္တ၀ါမျှ မလွတ်တော့ဘဲ အသေသတ်ပုတ်နိုင်မည်။ ခြင်္သေ့သည် တစ်စုံတစ်ဦးက သူ့အား မည်သည့်လက်နက်ဖြင့် ပစ်ခတ်ပြီး ရန်မူသော်လည်း လက်နက်ကို အရေးမစိုက် အကြောင်းဖြစ်သော ရန်သူကိုသာ ရဲဝံ့စွာ နောက်မဆုတ်ပဲ ခုခံတိုက်ခိုက်ပြီး အနိုင်ယူလေ့ရှိပါသည်။ ခြင်္သေ့သည် အကြောင်းတရားကိုသာ လိုက်ပြီး အပြတ်ရှင်းသည်ဟူသော အဓိပ္ပါယ်ကိုဆောင်ပါသည်။

ထိုနည်းတူစွာ မြတ်စွာဘုရားရှင်သည်လည်း သစ္စာလေးပါးကို သိရာဝယ် ပြိုင်ဘက်မရှိ ရဲရင့်လှပေသည်။ အမှန်ဖြစ်သော ပဋိစ္စသမုပ္ပါဒ် တရားကို သိသည့်အတိုင်း ရဲရဲ ၀ံ့ဝံ့ ချပြသင်ပြပေးသည်။ထို့ကြောင့် မြတ်စွာဘုရားရှင်၏ ပဋိစ္စသမုပ္ပါဒ် တရားတော်သည်အကျိုးတရားဖြစ်တဲ့ ဒုက္ခသစ္စာတွေ ဖြစ်မလာအောင် ချုပ်ငြိမ်းအောင် ပစ္စုပ္ပန် မှာရှိတဲ့ အကြောင်းတရားတွေ ဖြစ်တဲ့ တဏှာ ၊ ဥပါဒါန် ၊ ကမ္မဘ၀ တို့ ဖြစ်ပေါ်မလာအောင် မြတ်စွာဘုရားရှင် ကိုယ်တော်တိုင် ကျင့်သုံးပြီး သူတစ်ပါးကိုလည်း ကျင့်သုံးစေလျက် အကြောင်းတရားကိုသာ ပယ်ခွာသည်။

အကြောင်းတရားများ ဖြစ်ပေါ်မလာပါက အကျိုးတရား ခန္ဓာ (ဒုက္ခသစ္စာ) သည် နောက်ထပ်ဖြစ်မလာနိုင်တော့ချေ ။ အကျိုးတရားတို့သည် ပုံမှန်အတိုင်း ဖြစ်နေသောကြောင့် အကျိုးတရားတို့ကို မဖြစ်အောင် လုပ်ယူ၍ မရစကောင်းပါ။

လူသားများသည် ခန္ဓာ ဟူသော (ဒုက္ခသစ္စာ) အကြောင်းတရားများ မရှိပါက ဝေဒနာ ဇရာ ၊ မရဏ ဟူသော အကျိုးတရားတို့ ဘယ်သောအခါမှ ဖြစ်စရာအကြောင်းမရှိချေ ။ ခန္ဓာ ဟူသော (ဒုက္ခသစ္စာ) အကြောင်းတရားရှိ၍သာ ဝေဒနာ ၊ ဇရာ၊ မရဏ တို့ ဖြစ်ပေါ်လာကြရသည်။

ထို့ကြောင့် မြတ်စွာဘုရားရှင်သည် ပင်ကိုယ်သဘာဝအတိုင်း ဖြစ်ပေါ်နေသော အကျိုးတရားကို သတ်ဖြတ်၍ မရသောကြောင့် အကျိုးတရားကို မကျင့်ပါ။

ခန္ဓာဟူသော ဒုက္ခသစ္စာ အကြောင်းတရားကိုသာ အဓိကအားဖြင့် သတ်ဖြတ်သောကြောင့် အကြောင်းတရားကိုသာ ကျင့်ပါသည်ဟူသော အဓိပ္ပါယ်ကိုဆောင်ပါသည်။

အထက်ပါ စကားနှစ်ရပ်ကို နှိုင်းယှဉ်ကြည့်ပါက ခြင်္သေ့သည် အကြောင်းကိုသာ လိုက်၍ အဓိကထား သုတ်သင်ပါသည်။

မြတ်စွာဘုရားရှင်ကလည်း အကြောင်းတရားကို အဓိကထားသတ်ဖြတ်ပယ်ခွင်းလေ့ရှိပါသည်။ ဤသို့အားဖြင့် ခြင်္သေ့နှင့် မြတ်စွာဘုရားရှင်သည်

အကြောင်းတရားတို့ကို အဓိကထားရှင်းလင်းသတ်ဖြတ် သုတ်သင်တာခြင်းတူကြသည်။

လောကလူသားတို့သည် တစ်ဦးနှင့်တစ်ဦးမတရားလိုချင်မှု လောဘ ၊ လိုချင်တာမရကြသည့်အခါ မုန်းတီးမှုဒေါသ စသော

အကြောင်းတရားတို့များစွာဖြစ်ကြသောကြောင့် သံသရာ ဘ၀ပင်လယ်ပြင်မှ အဆုံးမသတ်နိုင်ဘဲ ကျင်လည်နေကြရသည်။
အကယ်၍သာ လောဘစသော အကြောင်းတရားတို့ ဖြစ်ပေါ်မလာပါက ဆင်းရဲခြင်း ဒုက္ခဆိုတာလည်း ဖြစ်လာဘွယ်မရှိခြေ။

ထို့ကြောင့် မြတ်စွာဘုရားရှင်သည်လည်း သံသရာဝယ် ကျင်လည်နေကြရသော သတ္တ၀ါအားလုံးတို့အား အကြောင်းတရားတို့ကို

ပယ်သတ်ရန် လမ်းပြပေးသည်။ လောဘစသော တရားတို့လွှမ်းမိုးနေကြသော လူသားတို့အား ဤတရားတို့သည် သံသရာ ရှည်ကြောင်းဖြစ်၏။ သံသရာမှထွက်မြောက်ကြောင်း တရားတို့ကို ကျင့်သုံးနိုင်ပါမှ ဘ၀ငြိမ်းချမ်းမှုအစစ်ကို ရနိုင်မည်။

ထို့ကြောင့် လူသားအားလုံးတို့အား ဘ၀ငြိမ်းကြောင်းတရားတို့ကို ထာဝစဉ် အမှတ်ရစေခြင်း ၊ ကျင့်သုံးစေခြင်းငှါ ခြင်္သေ့ရုပ်တုကို ထုလုပ်ပြသထားခြင်းဖြစ်ပါသည်။

လူသားအားလုံးတို့အား ဘုရားစေတီများရှေ့က ခြင်္သေ့ပုံကို မြင်ကြသည့်အခါ အော်.......ဘုရားရှေ့က ခြင်္သေ့ရုပ်က ဒီလိုပါလားဟု သိကြစေငှာ ဤဆောင်းပါးကို ရေးသားတင်ပြလိုက်ရပါသတည်း..........

စာရေးသူသွားရောက်လေ့လာသောနေရာများ

၁။ မဟာဗုဒ္ဓ၀င် ရှစ်တွဲ
၂။ မဟာဝင်
၃။ လည်တီဆရာတော်၏ ဘုရားရှိခိုး ခုနှစ်မျိုး
၎။ BUDDHiST SYMBOLS
၅။ ဓမ္မစေတီ ဟောထားသော နှလုံးသားဝယ် ဘုရားတည် အပိုင်း (၁)
၆။ ( မြတ်မင်္ဂလာ ၂၀၀၁-ခု ဇန်န၀ါရီလ ) ထုတ်တွင်လည်းကောင်း၊
မင်္ဂလာသတင်းစဉ် blog site (http://mawluu.blogspot.com/2009_09_01_archive.html) နှင့်
ဓမ္မရတနာ(Google groups)
၇။ www.dhammaceti.org

မှတ်ချက်........
၁နှင့်၂ သည် ဗုဒ္ဓဘာသာဝင်များတွက် တကယ်သိမှ တကယ့်ဗုဒ္ဓဘာသာဖြစ်မှာမို့ တကယ်ဖတ်မှတ်ရမယ့်စာအုပ်များပါ။
၃.သည် ဂေါတမမြတ်စွာ ဘုရား ဘယ်နေ့ ဖွားပြီး ဘယ်နေ့မှာ တောထွက်တယ် စသည်သိအောင် နှုတ်တွင် ဗုဒ္ဓဘာဝင်တိုင်း ရထားသင့်သည်။
၎ သည် ဗုဒ္ဓဘာသာ သင်္ကေတများ အကြောင်းကို ရေးသားထားသော အင်္ဂလိပ်စာအုပ်ဖြစ်သည်။
ယင်းစာအုပ်ကို အင်တာနက်ပေါ်တွင်လည်း ဖတ်လို့ အဆင်ပြေပါသည်။
ကျန်သော အညွှန်းများကို သိနိုင်လောက်ပါပြီ။။။

အရှင်သုဇနာစာရ (တက္ကသိုလ်စာသင်သား )
bhavaalin@gmail.com / http://goodbrother-goodbrother.blogspot.com/

Thursday 4 August 2011

ဘုရားရှေ့က ဟင်္သာရုပ်က ဒီလိုပါ..အပိုင်း( ၃)

ယခု စာရေးသူ ဆက်လက်တင်ပြသွားမည့် စာသားလေးက .ဘုရားရှေ့က ဟင်္သာရုပ်က ဒီလိုပါ..အပိုင်း( ၃) ကို ရေးသွားမှာဖြစ်ပါတယ်။
အပိုင်း (၁) တွင် ဟင်္သာအကြောင်းကို ထည့်ပေးလိမ့်မည်ဆိုပါက ယခုတင်ပြသွားမည့် ဆောင်းပါးကလည်း များလွန်းနေသည့်အတွက်ကြောင့် ဟင်္သာအကြောင်းကို အပိုင်း(၁ )တွင် ထည့်မပေးလိုက်တာဖြစ်ပါတယ်၊ စာပေကို ချစ်ခင်သူများ ၊စာဖတ်သူမိတ်ဆွေများ စာကိုအများကြီး တပြိုင်နက် တင်လိုက်ပေးလိုက်ပါက စာဖတ်ချင်သဖွယ်မဖြစ်ဘဲ ပျင်းသွားမှာ စိုးရိမ်သည့်အတွက် နည်းနည်းစီ ပိုင်းလျက် တင်ပြတာဖြစ်ပါတယ်။
ယခုဆောင်းပါးသည် အတုယူစရာ ကျင့်သုံးလိုက်နာစရာ များစွာပါသည့်အတွက် အပိုင်း(၁)နှင့် အပိုင်း (၂) ဆက်စပ်ပြီး အပိုင်း (၃) ကိုပို၍ ဘ၀သင်္ခန်းစာ ယူပြီး ဖတ်ကြရန်လည်း စေတနာထားလျက် စာပေကို မြတ်နိုးကြသော မိတ်ဆွေအပေါင်းတို့အား အကြံပြုလိုက်ပါသည်။

ဘုရားရှေ့က ဟင်္သာရုပ်က ဒီလိုပါ..အပိုင်း( ၃)

ထိုအခါ ဗာရာဏသီမင်းကြီးက ဟင်္သာမင်းအား ( အဆွေဟင်္သာမင်း သင်၏ လျှင်မြန်ခြင်းအဟုန်ကား လေသမား လေးယောက်ပစ်လွင့်လိုက်သော မြှားလေးစင်းထက် သာလွန်သည်သာ ဖြစ်သောကြာင့် အံ့သြဖွယ်ကောင်းပေစွ)ဟု ချီးကျူးလိုက်သည်။

ထိုအခါ ဟင်္သာမင်းက အရှင်မင်းကြီး သတ္တ၀ါတို့၏ အာယုသင်္ခါရသည် အကျွန်ုပ်၏ မြန်ဆန်မှုအဟုန်ထက် အဆ အရာ ထောင် သိန်းမက မြန်ဆန်လွန်းလှပါသည်ဟုပြော၏ ။
သတ္တ၀ါတို့၏ သေခြင်းတရားအကြောင်းကို ဖွဲ့ဆိုထားသော စာဆိုတစ်ခုက အောက်ပါအတိုင်းစပ်ဆိုထား၏။

(လာပြီးတော့ နား ၊ မသွားသေးခင် ၊ ချိန်လေးတွင်မှ ၊ ၀န်ကျင်ဆက်နွယ်၊ နှောင်ကြိုးတွယ်ကြ ။
ပြုံးရည် ငိုမဲ့၊ ချစ်မုန်းပိုကြ၊ မလိုဒေါသ၊ လိုလောဘနှင့်၊ ဘ၀ရိပ်မြုံ၊ ကကြိုးဆုံခဲ့။
ကံကုန်မိုးချုပ်၊ လက်တွဲဖြုတ်မှ၊ သုဿာန်ဆောလျှင်၊ ခရီးနှင်သည် ၊ တို့များ ဧည့်သည်ပါတကား ) ဟူ၍ပင်ဖြစ်၏။

လောကလူသားအားလုံးတိုသည် လူ့လောကထဲ ၀ယ် ခရီးသွားနေကြသော ဧည့်သည်အဖြစ် လာရောက် နားခိုနေကြ၏။ ထိုစဉ် နေ့တစ်နေ့တာအတွက် နေထွက် နေ၀င်ရှိသလိုလူသားတို့သည်လည်း ဘ၀တစ်ခုအတွက် လွှဲရှောင်၍ မရသော လူဘ၀၏ အစမွေးဖွားခြင်းနှင့်အဆုံးသေခြင်းတရားသည် ရှိကြ၏။
လူသားတို့သည် ဘ၀၏ အဆုံးသေခြင်းသို့မရောက်ကြသေးမီ လူအမျိုးမျိုး ၊စရိုက်အမျိုးတို့ဖြင့် ပေါင်းသင်းဆက်ဆံလျက် နေထိုင်ကြရပေသည်။ ထိုအခိုက်တွင် လူသားအားလုံးတို့သည် ချစ်ခင်အကျွမ်းဝင်သူများနှင့်အဆင်ပြေပြေ ပေါင်းသင်နေရသည့်အခါ အပြုံးလေးတွေ ကိုယ်စီဖြင့် ရယ်ကြ မောကြ နှင့် ပျော်ရွှင်မှုတွေကို
ခံစားနေကြပြီး လောဘ၏ သားကောင်များဖြစ်နေကြ၏ ။ ဖြစ်နေပုံကား ဘ၀၏အဆုံးသတ်မှု သေခြင်းတရားသည် မည်သို့ပါမည်နည်းဟု မေးရလောက်အောင် ဖြစ်နေကြ၏ ။ ချစ်ကျွမ်းမ၀င်သော မုန်းသောသူများနှင့် အဆင်ပြေပြေ ပေါင်းသင်းနေထိုင်မှု မပြုကြရသည့်အခါ ပြုံးရာမှမဲ့လျှက် မလိုမုန်းတီးမှု ဒေါသ၏ သားကောင်ဖြစ်နေကြပြီး
ဘ၀ဇာတ်ခုံပေါ်မှာ ခရီးသွားနေကြသည်။ ဤနည်းအားဖြင့် ဘ၀ပင်လယ်ပြင်ဝယ် တစ်ဦးနှင့်တစ်ဦး မကျေနပ်မူတွေ၊ ကလဲ့စားချေမှုတွေ၊ မေတ္တာတရားကင်းမဲ့ပြီး လုယက်မှု သတ်ဖြတ်မှုတွေနှင့်သာ ဒေါသမုန်တိုင်း တိုက်ခတ်နေကြသည်။ သေခြင်းဆိုသည့်သဘောတရားများကိုပင် အောင့်မေ့ သတိရဖို့ အလွန်ဝေးစွ။ လူ့ဘ၀သည် အမှန်တကယ်အားဖြင့် သတိတရားလက်ကိုင်ထားကြည့်ကြပါက ရေပွက်ပမာ ခဏတာပဲ ဟု ရုပ်တရား နာမ်တရားတို့၏ မမြဲခြင်းသဘော အစိုးမရခြင်းသဘောများကို သိကြပေလိမ့်မည်။

လောကတွင် မိုးရယ် ဆောင်းရယ် နွေရယ် ဟု ရာသီဥတု သုံးမျိုးရှိသလို လူသားတို့သည်လည်း ပထမအရွယ်၊ ဒုတိယအရွယ်၊ တတိယအရွယ် ဟု အရွယ်သုံးမျိုးရှိသည်သာတည်း။
လူသားများသည် ပထမအရွယ်တွင် ကောင်းသည်ဆိုးသည် ခွဲခြားမသိသေးသော ၇ိုးသားဖြူစင် အပြစ်ကင်းစင်သည့် ချစ်စရာကောင်းသော အသွင်သဏ္ဍာန်တို့ဖြင့် လန်းဆန်းနုပျိုနေသည်။
ဒုတိယအရွယ်တွင် ကောင်းသည်ဆိုးသည်ကို ခွဲခြားပြီး သိတတ်သော ရင့်ကျက်သည့်အရွယ်ဖြစ်သည်။
တတိယအရွယ်တွင် ဘ၀နိဂုံးအဆုံးသတ်ရန် အိုမင်းခြင်းနှင်သေခြင်းအချိန်ရောက်နေသည့် အရွယ်ဖြစ်သည်။
ထိုနည်းတူစွာ သစ်ပင်တစ်ပင်မှာလည်း အရွယ်သုံးမျိုးပိုင်းခြားရပေမည်။
သစ်ပင်၏ အရွယ်သုံးမျိုးကို ရာသီဥတုသုံးမျိုးနှင့် နှိုးယှဉ်ရပေမည်။

သစ်ပင်သည် မိုးရာသီတွင် သစ်ရွက်သစ်ပွင့်သစ်ခက်ကလေးများက ငုံရာမှ ဖူး ၊ဖူးရာမှ ပွင့်ပြီး အခက်အလက်ကလေးများ ရှင်သန်ကြီးထွားလျက် စိမ်းလန်းစိုပြေသောကြောင့် ကြည့်စရာ ရှုစရာကောင်းလှပေသည်။
ဆောင်းရာသီသို့ ကူးပြောင်းလာသောအခါ သစ်ပင်၏ အခက်အလက် သစ်ရွက် သစ်ပွင့် သစ်ခက် ကလေးများက စိမ်းလန်းစိုပြေနေသောအခြေအနေမှသည် ရင့်ရော်နေသောအခြေအနေသို့ ကူးပြောင်းသွားကြသည်။
နွေဦးရာသီသို့ ကျရောက်သောခါ သစ်ရွက်သစ်ပွင့်သစ်ခက်ကလေးများက ရင့်ရော်မှုမှသည် ၀ါခြင်း ခြောက်သွေ့ခြင်းသဘောသို့ရောက်လျှက် သစ်ပင်ပေါ်မှ ကျွေကျ မြေမှာ ခကြရပြီး လူသားတွေကို တရားပြနေသယောင်ရှိနေပေသည်။

ထို့အတူ လူ့ဘ၀၏ အရွယ်သုံးပါးကိုလည်း သစ်ပင်၏ သစ်ရွက်သစ်ပွင့် သစ်ခက်ကလေးများနှင့် နှိုင်းယှဉ်ကြည့်ပါက တရားသံဝေဂ ပွားစရာကောင်းလှပေသည်။မိုးရာသီတွင် သစ်ပင်၏ သစ်ရွက် သစ်ပွင့် ကလေးများက စိမ်းလန်းစိုပြေသည့်အချိန်အခါသည် လူဘ၀၏ ပထမအရွယ် ကောင်းသည်ဆိုးသည်ကို မသိသေးဘဲ အပြစ်ကင်းစင်နေသည့် ချစ်စရာကောင်းသော အရွယ်ပင်ဖြစ်သည်။ ဆောင်းရာသီတွင် သစ်ပင်၏ သစ်ရွက် သစ်ပွင့် ကလေးများသည် စိမ်းလန်းစိုပြေနေရာမှ ရင့်ရော်သော သဏ္ဍာန်သို့ ပြောင်းလွဲသွားသလို လူဘ၀၏ ဒုတိယ အရွယ်သည်လည်း ရင့်ရော်သော ဘ၀သို့ရောက်ကြရသည်။
နွေရာသီတွင် သစ်ပင်၏ သစ်ရွက် သစ်ပွင့်ကလေးများက ၀ါခြင်း ခြောက်သွေ့ခြင်းအဖြစ်သို့ပြောင်းလွဲပြီး နောက်ဆုံးကျွေကျ မြေမှာခသွားကြရသကဲ့သို့
လူဘ၀၏ တတိယအရွယ်တွင်လည်း ရင့်ရော်ခြင်းသို့ ရောက်ခြင်းမှသည် အိုခြင်း၊ နာခြင်း၊ နောက်ဆုံး သေခြင်း သဘောသို့ ဆိုက်ရောက်ကြရမည်။

သေခြင်းတရားဆိုးကား မျက်စိတမှိတ် လျပ်တပျက်အတွင်း ရောဂါအမျိုးမျိုးကြောင့် မြန်မြန်ဆန်ဆန် သေနိုင်သည်။ လူသားတို့၏ ရုပ်တရား နာမ်တရား အာယုသင်္ခါရကား သေပြီးသည်နှင့်တပြိုင်နက် သုဿာန်သင်္ဂြိုင်းဝယ် မြေကြီးသာဖြစ်ကြရမည်။ ဟင်္သာမင်းသည် လူဘ၀၏ မမြဲခြင်း သေခြင်း သဘောတရားတို့ကို ကောင်းစွာသိ၏။ ထို့ကြောင့် ဗာရာဏသီမင်းကြီးအား သတ္တ၀ါတို့၏ ရုပ်တရားနာမ်တရားတို့သည် ဖြစ်ချင်းပျက်ချင်းနောက်ဆုံး သေခြင်းသဘောသို့ဆိုက်ရောက်ကြရမည်။ ကြောက်စရာ တရားသံဝေဂ ရစရာကောင်းလှ၏ ဟု တ၇ားစကား ပြောကြားခဲ့ဖူး၏။

စာရေးသူသည် ဤ ဇာတ်တော်ကို ကိုးကားလျှက် စေတီ ဘုရားပုထိုးများရှေ့တွင် ဟင်္သာရုပ်များကို ထုလုပ်လျှက်ပြသထားသည်ဟု ဆိုချင်ပါသည် ။ ယင်းဟင်္သာရုပ်ကိုမြင်ကြသူတိုင်းသည် ဟင်္သာရုပ်ကို မြင်လိုက်သည်နှင့်တပြိုင်နက် ဟင်္သာမင်းသည် ဗာရာဏသီမင်းအား သေခြင်းတရားမြန်ဆန်ပုံကတရားသံဝေဂရစေခဲ့၏။ ထို့အပြင် လူသားအားလုံးသည်လည်း ဘုရားရှေ့တွင် ထုလုပ်ပြသထားသော ဟင်္သာရုပ်ကို မြင်လိုက်သောအခါ ငါတို့အား လူဘ၀၏ သေခြင်းတရားမြန်ဆန်ပုံကို ဟောပြပေးနေသလိုပါလားဟု အောင့်မေ့နှစ်လုံးသွင်းရပေမည်။ လူသားအားလုံးသည် သေခြင်းတရားနှင့်ရင်ဆိုင်နေပါလား ဟု တရားသံဝေဂရပါစေခြင်းငှါ ဘုရားရှေ့တွင် ဟင်္သာရုပ်ကို ထုလုပ်ပြသထား၏။

ထို့ကြောင့် စာရေးသူသည် ဘုရားရှေ့ကဟင်္သာရုပ်က သေခြင်းတရား၏ မြန်ဆန်ပုံကိုပြသပေးနေသည့်အတွက် ဗုဒ္ဓဘာသာဝင်တိုင်း၏ နှလုံးသားထဲ၌ အော်...........
(.ဘုရားရှေ့က ဟင်္သာရုပ်က ဒီလိုပါလား )ဟု တရားသံဝေဂ ယူကြပါစေခြင်းအကျိုးငှာ ဤဆောင်းပါးကို ရေးသားတင်ပြလိုက်ရပါသတည်း။။။။။။။။။။

စာပေကိုချစ်ခင်သူ မိတ်ဆွေအပေါင်းတို့.....
လူ့ဘ၀ကား တိုတောင်းလှသည်။ အသက် (၅၀) ရှိသူသည် အသက်( ၂၀) ပြန်ဖြစ်ချင်သော်လည်း ဖြစ်၍ မရ၊
ယနေ့ထက်စာရင် နက်ဖန် သေဘို့ရန် တစ်ရက်နီးလာပြီး။ ဒုက္ခနှင့်ကြုံမှ နောင်တရခြင်းသည် အကျိုးမများ၊
ထို့ကြောင့် ယခု မိမိပိုင်ဆိုင်ထားသော အကောင်းဆုံးအချိန်တွေကို ကောင်းသောအကျင့်တွေနဲ့ အမြဲတမ်းအစားထိုးပြီး ဘ၀သင်္ခန်းစာကိုယ်စီနှင့် လမ်းလျောက်နိုင်ကြပါစေ။

အရှင်သုဇနာစာရ (တက္ကသိုလ်စာသင်သား )
bhavaalin@gmail.com / http://goodbrother-goodbrother.blogspot.com/

Wednesday 3 August 2011

ဘုရားရှေ့က ဟင်္သာရုပ်က ဒီလိုပါ..အပိုင်း( ၂)

ယခု စာရေးသူ ဆက်လက်တင်ပြသွားမည့် စာသားလေးက .ဘုရားရှေ့က ဟင်္သာရုပ်က ဒီလိုပါ..အပိုင်း( ၂) ကို ရေးသွားမှာဖြစ်ပါတယ်။
အပိုင်း (၁) တွင် ဟင်္သာအကြောင်းကို ထည့်ပေးလိမ့်မည်ဆိုပါက ယခုတင်ပြသွားမည့် ဆောင်းပါးကလည်း များလွန်းနေသည့်အတွက်ကြောင့်
ဟင်္သာအကြောင်းကို အပိုင်း(၁ )တွင် ထည့်မပေးလိုက်တာဖြစ်ပါတယ်၊ စာပေကို ချစ်ခင်သူများ ၊စာဖတ်သူမိတ်ဆွေများ စာကိုအများကြီးတပြိုင်နက်
တင်လိုက်ပေးလိုက်ပါက စာဖတ်ချင်သဖွယ်မဖြစ်ဘဲ ပျင်းသွားမှာ စိုးရိမ်သည့်အတွက် နည်းနည်းစီ ပိုင်းလျက် တင်ပြတာဖြစ်ပါတယ်။
ယခုဆောင်းပါးသည် အတုယူစရာ ကျင့်သုံးလိုက်နာစရာ များစွာပါသည့်အတွက် အပိုင်း(၁)နှင့် အပိုင်း (၂) ဆက်စပ်ပြီး ဖတ်ကြရန်လည်း
စေတနာထားလျက် စာပေကို မြတ်နိုးကြားသော မိတ်ဆွေအပေါင်းတို့အား အကြံပြုလိုက်ပါသည်။

ဘုရားရှေ့က ဟင်္သာရုပ်က ဒီလိုပါ..အပိုင်း( ၂)


ဘာသာတရားကို အလေးထားကြသည့် ဗုဒ္ဓဘာသာဝင်တိုင်းသည် စေတီများ၏ ရှေ့တွင် ဟင်းသာရုပ်များကို တွေ့ဘူး မြင်ဘူးကြပေလိမ့်မည်။
တချို့သည် ဟင်္သာရုပ်ထားရခြင်းအကြောင်းကို သိကြသူများရှိသလို မသိကြသေးသူများလည်းရှိကြသည်။
မသိသေးသူများအတွက် ဗဟုသုတအလို့ငှာလည်းကောင်း၊ သိပြီးသော သူများအတွက်လည်း ပြန်ပြီးမှတ်မိပါစေခြင်းငှာလည်းကောင်း ရေးသားလိုက်ရခြင်းဖြစ်ပါ၏။

တချိန်က ဗာရာဏသီပြည် ဗြဟ္မဒတ်မင်းအုပ်ချုပ်နေစဉ် ဘုရားအလောင်းတော်သည် ဇ၀နဟင်္သာမင်းဖြစ်၍ အခြံအရံဖြစ်သော ဟင်္သာအပေါင်း ကိုးသောင်းအား
အကြီးအမှူးပြု၍ နေလေ၏။ ဟင်္သာမင်းတွင် ညီငယ်နှစ်ကောင်လည်းရှိသေး၏။ တနေ့တွင် ညီငယ်နှစ်ကောင်သည် သူတို့၏ အစွမ်းအစကို သိလိုသောကြောင့်
နေမင်းနှင့်အပြေးပြိုင်ရန် ဆုံးဖြတ်ပြီး အစ်ကိုကြီးဖြစ်သော ဟင်္သာမင်းထံ သွားရောက်၍ ခွင့်ပြုရန်တောင်းပန်ကြ၏။
ထိုအခါ ဟင်္သာမင်းသည် သတ္တ၀ါတို၏ ခွန်အားသည် အကျိုးများသည့်နေရာများတွင်သာ အသုံးပြုသင့်သည် ။ အသုံးမပြုသင်သည့်နေရာများတွင်
အကျိုးမများသောကြောင့် အသုံးမပြုသင့်ဟု စဉ်းစားလျှက် ခွင့်မပြုချေ။ သို့သော် ညီငယ်နှစ်ကောင်းသည် အစ်ကိုကြီးဖြစ်သော ဟင်္သာမင်း၏ စကားကို နားမထောင်သည့်အပြင်
နံနက်နေမထွက်ခင် ယုဂန္ဓိုရ်တောင်ထိပ်သို့ သွားရောက်ကြပြီး နေမင်းအလာကို စောင့်မျှော်လျက်နေကြ၏။ ဟင်္သာမင်းသည် ပျက်စီးကြမည့်အရေး ရင်မအေးလှသောကြောင့်
အတူလိုက်ပါခဲ့၏။ မှန်ပါသည် လောကလူသားအားလုံးတို့တွင်လည်း ခေါင်းဆောင်တို့မည်သည် သူတစ်ပါးအကျိုးစီပွားကိုသာ လိုလားကြ၏၊
သူတစ်ပါးအကျိုးစီးပွားပျက်မည့်အရေးကို မည်သို့မျှ မလိုလားကြချေ။ ထို့ကြောင့် စာရေးသူသည်လည်း ခေါင်းဆောင်တို့၏ နေရာဌာနနှင့်
မထိုက်တန်သည့် ခေါင်းဆောင်အင်္ဂါ ခြောက်ရပ်ကိုလည်း မြင်ယောင်မိပါသည်။

( ဂဏန်း၊ပုတ်သင်၊ ကိုင်းပင်၊နွားသိုး၊ လိပ်မျိုး၊ ခွေးအ ဤခြောက်ဝ နာယက မတင်ထိုက်) ဆိုသည့်အတိုင်း
၁။ ဂဏန်းကဲ့သို့ လက်မထောင်နေသော သူ
၂။ ပုတ်သင်ကဲ့သို့ သူတစ်ပါးလုပ်သမျှ ၊ပြောသမျှ ခေါင်းညိတ်တတ်သူ၊
၃။ လေလာရာယိမ်း၍ ကိုင်းပင်ကဲ့သို့ မတည်ငြိမ်သူ၊
၎။ နွားသိုးကဲ့သို့ စိတ်ဆိုးတတ်သူ
၅။ လိပ်ကဲ့သို့ ကိုယ့်ဖက်ကို ယက်တတ်သူနှင့်
၆။ ခွေးအကဲ့သို့ စားပိုးနင့်အောင် စား၍ ဇိမ်ခံတတ်သူ ဟူသော

ခေါင်းဆောင်နှင့်မထိုက်တန်သည့်သူများကိုလည်း သတိထားမိပါသည်။ ဟင်္သာမင်းသည်လည်း ယင်းခြောက်ပါးကိုရှောင်ရှားသော ခေါင်းဆောင်မျိုးဖြစ်၍သာ
ညီနောင်နှစ်ကောင်၏ ကောင်းကျိုးဖြစ်စေရန်အတွက် လိုက်သွားခဲ့သည်ဟု စာရေးသူခံစားမိပါသည်။ ထိုနည်းတူ ပြည်ပရောက် ပညာတော်သင် မြန်မာရဟန်းတော်များသည်
ဟင်္သာမင်းကို အားကျအတုယူကြလျက် သာသနာကမ္ဘာပြန့်လိုသော ရည်ရွယ်ချက်တို့ဖြင့် သာသနာပြုလိုကြသောဆန္ဒတို့ဖြင့် ပညာသင်ရင်း ဗုဒ္ဓစာပေများကိုလည်း
ရေးသားဖြန့်ဝေနေကြသည်မှာ များစွာရှိကြသည်ပင်။ ပညာတော်သင် မြန်မာရဟန်းတော်များသည် ဤကဲ့သို့ သာသနာပြုနိုင်ရန် ကမ္ဘာသုံးအင်္ဂလိပ်စာဘာသာရပ်ကိုလည်း
အလေးထား ဆည်းပူကြရလေသည်။ လောကလူသားများ အကျိုးများစေရန်အလို့ငှာ ဆင်းရဲခက်ခဲမှုတွေရှိကြသော်လည်း ကျိုးစားပြီး ပညာသင်ခြင်းနှင့် စာပေရေးသားချင်းများကို
အထူးအားထုတ်လျက်ရှိကြပါသည်။ ပြည်ပရောက် ပညာတော်သင် မြန်မာရဟန်းတော်များသည် ခေါင်းဆောင်ကောင်းဖြစ်သော ဘုရားလောင်းဟင်္သာမင်းကဲ့သို့
အနာဂါတ် သာသာနာ့ခေါင်းဆောင်ကောင်းများဖြစ်စေရန်လည်း ကြိုးစားနေကြလေသည်။

ဟင်္သာမင်းသည် ညီငယ်နှစ်ကောင်ကို စောင့်ကြည့်နေစဉ် နံနက်မိုးသောက် အလင်းရောက်သောအခါ နေမင်းသည် ထွက်ပေါ်လာချေပြီ။ ဟင်္သာမင်း၏ ညီငယ်နှစ်ကောင်သည်လည်း
နေမင်းထွက်ပေါ်လာသည်နှင့်တပြိုင်နက် ယှဉ်ပြိုင်၍ စတင်ပျံသန်းလေတော့သည်။ ဟင်္သာမင်း၏ ညီငယ်သည် ပျံသန်း၍ မကြာမြင့်မီ အတောင်ကြားမှ မီးထတောက်သကဲ့သို့ ဖြစ်လာလေပြီ။
ဟင်္သာမင်းသည် ညီငယ်၏ အသက်ဘေးရန်ရှိလာသည်ကို သိသောကြောင့် ညီငယ်ကို အတောင်နှစ်ခုဖြင့် ပွေ့ပိုက်လျှက် ယုဂန္ဓိုရ်တောင်သို့ပြန်ပို့လိုက်သည်။
နေ့မွန်းလွဲချိန်ရောက်သောအခါ ညီလတ်ကိုလည်း ညီငယ်နည်းတူ အသက်ကို ကယ်တင်လိုက်၏။
ဟင်္သာမင်းက ငါသည်လည်း နေမင်းနှင့်အပြေးပြိုင်၍ အကျိုးမများ ပျက်စီးဘို့သာ ဖြစ်ချေတော့မည်။ ထို့ကြောင့် ဗာရာဏသီ မင်းထံသို့ သွား၍ အကျိုးစီးပွားနှင့်စပ်ယှဉ်သော
တရားစကားကိုဟောအံ့ ဟု အကြံထုတ်တော့သည်။ ဗာရာဏသီမင်းထံသို့ ရောက်သောအခါတွင် ငါသည် နေမင်းနှင့်အပြေးပြိုင်လာခဲ့သည့်အကြောင်း မင်းကြီးအား ပြောပြ၏။
မင်းကြီးသည် ဟင်္သာမင်းပြောသည့်စကားဟုတ်မဟုတ် လေးသမားလေးယောက်ကိုခေါ်၍ စမ်းသပ်မှုကိုပြု၏။ မင်းကြီးက ဟင်္သာမင်းအား နန်းရင်ပြင်ဝယ်ရှိသော ကျောက်တိုင်ထိပ်၌ ရပ်နေစေပြီး ၊
လေးသမားလေးယောက်ကိုလည်း နည်းတူ တိုင်သို့မှီရပ်စေ၏။ လေးသမားလေးယောက်တို့သည် များမကြာမီ အရပ်လေးမျက်နှာသို့ မြှားတွေကိုပစ်လွတ်စေသည်။
ဟင်္သာမင်းကလည်း ထိုလေးသမားလေးယောက် ပစ်လွတ်လိုက်သော မြှားတွေကို အဟုန်ဖြင့်ပျံလျက် နှုတ်သီးဖြင့် ဖမ်းယူပြီး လေးသမားလေးယောက်၏ ခြေရင်း၌ ချထားလိုက်၏။
ဟင်္သာမင်း၏ ပျံသန်းဖမ်းယူသော အခြင်းအရာကို မည်သူတစ်ဦးတစ်ယောက်မျှ မမြင်လိုက်ကြ။ ကျောက်တိုင်ထက်၌ ရပ်မြဲ ထင်နေကြ၏။
ထိုအခါ ဗာရာဏသီမင်းကြီးက ဟင်္သာမင်းအား ( အဆွေဟင်္သာမင်း သင်၏ လျှင်မြန်ခြင်းအဟုန်ကား လေသမားလေးယောက်ပစ်လွင့်လိုက်သော မြှားလေးစင်းထက်
သာလွန်သည်သာ ဖြစ်သောကြာင့် အံ့သြဖွယ်ကောင်းပေစွ)ဟု ချီးကျူးလိုက်သည်။


အပိုင်း(၃)တွင် ဘ၀သင်္ခန်းစာများ ထုတ်နှုတ်ရေးသားထားသည့်အတွက် အတုယူစရာ ကျင့်သုံးစရာ၊ သံဝေဂ ပွားစရာများ ပါသည့်အတွက် ဆက်လက်ဖတ်ပေးကြပါရန်
စာပေကို မြတ်နိုးသူများအားလေးစားလျက် ၊

အရှင်သုဇနာစာရ (တက္ကသိုလ်စာသင်သား )
bhavaalin@gmail.com / http://goodbrother-goodbrother.blogspot.com/

Tuesday 2 August 2011

..............ဘုရားရှေ့က ဟင်္သာရုပ်က ဒီလိုပါ............အပိုင်း ( ၁ )

စာရေးသူသည် သီရိလင်္ကာနိုင်ငံမှ M.A ပြီးဆုံးသောအခါ အိန္ဒိယနိုင်ငံသို့ (PH. D Entrance) ဖြေဆိုအောင်မြင်ပြီး (PH.D Thesis ) ရေသားနေစဉ် သံဝေဂနှင့်စပ်သော စာမှုတစ်ခု ရေးလိုသောဆန္ဒဖြစ်လာလေသည်။ စာရေးသူလည်း စာမူအတွက် ဘယ်ကစပြီး ရေးရမှန်းမသိစဉ်းစားရခက်နေလေသည်။ ဆွမ်းစားနေနေစဉ် အိန္ဒိယနိုင်ငံမှာ ပညာသင်ဖက် သူငယ်ချင်းတစ်ပါးဆီက ဟင်္သာရုပ်ကို ဘုရားရှေ့ ဘာကြောင့်ထားရသလဲ ဆိုသည့် အမေးတစ်ခုကို ကြားလိုက်ရ၏။

ထိုစဉ် အာရုံထဲဝယ် အတွေးတစ်ခုဝင်ရောက်လာ၏။ စာရေးသူစိတ်ထဲတွင် စာမူတစ်ခု အတွက် ဘုရားရှေ့မှာ ဟင်္သာရုပ်ထားရခြင်းအကြောင်းကို ရေးရင်ကောင်းမယ် ဟု စဉ်းစားမိလိုက်၏။ ထို့ကြောင့် ယခုအကြောင်းအရာလေးကို ရေးသားလိုက်ခြင်းဖြစ်ပါသည်။

ပြည်ပရောက် အိန္ဒိယနှင့်သီရိလင်္ကာနိုင်ငံတို့၌ ပညာသင် မြန်မာရဟန်းတော်များသည် ငါတို့သည် ပညာသင်ကြားနေခြင်းကား သာသနာအတွက်သာဖြစ်ရမည်။
သာသနာသည် ငါတို့အတွက် မဖြစ်ရဟူသော ရည်ရွယ်ချက်များကိုယ်စီထားကာ ခက်ခဲမှုတွေကို ဂရုမမူပဲ သာသနာအတွက် ပညာသင်ကြားနေကြ၏။

ပြည်ပရောက် ပညာတော်သင် မြန်မာရဟန်းတော်များသည် ........

(မကောင်းမြစ်ထာ၊ ကောင်းရာညွန်လစ်၊ အသစ်ဟောကြူး၊
နာဖူးထပ်မံ၊ နတ်ထံတင်ရာ။ မေတ္တာလည်းပြု၊ ရဟန်းမှု ခြောက်ခုလွန်သေချာ) ဆိုသည့်အတိုင်း

၁။ လူသားအားလုံးအပေါ် မကောင်းသည့်အရာများ တွေ့ရှိက တားမြစ်ကြခြင်း၊
၂။ ကောင်းသည့်အရာများကိုသာ ညွန်ပြကြခြင်း။
၃။ အမှန်တရားများကိုထုတ်ဖော်ဟောပြရခြင်း၊
၎။ ထုတ်ဖော်ပြပြီးသော တရားများကိုလည်း ထပ်မံပြသပေးရခြင်း၊
၅။ ဒါန၊သီလ၊ ဘာဝနာတို့ဖြင့် သုဂတိဘုံဌာနတို့သို့ ရောက်ဖို့ရန် တိုက်တွန်းပေးကြခြင်း။
၆။ သတ္တ၀ါအားလုံးအပေါ် မေတ္တာအမြဲပို့လွတ်ပေးရခြင်း ဟူသော ... ရဟန်းကျင်စဉ်ခြောက်ပါးနှင့်အညီ သာသနာပြုလိုကြ၏။

ထို့ကြောင့် ပြည်ပရောက် ပညာတော်သင် မြန်မာ ရဟန်းတော်များသည် လူသားအားလုံးတို့ကို အတုယူစရာ စာပေများနှင့် မိတ်ဆက်ပေးခြင်းအားဖြင့်လည်း သာသနာပြုရာရောက်၏။ စာပေသည် လူသားတိုင်းအတွက် ဘ၀ကို ပုံဖော်ပေးနိုင်သည့် ဘ၀အလင်းရောင်ဖြစ်သည်။ စာပေကို ဖတ်ခြင်းအားဖြင့်လည်း ဘ၀တိုးတက်မှု၊အောင်မြင်မှုတွေအတွက် လမ်းပြပေးနိုင်၏။ ဘ၀လမ်းမှန်ကိုရောက်အောင် စာပေက တွန်းအားတွေပေးနိုင်၏။

ပြည်တန်ပတ္တမြားသည် လူသားတိုင်းအတွက် အဘိုးတန်ဆုံး ရတနာတစ်ပါးဖြစ်သလို စာပေဗဟုသုတသည်လည်း လူသားတိုင်းအတွက် အဘိုးတန်ဆုံးရတနာတစ်ပါးပင်ဖြစ်ပါသည်။ ထို့ကြောင့် အိန္ဒိယနှင့်သီရိလင်္ကာနိုင်ငံတို့၌ ပညာသင်နေကြသော မြန်မာရဟန်းတော်များပင် ဖြစ်လင့်ကစား အဘိုးတန်ရတနာများကို ဖြန့်ဝေလိုသော ရည်ရွယ်ချက်တို့ ကိုယ်စီဖြင့် ပညာသင်ရင်း အတုယူစရာ စာပေများကိုရေးသားလျက်ရှိကြပါသည်။


စာပေကို ချစ်ခင်မြတ်နိုးကြသော မိတ်ဆွေများအား ဖတ်ရှုနိုင်ရန် ယခုရေးသားသော ဆောင်းပါးသည် အလွန်ရှည်သည့်အတွက် စာဖတ်သူမိတ်ဆွေများ ပျင်းသွားမည် စိုးရိမ်သောကြောင့် အပိုင်း(၁) တွင် ဟင်္သာအကြောင်းကို ထည့်မပေးပဲ အပိုင်း(၂) နှင့်အပိုင်း (၃ ) မှာသာ သင်္ခန်းစာ ယူစရာတို့နှင့်အတူ ထည့်ပေးထားပါသည်။ဆက်လက်ပြီး ဆက်တိုက်တင်ပြသွားမှာဖြစ်သည့်အတွက် စောင့်မျှော်ပြီး အတုယူကျင့်သုံးလိုသောဆန္ဒတို့ဖြင့် ဖတ်ရှုနိုင်ပါသည်။ အပိုင်း(၂) ကို ဆက်လက်ပြီး ဆက်တိုက်တင်ပြသွားမှာဖြစ်သည့်အတွက် စောင့်မျှော်ပြီး အတုယူကျင့်သုံးလိုသောဆန္ဒတို့ဖြင့် ဖတ်ရှုနိုင်ပါသည်။
အရှင်သုဇနာစာရ (တက္ကသိုလ်စာသင်သား )
bhavaalin@gmail.com / http://goodbrother-goodbrother.blogspot.com/

Tuesday 26 July 2011

အမေ့ရုပ်လွှာ

ဘဝ၏ နောက်ဆုံးခရီးမှာ ရွှေထီးမိုးခံရရုံမျှနှင့် သားကို ဒီဘောင်သို့ သွတ်သွင်းခဲ့ခြင်း မဟုတ်သည် ကတော့အသေအချာပင်။
မကြာသေးမီက တိုက်သစ်ဆရာတော် ရှင်ပြုတစ်ခုမှာ ဟောကြားသော “စကြာဝတေး မင်း၏ မယ်တော်ဖြစ်ဖို့ကား လွယ်ကူ၏။
ရှင်မယ်တော် ရဟန်းမယ် တော်ဖြစ်ဖို့ကား အလွန်တရာမှ ခဲယဉ်းလှစွာ၏”ဆိုသည့် တရားထဲကလို ရခဲလေတော့ ရဟန်းမယ်တော်ဆိုသည့်
အမည်ထူးတစ်လုံးကို ပန်ဆင်လိုသဖြင့်လည်း သာ၍ပင်မဟုတ်ခဲ့။ ငယ်စဉ်ကတည်းက နားစွဲနေခဲ့သော “ကိုယ်၏ သားဖြစ်စေ၊
ကိတ္တိမသား ဖြစ်စေ၊ သာသနာတော်တွင်းကို သွတ်သွင်းမှသာ” စသည်သီချင်းလို သာသနာ့အမွေခံ ဖြစ်ကာ အပယ်တံခါးပိတ်ပြီး နိဗ္ဗာန်တံခါးဖွင့်ဖို့ရာလေ။
ဟုတ်သည်။ ခုဆို သားကို အကြောင်းပြုကာ အကုသိုလ် အထုပ်က ငယ်၍ ကုသိုလ်အထုပ်က ထည်ခဲ့ပြီကော။ ရဟန်းမယ်တော်နော် ရဟန်းမယ်တော်...
.ဆိုသောစည်းကြိုးခိုင်ခိုင်ဖြင့် ကံသုံးပါးကို စည်းနှောင်နိုင်ခဲ့ပြီပဲ။ နဖူးလက်တင် စဉ်းစားမိတိုင်း ငါးပါးသော သီလ...အဲ တစ်ခါတလေ သန်းဥ စမ်းမိတာက
လွဲလို့ပါဏာတိပါတ စသောကံငါးပါးကို ခါးဝတ်လဲကဲ့သို့ မြဲခဲ့တာကို တွေ့ရတော့ “ ဒါ သားကြောင့်ပဲ...ဟုတ်တယ်။ သား ဒီဘောင်မှာ မွေ့ပျော်သ၍ နိဗ္ဗာန်တံခါးကို
မဖွင့်နိုင်တောင်မှ အပယ်တံခါးဖြင့်....”ဤလို ကြည်နူးခဲ့ရသည်။ အိပ်နိုးထတိုင်း ထိုကြည်နူးမှုလေးဖြင့် နှစ်ထောင်း ပျော်ရွှင်ခဲ့ရသည်။
ခု ဤပီတိအဆောက်အအုံလေးက တုန်ခါယိမ်းယိုင်ချင်နေပြီ။ ပြိုကျ ပျက်စီး သွားဦး မှာလား။
အသက်ခြောက်ဆယ်သီသီ စွန်းခဲ့ပြီမို့ သားရဲ့ အရိပ်မှာ တစ်လှည့်ချွေးသိပ်ရင်း အဖမြတ်စွာသခင်၏ မဂ္ဂင် လမ်းကြောင်းအတိုင်း လျှောက်တော့ မည်ဟု
ကြံစည်စိတ်ကူး ရုံရှိသေး၊ ခု သားက သင်္ကန်းကြီးက သစ်ခေါက်စော်နံပြီ ဆိုတော့ ...အမေ အမေ့သား လူထွက်တော့မှာတဲ့ဗျ” “မဟုတ်က ဟုတ်က ဟယ်”“
သူ့ သူငယ်ချင်း ဦးဇင်းသိန်း ပြောတာ၊ ဦးဇင်းသိန်းကြွလာတော့ အမေ လျှောက်ကြည့်ပေါ့” ဖွဟဲ့ လွဲပါစေ ဖယ်ပါစေ။ ဒီနေ့ ဘာနေ့ပါလိမ့်၊ အင်း တနင်္လာနေ့။
တနင်္လာနေ့ ဆိုတော့ ကျွန်မသား စကား မမှန်ရာတဲ့၊ ဟုတ်တာပေါ့ ကျွန် က၊ ခ၊ ဂ၊ ဃ၊ င တနင်္လာနံ၊ တနင်္လာနေ့ ကြားတဲ့ စကားမမှန်ပေါ့။ မမှန် နိုင်ပါဘူး၊
မမှန်ပါစေနဲ့တော်၊ မမှန်ပါစေနဲ့။ သင်္ကန်းဆီးကတည်းက လူထွက်ဖို့ ဝေးလို့၊ တစ်ခါမျှ ရှင်လိင်တော် မပြန်ဘူးတဲ့ သား၊ ဒီသားက ရဟန်း ဝါဆယ်ဝါမျှ မြဲခဲ့သော
သင်္ကန်းကို ဖြုန်းစားကြီး ချွတ်တော့ မည်ဆိုတော့ မဖြစ်နိုင်၊ ဘယ်နည်းနှင့်မျှ မဟုတ်နိုင်။ နောက်ပြီး လူထွက်စကားလည်း တစ်ခါမျှ ရယ်စရာအဖြစ်ပင် မဟဘူးခဲ့။
အင်း ရှက်လို့ မဟတာ နေမှာ။ ဒါမျိုး ဆိုတာ ကြိတ်ကြံချင် ကြံနေမှာ။ ဦးစန္နောကြီး ကြည့်ပါလား၊ တစ်ရွာလုံးက ဖိန့်ဖိန့်တုန်အောင် ကြောက်လိုက် ရတာ၊
ဣနြေ္ဒကလည်း ကြီးမှကြီး၊ ဟော ဦးဖိုးဒင် မြေးမလေးနဲ့လည်း တွေ့ရော၊ တစ်ခါတည်း အောင်ထားတဲ့ ဓမ္မာစရိယ ဆိုတဲ့ ဘွဲ့တွေတောင် မနှမြောတော့ဘူး။
ခုလဲ အဲလိုများ ဖြစ် ဟင်း...။ ကန်တော့ပါရဲ့ မောင်ပဉ္စင်းမှာလဲ ရည်းစားသနာများ တွေ့ပြုနေ.... ဟယ်.... ဟုတ်မယ် မထင်ပါဘူးလေ။
အင်း ရဟန်းတော်တွေ လူထွက်တယ် ဆိုတာလည်း တော်ရုံတန်ရုံ အကြောင်းလောက်နဲ့ ထွက်ကြတာ မဟုတ်ဘူး။ မောင်ပဉ္စင်းကလည်း ရုပ်လေးက မအေတူ ဖြူဖြူနွဲ့နွဲ့ရယ်။
ရွာကြွလာတဲ့အခါ ဟို ငဖုန်းရဲ့သမီးလေးနဲ့တော့ အခေါ် အပြော ရှိတာပဲ။ အဲဒီကလေးမနဲ့များ...။ ဟုတ်ချင် ဟုတ်မှာ။
ကောင်းမလေးက ကွမ်းတောင် ပန်းတောင်ကိုင်ဆိုတော့....အသက်တော့ ကွာပါတယ် လေ။ နောက်ပြီး သူတို့က ကျောင်းနေဘက်တွေပဲ၊ ဒါလောက်တော့ ရှိမှာပေါ့။
ဟို သူငယ်မလေးက ဗိုင်းကောင်း ကျောက်ဖိ လေးပါ။ အင်း ...မဟုတ်ရင်တော့ ကိစ္စမရှိ၊ ဟုတ်ရင်....ဟုတ်များနေခဲ့ရင်....။
ဟိုကလေးမကို သွားမေးစမ်းကြည့်ရလျှင် ကောင်းမည် ထင်သည်။ မီးဆိုတာ မလောင်ခင် တားတာ အကောင်းဆုံး မဟုတ်လား။ သွားမေးတာတော့ ဟုတ်ပြီ။
မဟုတ်ခဲ့လျှင် သားသမီးချင်း မစာနာရာ ကျချေတော့ မည်။ဘယ့်နှယ်လုပ်ပါ့။ ကိုယ့်မောင်ပဉ္စင်းကိုပဲ သွားပင့်ခိုင်းတာ အကောင်းဆုံး ဖြစ်ပေတော့မည်။
မနက်ဖြန် အငယ်ကောင်ကို မန္တလေးလွှတ်ရမည်။ မင်း နောင်တော်ကို ပင့်ခဲ့၊ သူ့ ဆရာတော်ကိုလည်း အကြောင်းစုံ လျှောက်ခဲ့ ဟု မှာရမည်။
မောင်ပဉ္စင်းကြွလာမှ အကြိမ်များစွာ လျှောက်ခဲ့ဖူးသော စကားကို ထပ်လျှောက် ရမည်။ အကြိမ်တစ်ရာမကလို့ လည်ချောင်း လှည်းပတောင်း ထချင်ထပစေ လျှောက်ရမည်။
“လူမထွက်ပါနဲ့ ဘုရား လူ့ဘဝဆိုတာ ...”ဆံတစ်ပြည် ဘယ်ဈေး၊ ဆီတစ်ဆယ်သား ဘယ်လောက်စသည့် စားရေး အပူတွေထက်ပင် သားရေးအပူကပို၍ လောင်မြိုက်လှတော့သည်။
အရိပ်တကြည့်ကြည့်နှင့် ပျိုးထောင်ခဲ့ရသောသား ခုတော့ ....အို ... ကိုယ်ပူ ကိုယ်ကျွမ်းတာပဲ။ နောက်ပြီး မရေမရာနဲ့။ သန်ဘက်ခါ သားငယ် ပြန်လာရင် အကြောင်းစုံသိရမှာပဲဟု
ကိုယ့်ကိုယ်ကို ဖျောင်းဖျရင်း စိတ်ကို ငြိမ်စေရ သည်။ သို့သော်....စိတ်သည် နဖားထိုးထားသည့် နွားမ တစ်ကောင် မဟုတ်လေတော့....။ မောင်းပဉ္စင်းကို မွေးတော့ သင်္ကြန်အတက်နေ့ကြီး မှာပင်။
နောက်နေ့ဆို နှစ်သစ်ကူးပြီ။ ဒီတော့ မီးတွင်းထဲ ကြာကြာ မနေလိုက်ရ။ တစ်ရက်နှင့်မီး ထွက်ခဲ့ရသည်။ အညစ်အကြေးနယ် ကြာရှည်မနေရသည့် သဘော။
ထို ကတည်းက ဒီသားဟာဖြင့် တခြားသားတွေနှင့် မတူ။ ထူးမည့်သားပဲဟု ကိုယ့်ဟာကိုယ် အတိတ်ကောက် နိမိတ်ဖတ်ခဲ့ မိသေးသည်လေ၊
နာမည်ပေးတာတောင် “မောင်ဆွေထွန်း” တဲ့။ ဆွေလယ်မျိုးလယ်မှာ ထွန်းမည့်သားလို့။ပြန်တွက်စစ်လိုက်တော့ သားတွေချည်း လေးယောက် မွေးခဲ့သည့်ထဲက မောင်ပဉ္စင်းက နို့ညှာ။
သူ့အောက် တစ်ယောက် ရှိသေးသည်။ သည်သား လေးယောက်ထဲတွင် ဉာဏ်အထက်ဆုံး သားကလည်း သူပင်။ ညည အိပ်ယာဝင် ပုံပြောပြီဆိုမှဖြင့်
သူတစ်ယောက်သာ ပုံဆုံးအောင် နားထောင် မြဲ၊ မှတ်လည်း မှတ်မိသည်။ နောက်တစ်နေ့မှာ သူ့ညီကိုပြန်ပြောနေ လိုက်တာများ ချောလို့။
ပြောစရာ ပုံသစ် မရှိသော ညများဆိုလျှင် ...“အမေ တောထွက်တဲ့ အကြောင်း ပြောပါဦး” ဟု ပူဆာတတ်သည်။ သူ တောင်းဆိုသည်က ရွာလယ်ဝတ် ကျောင်းမှာ ရွတ်ဆိုရသော
တောထွက် တော်မူခန်း ဘုရားပင့်၊ အသံနေအသံထားနှင့် ဆိုပြတာကို သူ သဘောကျသည်။ ကြားဖန်များတာကိုပင် မရိုးနိုင်၊ ရသည့် အပိုဒ်ဆိုလိုက်၍ပင် ဆိုလိုက်သေး၊
တစ်ညသားများ မှတ်မိနေ သေးတော့ “သူအိုတစ်ဖြာ သူနာတစ်တွေ.... သူသေတစ်ခန်း၊ သူရဟန်းနှင့်မဂ်လမ်း ထွင်စရာ လေးဖြာနိမိတ် နတ်ပြဟိတ်သော်ကြောင့်၊
မောင်ဆန်ကိုခေါ်၊ တိုင်ပင်တော်မူသည်မှာ ငါနှင့်အညီ ယသော် ဗျက်ဝိ တောထွက်မည့်ဟန် ငါ့အကြံကိုဧကန် မသိရှာလေဟု....။
“လောင်းမင်းသားက အဲသလို သူအိုသူနာ သူသေ ရဟန်းဆိုတဲ့ နိမိတ်ကြီး လေးပါးကို မြင်တော့ တောထွက်ဖို့ရာဖွားဘက်တော် မောင်ဆန်ကို ခေါ်ကာ တိုင်ပင်တော်မူသကဲ့ ကွယ်”
ထိုသို့ အဆို တစ်ခါ အပြော တစ်လှည့်ဖြင့် ပုံခင်းပြတုန်း ... “သူအိုဆိုတာ ဘာလဲ အမေ”
“အိုနေတဲ့ ဘိုးကြီးအို၊ မယ်ကြီးအိုတွေကို ပြောတာပေါ့ကွယ်” “ဟို...အဖေကြီး ဘိုးရွှေလုံလိုလား” “အေးပေါ့”
“သူနာကကော” “နေမကောင်းနေတဲ့သူပေါ့ သားရဲ့” “သူသေဆိုတာ ဟိုအသုဘချတာကို ပြောတာ လား” “ဟုတ်တာပေါ့ သားရဲ့”
“ဒါဖြင့် သူရဟန်းကကော” “သူရဟန်းဆိုတာက ဟို ... အဲ ... ဘုန်းကြီးကို ခေါ်တာကွယ့်” “တိုက်သစ်ကျောင်းက ဘုန်းဘုန်းလိုလား”
“ဒါပေါ့ သားရဲ့ အဲဒီ ဘုန်းဘုန်းလို” “ဘာလို့ သူက ဘုန်းကြီးလုပ်တာလဲ” “သူကလား သူက....အဲ....သူအို သူနာ သူသေမဖြစ်အောင် တရားအားထုတ်ဖို့ပေါ့ကွယ်”
“ဒါဆို သားလဲ ကြီးရင် ဘုန်းကြီး လုပ်မယ်” ကြည့်စမ်း လိမ္မာလိုက်တဲ့ သား။ ကြည်နူးလိုက်ရတာ၊ ရှင်ဘုရင်ဖြစ်မည့်သူက မွေးကတည်းက ရောင်လေးနဲ့ ဆိုသလိုပင်။
ထိုညကတည်းက သားကို ရှင်ပြုပေးဖို့ အားခဲမှု ပို၍ ထက်သန်ခဲ့လေတော့သည်။ သင်္ကန်းနိုင်လျှင်ရှင်ပြု ပေးကြဖို့ သူ့အဖေနှင့် မှတ်မှတ်ရရ တိုင်ပင်ဖြစ်ကြသည်။
ခု ... ဤ သားက လူ ထွက်တော့မည်တဲ့...။

ရှင်ပြုတော့ မှတ်မိနေသေးသည်။ သားကြီးတွေတုန်းက ဆိုင်းနှင့် ဝိုင်းနှင့် ရှင်ပြုပေးခဲ့သည်။ အငယ်နှစ်ယောက်ကျတော့ အပျော်အပါးမဖက်၊
လောကုတ္တရာ သက်သက်ဖြစ်အောင် မနည်းတိုင်ပင်ယူရသည်။ ဒါတောင် သူ့ဒကာကြီးကအရပ်ကျေနပ်အောင် ဗြောလေး ထည့်လိုက်ချင် သေးသည်။
ဒီတော့ သိသလောက် မှတ်သလောက်နှင့်....။“ကိုယ့်နှယ် ဒီ အပိုကုန်မည့်အစား မဏ္ဍပ်ဝင် သံဃာတော်တွေကို လှူဖွယ်ဝတ္ထု ပိုလှူမယ်၊
ဒါမှ အကျိုးကြီးတော့မပေါ့တော်” စသည်ဖြင့် ဖျောင်းဖျရသေးသည်။ အဲဒီတုန်းက ကျွေးတာမွေးတာကိုပင် အမဲပေါ်ခြင်း၊ ဝက်ပေါ်ခြင်းမလုပ်စေခဲ့၊
ပံ့သကူသား ဖြစ်အောင်ငါးခြောက်ထာင်း ကြော်ကျွေးခဲ့သည်။ ငါးခြောက်မှ နိတိနတ မဟုတ်၊ ဈေးအကြီးဆုံး ငါးရံ့ခြောက်ကို ကျွေးခဲ့တာ။
ဘုန်းကြီးဖြစ်မည့် သားရဲ့ပွဲမှာအားလုံး စင်ကြယ်စေချင်သည်လေ၊ မောင်ပဉ္စင်း သင်္ကန်းဆီးတော့ ဘာရှိသေးလဲ ကိုးနှစ်သား အရွယ်လေး။
အငယ် ကောင်က ခုနစ်နှစ်၊ ရှင်တစ်ဝါနှင့် အငယ်ကောင်က ထွက်ခဲ့ပေမယ့် သူကတော့ မြဲခဲ့သည်မှာ ယခုတိုင်ပင်။
သင်္ကန်းလို သင်္ကန်း၊ ဖိနပ်လို ဖိနပ်၊ လိုရာကို လှူဒါန်းထောက်ပံ့ရင်း သာသနာ့ဘောင်မှာ ထားခဲ့ရကျိုးနပ်သည်ဟု ဆိုရပေမည်။
တစ်ခါမျှ လူထွက်ချင်ကြောင်း မပြောဘူးခဲ့၊ ကိုရင်လေး ဘဝနှင့်ပင် တိုက်သစ်ဆရာတော်ကျောင်းမှာ ပရိတ်ကြီး သဒ္ဒါရှစ်စောင် သင်္ဂြိုဟ်ကိုးပိုင်း ကုန်ကာ စာတွေ အတော်ရလှပြီ၊
သူ့ဆရာ ဘုန်းကြီး ပြောတာပင်အမှတ်ရ သေးတော့ ...“မယ်ရွှေကံ...နင့်သား သိပ်ဉာဏ်ကောင်းတာ၊ ကြီးရင် ဆရာတော်ဖြစ်မယ်ဟဲ့” တဲ့။
ခုတော့ဖြင့် ကြားရချက်ကမဟန်ချင် ဆတော်ဖြစ်ဖို့ နေနေ သာသာ ကျောင်းပင် မထိုင်ရသေး၊ လူထွက်တော့မည် ဆိုတော့ ... ။
သည်လိုနှင့် ဆယ့်လေးငါးနှစ်အရွယ် ကိုရင်ကြီး ဖြစ်လာခဲ့သည်။ အရွယ်လေး ရောက်လာတော့ ကျောင်းက ကပ္ပိယကြီးနှင့် မတည့်ချင်၊
ကပ္ပိယကြီးက ဆရာတော်ကိုအပြစ်မဟုတ်တာတွေ အပြစ်လုပ်ကာ လျှောက်သည်တဲ့။ဆရာတော်ကလည်း ခဏခဏ ဆူသည်တဲ့။
အခန့်မသင့်လျှင် နကန်နှင့်ပင် အဆော်ခံရတတ်လေတော့ ကိုရင် ရွာကျောင်းမှာ မပျော်ဖြစ် လာသည်။ ဒါတောင် လူထွက်ချင်ကြောင်း လေသံမဟခဲ့။
ကိုရင့်ဒကာကြီး ကသာ စိုးရိမ်ပြီး....“ဒီမယ် ကပ္ပိယကြီး၊ ဆွမ်းကျန် ဟင်းကျန်အေးအေးစား၊ ကိုရင်ကျောင်းသား တွေကို အနိုင်မကျင့်ပါနဲ့၊
ကျုပ်သား လူထွက်လို့ကတော့ ကျုပ်နဲ့ ခင်ဗျား အတွေ့ပဲ” အဲသည်လို သွားကြိမ်းမောင်းခဲ့သည်။ တစ်သက်လုံး မော်မကြည့်ဝံ့အောင် ကြောက်ရွံ့ခဲ့ရသည့် ဆရာဘုန်းကြီးကိုပင်မမှုနိုင်အားတော့။
ခု ထိုကျေးဇူးတွေကို ဆပ်ဖို့ လူထွက်တော့မှာလား သားရယ်....။မထွက်ပါနဲ့ မောင်ပဉ္စင်းရယ် မထွက်ပါနဲ့။ အမေတို့ မောင် ပဉ္စင်းကို ဒီဘဝရောက်အောင်
ကြိုးစားပမ်းစား ခေါင်းနဲ့ရွက် တင်ခဲ့ရတာပါ ဘုရား... အဲသည်လိုကစပြီး တောင်းပန် လျှောက်ထားရမည်။ စဉ်းစားကြည့်ပါ မောင်ပဉ္စင်းဘုရား၊ မောင်ပဉ္စင်း ကိုရင်ဘဝကရွာမှာ
မပျော်တော့ဘူးဆိုတော့ မြို့စာသင်တိုက်ပို့ပေးရ၊ ဆရာဘုန်းကြီးရဲ့ အငြို အငြင်ကိုလည်း ခံရ၊ စားရိတ်စက ထောက်ပံ့ဖို့ နွားပေါက်လေး တစ်ကောင် တောင်ရောင်းရတာတွေ
မောင်ပဉ္စင်းကို တစ်ခါမျှ အသိမပေးခဲ့ဘူး။ မဟုတ်လား။ အခုတော့ မောင်ပဉ္စင်းသိအောင် ပြောပြချင်နေမိသည်။
နောက်ပြီး တစ်ခါမျှ စိတ်ကူးနှင့်ပင် မရောက်ဖူး သည့် မြို့ကြီးသို့ ကိုရင့်ကို ဘယ်လိုမှ မလွှတ်ရက်။ လွှတ်ရမည်ကို စိတ်မချ၊ ရွာမှာ နေပြီး လူထွက် သွားမှာ နှင့်စာလျှင်
တော်လေသေးရဲ့ဆိုပြီး ဒကာကြီး၊ ဒကာမကြီးပါ မျက်စိစုံမှိတ်ပြီး လွှတ်လိုက်ကြခြင်းပါ။ ကိုရင် မြို့ကို သွားစရက်များကဆို ကားများ တိုက်လေမလားဟဲ့။
မြင်းလှည်းနဲ့များ ခိုက်လေမလားဟဲ့၊မျက်စိသူငယ် နားသူငယ်နှင့်များ နေရှာ မလားဟဲ့ စသဖြင့် ပူပန်လိုက်ရတာ။ မန္တလေးက ဘယ်သူပြန်လာသတဲ့၊
ဘယ်ဝါ ပြန် လာသတဲ့ဆို ကိုရင်နဲ့များ မတွေ့ခဲ့ကြဖူးလားလို့ သွားမေးရတာလဲ အမော။ နောက်မှ သိရသည်။ မန္တလေးမြို့ ဆိုတာ အကျယ်ကြီးဟု။
ရွာလိုမှ မဟုတ်ဘဲ၊ တကူးတကမသွားဘဲမတွေ့နိုင်ဘူးတဲ့၊ ဪသြော်... အဲဒီတုန်းကများ တပည့်တော်မ မှာ လူရယ်စရာကြီးကိုဖြစ်လို့။
ဒါတောင် မန္တလေး သွားသူကြုံတိုင်း ငါ့သားလေးဆီ ဝင်ခဲ့ကြပါဦးဟု မှာနေမိပြန်သည်။ နောက်တော့ တစ်နှစ် တစ်ခေါက်ဖြင့် ကိုရင် ပြန်ကြွလာမှာပဲလေဟု
လွမ်းစိတ်ကို ဖြေရတော့သည်။ သို့သော် ရွာက ဆရာတော် စိတ်မပြေသေးလို့လား မြို့က ဆရာတော် ခွင့်မပေးလို့လားမသိ၊ တစ်နှစ်ပတ်ပင် လည်တော့သည်။
ကိုရင်ကဖြင့် ပြန်ကြွမလာ။ ပြာသိုလ ဘုရားပွဲတော်ချိန်မှများလာ မလားပဲ။ ဟုတ်သည်။ ထိုပွဲတော်မှာ ရွာဇာတိအဝေးနေ သံဃာတွေ အကုန်ပင့်တာပဲ ဟာ... ဆိုသည့်
မျှော်လင့်ချက်နှင့် ဆက်မျှော်နေဖြစ်သည်။ တစ်နေ့လာနိုး တစ်နေ့လာနိုးနှင့် ပြည် ကူးတို့ သင်္ဘောကပ်ချိန်တိုင်း မြစ်ဆိပ်က သွားကြိုနေမိသည်။ အဝတ်ကလေး
သုံးလေးထည်ကို မြစ်ရေမှာ အချိန်ကုန် အောင် လျှော်ဖွတ်ရင်း သား ကိုရင်ကို စောင့်မျှော်နေခဲ့သည့်အဖြစ်ကို မောင်ပဉ္စင်း ပြန်မြင်စေချင်လှသည်။
အဲဒီတုန်းက တစ်နေ့... နောက်တစ်နေ့... ဟိုနောက်တစ်နေ့... အဲဟို နောက်တစ်နေ့... နေ့ဆက် ထွက်မျှော်နေမိသည်။ ဘုရားပွဲတော်သာ ပြီးသွားသည်။
ကိုရင်၏ အရိပ်အရောင်ကိုကား မတွေ့ခဲ့ရ၊ နောက်ဆုံး မနေသာတော့မှ ကိုရင့်ဒကာကြီးက-“ ညည်းနှယ်အေ၊ သာထွန်းနဲ့ မန္တလေး ဘာဝေးတာ မှတ်လို့၊
တစ်နေ့ခရီးပဲဟာ၊ ညည်းသားကို တွေ့ချင်ရင်ကျုပ် လိုက်ပို့မှာပေါ့၊ အချိန်မရွေး သွားတွေ့ ရသားနဲ့ အလကား စိတ်ပင်ပန်းခံလို့၊ ညည်းသွားချင်တဲ့နေ့သာပြော”
အဲသည်က စပြီးနောက် နှစ်တွေမှာ တစ်နှစ်တစ်ခေါက်လိုလို ကိုရင့်ဆီ ရောက်ဖြစ်တော့သည်။ ကိုရင်နှင့်လည်း တွေ့ရ၊ ဘုရားစုံလည်း ဖူးရသည်မို့ ဝမ်းသာရသည်။
ကိုရင် စာတော်ကြောင်းကိုလည်း အတူနေဦးဇင်း ကိုရင် တွေထံမှ ကြားရပြန်သည်။ အဲသည်ရောက်စနှစ်က ပထမငယ်တန်းကို အောင်ခဲ့သည်။
နောက်နှစ်များမှာလည်း...မှတ်မိသေးတော့သည်။ ရောက်ဦးစ တစ်ခေါက်တုန်းက ကိုရင့်ဒကာကြီးက-
“ကိုရင် ဆွမ်းခံအိမ် ဘယ်နှစ်အိမ်ရှိလဲ၊ ဆွမ်းခံရတာ အဆင်ပြေလား” “မန္တလေးက စ ဒ ဘ ဝ နှင့် ညီမှ ဒကာကြီးရ”
“စဒဘဝဆိုတာ ဘာတုန်း ကိုရင်ရဲ့” “စဒဘဝဆိုတာ စ စောစောထပြီး၊ ဒ ဒုန်းပြေးကာ ဘ ဘုံလောင်းတိုးနိုင်မှ ဝ ဝ၀လင်လင် စားရမည်တဲ့”
ကိုရင့်အဖြေကြောင့် ရယ်လိုက်ကြရတာလေ။ ဪ သြော် ... အဲဒီတုန်းကတော့ အခုလို လူထွက်လိမ့် မည်ဟု ယောင်လို့ပင် မထင်မိခဲ့၊ ခုတော့...
ပထမကြီးအောင်သည့်နှစ်မှာတော့ ရွာကို ပြန်ကြွလာသည်။ ဒါတောင် ပဉ္စင်းတက်ရန် အသက်ပြည့် နေသော ကြောင့်သာ။ သို့မဟုတ်ရင်တော့...။
ပထမငယ်၊ ပထမလတ်၊ ပထမကြီးတန်းတွေကို နှစ်ချင်းဆက် အောင်မြင်ခဲ့လေသော ကိုရင်ဖြစ်လေတော့ ရဟန်းဒကာခံလိုသူတွေ ပေါသည်။
ဟို... ဝါးခယ်မ အောက်ပြည် အောက်ရွာက ဒကာတွေက ဒကာလုပ်ချင်၍ ရဟန်းလောင်း တောင်းသည့်တဲ့။ မပေးနိုင်ပေါင်တော်။ မပေးနိုင်ပေါင်။
သတင်းကြားကတည်းက ကိုယ်ပိုင် ပဉ္စင်းတက်ပေးနိုင်ဖို့ ခဲရသည်။ ပဉ္စင်းလောင်းဆိုတာ ပဋိသန္ဓေနေတဲ့ လရယ်၊ ဝါ ထပ်တဲ့ လတွေရယ် ပေါင်းယူရင်
ဆယ့်ကိုးနှစ်ပြည့်တာနဲ့ရဟန်းတတ်လို့ ရပြီဟု ကိုရင့် ဆရာတော်က မိန့်တော့ ဝမ်းသာ လိုက်ရတာလေ။ ကဆုန်ဆို ကိုရင်က ဆယ့်ကိုးနှစ်ပြည့်ပြီပဲ။
ထိုနှစ်မှာပင် ကိုရင်ကို ရွာသို့ ပင့်ကာ ရဟန်းခံပွဲ ကျင်းပဖြစ်သည်။ ရဟန်းခံပွဲကိုလည်း ကြည့်ပါဦး။ သိမ်ဝင်တာပင် ကုန်းသိမ်မဟုတ်၊
ဧရာဝတီမြစ်ထဲမှာ ရေသိမ် သမုတ်ကာ ကြီးကြီးကျယ်ကျယ်ကို ကျင်းပပေးခဲ့သည်။ ဒီကျေးဇူးတွေကို ဆင်ခြင်ပြီး ငဲ့ညှာတန်ကောင်းပါရဲ့။ ငဲ့ညှာ ပါဦးဘုရား...။
အဲသည်တုန်းက သိမ်ဆင်းလောင်းလှူသွားတဲ့ လူတွေကလည်း များမှများ၊ သိမ်ဆင်းရာ မြစ်ဆိပ်မှသည် ဝါးသုံးလေးရိုက်ခန့် ဝေးရာ ကျောင်းဝရဝဏ်ဝအထိ
သိမ်ကဆင်း နို့ဖိုးဆပ် တရားဦးဟောတော့ ဝမ်းသာလိုက်ရသည့် ဖြစ်ခြင်း။ မျက်ရည်များပင် လည်လို့။ သူ့ဒကာကြီးကို ကြည့်လိုက်တော့လည်း ပြုံးပြုံးပြုံးပြုံးနှင့်။
သာသနာ့ အမွေခံတွေ ဖြစ်ပဟဲ့... သာသနာ့ ဒါယကာတွေ ဖြစ်ပဟဲ့... ဟု ကြည်နူးအားရကြီး အားရကာ အပယ်တံခါးပိတ်၍ နိဗ္ဗာန်တံကား ဖွင့်နိုင်တော့မည်ဟု
သတ်မှတ်မိခဲ့သမျှ အင်း... ခုတော့...။

မထွက်ပါနဲ့ မောင်ပဉ္စင်းရယ် မထွက်ပါနဲ့။ တပည့် တော်မကို ငဲ့ပါဦး ဘုရားဟု ဖမိုး နဖူးချ တောင်းပန်ရမည်။ အမေကို ချစ်တဲ့သားပဲ၊ ငဲ့ညှာမည်ထင်သည်။ အဲ ... မရလျှင်တော့ ...။
အင်း... သူ့တကာကြီးသာ ရှိရင် သူလည်း ခုလိုပဲ စိတ်ကောင်းနိုင်ရှာမှာ မဟုတ်ဘုး။ သူ စောစော ကွယ်လွန်သွားတာ ကောင်းတယ်လို့တောင် ပြောရမလိုပင်၊
တမြန်နှစ်ကပင် သူ့သား မောင်ပဉ္စင်းရဲ့ လက်ပေါ်မှာ ကွယ်လွန်သွားခဲ့ရှာပြီ။ ဘဝကူး ကောင်းမှာပါ။ ရဟန်း ခမည်းတော်ကြီး အဖြစ်နှင့် အနိစ္စ ရောက်ခဲ့ရတာပဲလေ။
ဘတော်ပျံပေါ့။ ငါ့ အလှည့်ကျရင်သာ...။ မောင်ပဉ္စင်း၏ ရွတ်သံ၊ ဖတ်သံလေးနှင့် ဘဝကူး ဖို့ရာ မသေချာတော့ပြီ။ အမေလည်း အသက်ကြီးပါပြီ။
ဒီဘုရား အရေတော်နှင့် အရိုးမထုတ်နိုင်တောင် အမေ့ တစ်သက်တော့ မထွက်ပါနဲ့ဦးလို့ နောက်ဆုံး ပြောကြည့်ရ မည်။ နေပါဦး ထွက်မယ်ဆိုတာကတော့
ကျိန်းသေလို့လား ငါ့နှယ်... ငယ်ငယ်လေးကတည်းက သင်္ကန်းချည်ခဲ့တာ ပုဆိုးတောင် ကောင်းကောင်း ဝတ်တတ်တာ မဟုတ်ဘူး။ လူထွက်လို့ ဘာသွားလုပ်စားမှာလဲ။
အစစအရာရာ ကျပ်တည်းတဲ့ ကာလကြီးမှာ နတ်ပြည်ကနေ ငရဲကို ခုန်ဆင်းသလို ဖြစ်တော့မပေါ့။ အို... ဒါတွေ သူစဉ်းစားမိမှာပါ။ စာတတ် ပေတတ် ပုဂ္ဂိုလ်ပဲ၊
သွားပြောနေတာကမှ မိကျောင်းမင်း ရေခင်းပြ ဘုန်းကြီးစာချ ဖြစ်နေဦးမယ်။ ဒါတွေ တကယ် စဉ်းစားမိ လို့ကတော့ ထွက်ဖြစ်မယ် မထင်ဘူး။
ဟာ ... မစဉ်းစားမိလို့ ထွက်လည်း ထွက်ထွက် ဘာတတ်နိုင်မှာလဲ။ သင်း ထိုက်နှင့် သင်းကံပေါ့။ ကုသိုလ်ရဖို့ကတော့ သူမရှိလဲ တခြားကိုယ်တော်တွေ ကိုးကွယ်ယုံပေါ့။
စိတ်သည် ကရုဏာ ဒေါသောတလှည့် မုဒိတာ သောကတလှည့်နှင့် ရှိသည်။ အလုပ်ဝတရားတို့ဖြင့် တည်းနှောင်ထားပါလျက်က...ထွက်မှာတော့ မဟုတ်ပါဘူးလေ
“ကိစ္စများမြောင် လူတို့ဘောင်” တဲ့ မောင်ပဉ္စင်း ခဏခဏ ပြောနေတာပဲ။ ဒီဒုက္ခတွေ သူသိပါတယ်။ အဲ ဒုက္ခကို သုခထင်အောင် လုပ်နိုင်တဲ့ သူများ တွေ့ရင်တော့ မပြောတတ်ဘူး။
ဟုတ်တယ်။ မြို့သူ တစ်ယောက်နှင့်များ နီးစပ်နေရော့လား။ မြို့သူဆိုတာ တောက သူငယ်မလေးတွေထက်တော့ အစစအရာရာ သာတာကလား၊
နောက်ပြီး ဆတ်ကော့လတ်ကော့နှင့် ရဲတင်း လိုက်တာကလား။ အဲဒီလို သူငယ်မနှင့်များ ငြိစွန်းနေရင်ဟယ်... ဟုတ်မယ်မထင်ဘူး။
ဘုရား သိကြားမလို့ မဟုတ် ပါစေနဲ့တော် မဟုတ်ပါစေနဲ့။ ဟုတ်ချင် ဟုတ်နေမှာ ဟုတ်နေရင်တော့ ထန်း လည်ဆစ်ကျိုးတဲ့... အို ငါ့သားကြီး ဒီလောက် မမိုက်ပါဘူး။
မမိုက်ဘူး... မမိုက်ဘူး။ အင်း... မြို့လွှတ်လိုက်တဲ့ အကောင်ကလည်း ကြာလိုက်တာ၊ ဒီနေ့ရောက်ရက်ပဲ၊ တစ်ညပဲ အိပ်၊
မောင်ပဉ္စင်းနဲ့ တွေ့ပြုပြီး ချက်ချင်း ပြန်လှည့်ခဲ့ဆိုတာ...။ တကတည်းတော် စူဠလိပ် ရေထဲလွှတ်သလို ဖြစ်နေပြီ။ မွန်းတိမ်းစမှာပင် မြစ်ဆိပ်ဆီမှ ပြည်ကူးတို့
သင်္ဘော၏ ဥဩဆွဲသံကို ကြားရပြီ။ ထလိုက် ထိုင်လိုက်။ မြစ်ဆီမျှော်လိုက် ငေးလိုက်နှင့် စိတ်စောလှသည်။ မကြာပါ။
“ဟော... အမေ ဟိုမှာ အမေ့သား ငကျော် ပြန် လာပြီ”သားကြီး သတင်းပေးသံ မဆုံးမီ - “အမေရေ ကျွန်တော် ပြန်လာပြီ၊ အမေ့သား ကိုယ်တော်နှင့် တွေ့ခဲ့ပါ့ဗျာ၊
ဒီနှစ် စာမေးပွဲပြီးရင် ချင်းပြည်နယ် သာသနာပြုကြွရမှာတဲ့။ မကြွခင် အမေ့ဆီ လာခဲ့ဦးမယ်တဲ့။ ဟောဒီမှာ အမေ့ဖို့ လူပျံတော်ပတမြား သွေးဆေးနဲ့စာ...
” ဆေးဘူးတွေကို မကိုင်မိ၊ စာဆီသို့ လက်လှမ်းမိသည်။ စာရွက်ခေါက်ကလေးတွေကို ထုတ်ဖြေလိုက်တော့...။
အသက်ကြီးလာလို့နဲ့ တူပါရဲ့။ လက်တွေက တုန်ချင်နေပြီ။ စာရွက်လေးတွေကို တဖျပ်ဖျပ်နဲ့...။


တက္ကသိုလ်စာသင်သား
bhavaalin@gmail.com / http://goodbrother-goodbrother.blogspot.com/

Tuesday 12 July 2011

သံဃာတော်များ အချောင်စားချင်လို့ ရဟန်းဝတ်ကြတာလား အပိုင်း( ၂)

စာရေးသူ ယခုတင်ပြသွားမည့် စာသားလေးကတော့ ကိုမင်းသူ ဝေဖန်ချက်ပေးပြီး မေးထားတဲ့ အကြောင်းက သံဃာတော်များ အချောင်စားချင်လို့ ရဟန်းဝတ်ကြတာလား ဆိုတဲ့ ထင်မြင်ချက်ကို ရှုထောင့်မျိုးစုံနဲ့ဖြေရှင်းရင်း ရေးသားသွားမှာဖြစ်ပါတယ်.............

ကိုမင်းသူ ဝေဖန်ချက်

လေးသင်္ချေ ကမ္ဘာ တသိန်း မှာတောင် ကိုး ဘဝ ပဲ ရဟန်း ဖြစ်ခဲ့တာ ဆိုတော့ ရဟန်းဘဝရ ဖို့ အလွန် ခဲရင်းနေ ကြတာကို သိရပါပြီ။
တပည့်တော်က မြန်မာပြည်က ၄သိန်းလောက် ရှိတဲ့ ရဟန်းတော်တွေထဲက တော်တော်များများကို အထင်မကြီး ခဲ့ဘူး။ တပည့်တော် လေ့လာမိသလောက် ဆင်းရဲသား အများစု (တနည်းအားဖြင့် နိမ့်ကျသော လူတန်းစား)တွေ ရဲ့ သားသမီးတွေ ကို, အစိုးရကျောင်း မထားနိုင်တဲ့ လူတွေက ဘုန်းကြီးကျောင်းတွေ ပို့ရာကနေ သူတို့ဟာ အ များက ရှစ်ခိုးခံရတဲ့ ရဟန်းဘဝ ကို ရောက်လာတယ်လို့ပဲ ယုံကြည်ထားတာပါ။

ဒီကြားထဲမှာ ဘုန်းကြီးဖြစ်ပြီး လောကီစီးပွါးရေးတွေ ကို ခိုးလုပ်နေတဲ့ ရဟန်းတွေကလည်း အများကြီးတွေ့ ရ တော့ ကွန်မြူနစ်တွေ ပြောတဲ့, အလုပ်လုပ်စားရမှာပြင်းလို့ဘုန်းကြီးဝတ်တယ်ဆိုတာကိုတောင် တခါတခါ ယုံ ကြည်မိတယ်။ ရဟန်းတော်တွေ စောင့်ထိမ်းရမဲ့ ၂၂၇ သွယ်သော သီလ , ငါတို့မစောင့်ထိမ်းနိုင်သောအကျင့်တွေ ကိုသူတို့လုပ်နေကြတာပါလို့ အကောင်းမြင်ဝါဒ ပြန်သုံး ပြီး မိမိ ကိုယ် မိမိ ဆုံးမကြည့်ပါတယ်။

မရပါဘူး, စိတ်ထဲမှာ ဒီဘုန်းကြီးတွေရဲ့သီလ ဆိုတာ လူတွေက သူတို့ကို လှူအောင် ပြောတာနေမှာပါ တကယ် မဟုတ်နိုင်ပါဘူးလို့ စိတ်ထဲမှာ မယုံကြည်တဲ့စိတ်ပဲ လွမ်းမိုးသွားပါတယ်။ အဲဒီတော့ ဘုန်းကြီးတွေ အပေါ်မှာ (ရိုးရာအစဉ်အလာအရ ယဉ်ကျေးသူဟု သတ်မှတ်ခံချင်လို့မဟုပ်ပဲ) တကယ်အကောင်းမြင်နိုင်အောင် ဘယ်လိုလုပ်ရပါသလဲဘုရား ?
မင်းသူ


စရေးသူ၏ ဖြေရှင်းချက် အတွဲ ၂

အထက်ပါဝေဖန်ချက်နဲ့မေးထားတာကတော့ ကိုမင်သူ လို့ သိရပါတယ်၊ နာမည်အရင်းဟုတ်မဟုတ်ကိုတော့ ဃဃ နန မသိပါဘူး။
ဒီလိုဝေဖန်ချက်နဲ့ မေးတာ ကောင်းပါတယ်။ ဘာလို့လဲဆိုတော့ ခုလိုအမြင်မရှင်းသူတွေဟာ ခေတ်က တိုးတက်တာလာနဲ့ အမျှ ပိုပိုများလာတာကိုစာရေးသူ မကြာခဏ ဆိုသလို တွေ့နေရပါတယ်၊ ဒီလိုမေးခွန်းမျိုး ဖြေပေးချင်နေတာကြာပါပီ၊ ဒါပေမဲ့ အကြောင်းမတိုက်ဆိုင်တော့ ဖြေပေးခွင့်မကြုံခဲ့ပါဘူး။ ခုတော့ ဖြေဘို့ ခွင့်သင့်လာတော့ ရှင်းပြခွင့်ရလာတော့ ကိုမင်းသူကို အရမ်းကျေးဇူးတင်ပါတယ်လို့ပြောချင်ပါတယ်။

ကဲ....ကိုမင်းသူရေ...........စာရေးသူအနေနဲ့ ..ဒုတိယပိုင်း ဖြေရှင်းချင်တာကတော့

သာသနာတော်က လူ့အဆင့်အတန်းကို စည်းစိမ်ဥစ္စာနဲ့ တိုင်းတာတာမဟုတ်ဘူး။ ကိုယ်ကျင့်တရားနဲ့တိုင်းတာထားတာ။ တနည်းပြောရရင် ဗုဒ္ဓဘာသာဟာ လူ့အဆင့်အတန်းကို တိုင်းတာရာမှာ ရုပ်ပိုင်းဆိုင်ရာ ကြွယ်ဝမှုနဲ့ တိုင်းတာတာမဟုတ်။ စိတ်ပိုင်းဆိုင်ရာ ကြွယ်ဝမှုနဲ့ တိုင်းတာတာ။ ရဟန်းတော် အများစုဟာ စည်းစ်ိမ်ရှင်တွေမဟုတ်ကြပေမယ့် စည်းစိမ်ထက်သာလွန်တဲ့ ရေ့ရှည် ကောင်းကျိူး ငြိမ်းချမ်းမှုဖြစ်စေတဲ့ အကျင့်ကို ကျင့်နေကြတယ်။ ဒါကြောင့် လူတွေက ကိုးကွယ်တာ။ ရှိခိုးတာ။ ပစ္စည်းချမ်းသာလို့ ကိုးကွယ်ခံ၇တာ မဟုတ်ဘူး။ ပစ္စည်းချမ်းသာမှ ကိုးကွယ်ရမယ် အထင်ကြီးမယ်ဆိုရင် မတရား ဝိသမလောဘနဲ့ ဥပမာ ကိုမင်းသူရဲ့ အမေ အမ နှမ တွေကို ချမ်းသာတဲ့ သူတွေက မုဒိမ်းကျင့် မယ်ဆိုရင် အဲ့ဒီချမ်းသာသောသူများကို ကိုမင်းသူအနေနဲ့ အထင်ကြီးမှာလား ၊ လေးစားမှာလား ၊အ၇ိုအသေပေးပီး ကန်တော့မှာလား ကိုးကွယ်မှာလား ချမ်းသာတဲ့ အသိုင်းဝိုင်းက ဆင်းသက်လာမှ ကိုးကွယ်မှာဆိုရင် သူတစ်ပါးကို ဂုတ်သွေးစုပ် နေကြတဲ့ အာဏာရှင်တွေ သူဌေးတွေကို ကိုးကွယ်ရမှာပေါ့။ အဖြေက နည်နည်း ကြမ်းသွားရင် ဆောရီးပါ။ မေးသူက ထင်ရာမေးပြီး ဖြေသူက နည်းမှန်လမ်းမှန်နဲ့ ဖြေတဲ့အခါ ကောင်းကောင်းသဘောမပေါဘူးဆိုတော့ ကြမ်းတမ်းသော နည်းနဲ့ ဖြေမှ သဘောပေါက်မယ်လို့ထင်လို့ ပါ။

ကိုမင်းသူက သာသနာတော်ရဲ့ စည်းကမ်းတွေကို ဘာမှနားမလည်တဲ့အပြင် သာသနာတော်ကိုလည်း ဘာမှနားမလည်ဘူးလို့ စာရေးသူပြောချင်ပါတယ် ၊ ကိုမင်းသူ ကိုယ်တိုင်ကလဲ အသိဥာဏ်ဘယ်အဆင့်မှာ ရှိတယ်ဆိုတာလဲ ကိုယ့်ကိုကို မသိဘူး ။
သိအောင်လဲ နည်းမှန်လမ်းမှန်မကြိူးစားပဲ တလွဲအထင်ရောက်နေပီး ဥစ္စာရှင်တွေ ရဟန်းဝတ်မှ ကိုးကွယ်ချင်တဲ့ သဘောဖြစ်နေတယ်
ဥစ္စရှင်တွေ ရဟန်းဝတ်ပီး အကျင့်မကောင်းရင်လဲ သာသနာတော် ဘာမှ အကျိူးမရှိဘူး။ ကိုမင်းသူကို မေးချင်ပါတယ် ကိုမင်းသူရဲ့ အိမ်၊ ဒါမဟုတ် ကိုမင်းသူရဲ့ ဆွေမျိုးတစ်အိမ်အိမ်ရဲ့ မိသားစုကိုကြည့် အကျင့်ကောင်းတဲ့သူ အကုန်ပါလား သူတစ်ပါးကို အကောင်းမြင်စိတ်နဲ့ မြင်တတ်သူတွေ ၊ သူတစ်ပါးကို ကူညီတတ်တဲ့စိတ်ထားရှိသူတွေ ဘယ်နှစ်ယောက်ပါလဲ ၊ ပါတဲ့သူရှိသလို မပါတဲံ့သူလဲ၇ှိမယ်။ အကျင့်ကောင်းသူ ပါသလို မကောင်းသူလဲ ပါမယ်။ အဲလိုတွေ မကောင်းတဲ့သူတွေပါနေရင် မိသားစုတစ်စုထဲမှာ ဘာမှအကျိုးမရှိသူ၊ သူများလေးစားမခံထိုက်သူပဲ။ ကောင်းတဲ့စိတ်ရှိသူပါနေရင် သူတို့ဟာ မိသားစုတစ် စုထဲမှာ မိသားစုအတွက် လူသားအားလုံးတွက် အကျိုးများသူ၊ သူများလေးစားခံထိုက်သူပါပဲ။

သာသာနာမှာလဲ ဒီတိုင်းပဲ အကျင့်ပိုင်းကို လိုက်နာသော ရဟန်းတော်တွေ အများပြားရှိသလို မလိုက်နာသော ရဟန်းတုတွေလဲ ရှိကြတာပဲ။ သာသနာက အကျင့်ပိုင်းနဲ့တိုင်းတာတာဆိုတော့ အကျင့်ပိုင်းကိုလိုက်နာသော ရဟန်းတွေဟာ ဆင်းရဲသည်ဖြစ်စေ၊ ချမ်းသာသည်ဖြစ်စေ လေးစားထိုက်တယ်။ အကျင့်ပိုင်းကို မလိုက်နာသော ရဟန်းတွေကို ဆင်းရဲဆင်းရဲ ချမ်းသာ ချမ်းသာ
သူတကာက မလေးစားထိုက်ဘူး။ ကိုမင်းသူအနေနဲ့ ဒီလိုအမြင်မျိုး လူလောကရော ၊သာသနာလောကရော မျှမျှတတ
မြင်တတ်အောင် အသိဥာဏ်ရှိအောင် စာတွေဖတ်ပါအုံး ၊ကြိုးစားပါအုံးလို့စာရေးသူအကြံပြုပါတယ်။ပညာဥာဏ်၊ စာပေဗဟုသုတ ရှိလာတဲ့အခါ လူ့လောကထဲမှာရော ၊ သာသနာလောကထဲမှာရော မျှမျှတတ မြင်တတ်သွားပီဆိုရင် ကိုမင်းသူမေးတဲ့ တကယ်အကောင်း မြင်နိုင်အောင် ဘယ်လိုလုပ်ရပါသလဲဘုရား ? ဆိုတာကို အလိုလိုနားလည်သွားမှာပါရဟန်းတွေဟာ သီလ သမာဓိ ပညာ ကိုရအောင်ကြိူးစားနေကြတာဖြစ်ပီး အဲဒီဂုဏ်တွေကြောင့် ရှိခိုးခံထိုက်တာဖြစ်တယ်လို့မြင်တတ်ပါစေလို့လဲ ဖြေကြားရင်း ဓမ္မပန်းကို ထာဝရ ဆင်မြန်းနိုင်ပါစေ.
တက္ကသိုလ်စာသင်သား

Thursday 7 July 2011

သံဃာတော်များ ဒါယကာတို့ အရင်ပင့်ဖိတ်အပ်သော အလှူရှိပါလျက် တပါးသော ဒါယကာတို့ဆွမ်းကို လက်ခံဘုန်းပေးလို့ ဒါယကာများက ကဲ့ရဲ့ကြသည့်အခါ ဘယ်သူများ အပြစ်ဖြစ်ပါသလဲ

စာရေးသူ ယခုတင်ပြသွားမည့် စာသားလေးကတော့ ကိုနိုင်လေး (မလေးရှား)မှ ဝေဖန်ချက်ပေးပြီး မေးထားတဲ့ အကြောင်းက
သံဃာတော်များ ဒါယကာတို့ အရင်ပင့်ဖိတ်အပ်သော အလှူရှိပါလျက် တပါးသော ဒါယကာတို့ဆွမ်းကို လက်ခံဘုန်းပေးလို့
ဒါယကာများက ကဲ့ရဲ့ကြသည့်အခါ ဘယ်သူများ အပြစ်ဖြစ်ပါသလဲ ဆိုတဲ့ ထင်မြင်ချက်ကို ရှုထောင့်မျိုးစုံနဲ့ဖြေရှင်းရင်း ရေးသားသွားမှာဖြစ်ပါတယ်.............

ကိုနိုင်လေး (မလေး)၏ ဝေဖန် မေးမြန်းချက်

၁။ သူတစ်ပါး မကောင်းကြောင်း မပြောပါနဲ့
၂။ သူတစ်ပါးကောင်းကြောင်းကိုသာ ပြောပါ
၃။ မိမိကောင်းကြောင်း မပြောပါနဲ့
၎။ မိမိမကောင်းကြောင်းကို လိုအပ်လာရင် ရဲရဲဝံ့ဝံ့ ပြောပါ......မှတ်သားမိပါတယ်ဘုရား.....

စာရေးသူဟာရဟန်းသံဃာတစ်ပါးလို့ တပည့် တော်သိရှိရပါတယ်ဘုရား....တပည့် တော်ရင်ထဲဖြစ်တည်နေသော(တပည့် တော်သူငယ်ချင်းများကိုပြောပြခဲ့သော)စကားကိုအမှားအမှန်ဝေဖန်ပိုင်းခြားပေးပါရန်ရိုသေစွာလျှောက်ထားအပ်ပါသည်ဘုရား.....တပည့် တော်နှင့်သူငယ်ချင်းတစ်စုသည်အကြောင်းအမျိုးမျိုးကြောင့်
မလေးရှားနိုင်ငံဂျိုဟိုးဘာရူးမြို့ သို့ ရောက်ရှိနေပါတယ်ဘုရား...။တပည့် တော်နှင့်သူငယ်ချင်းများသည်၂၀၀၉ခုနှစ်ဝါဆိုလတွင်ဝါဆိုသင်္ကန်းကပ်လှူပူဇော်ရန်နှင့်
နေ့ ဆွမ်းဆပ်ကပ်လှူဒါန်းရန်အတွက်ဂျိုဟိုးမြို့ ရှိဆရာတော်တပါးထံသို့ ၁၄ရက်အလိုတွင်လျှောက်ထားခဲ့ပါတယ်ဘုရား......ထိုအချိန်တွင်သံဃာတော်နည်းသောကြောင့်
(အလှူအထမမြောက်မည်စိုးရိမ်စိတ်ကြောင့်)ကြိုတင်လျှောက်ထားခဲ့ခြင်းဖြစ်ပါ တယ်ဘုရား......၇ရက်လောက်အလိုတွင်ဆရာတော်မှအာရုံဆွမ်းကပ်ရန်မိန့် တော်မူသောကြောင့်
တပည့် တော်တို့ အလှူအချိန်ကိုပြောင်းလဲခဲ့ပါတယ်ဘုရား.......၃ရက်လောက်အလိုတွင်..မနက်၈နာရီတွင်ကပ်ရန်ပြောင်းလဲမိန့် တော်မူပြန်ပါတယ်ဘုရား..(တပည့်် တော်တို့ လျှောက်ထားသောရက်အချိန်တွင်တခြားအလှူရှင်မရှိသေးပါဘုရား...)တပည့် တော်တို့ သိရသည်မှာကြိုတင်လျှောက်ခဲ့သောနေ့ ဆွမ်းနေရာတွင်စက်ရုံတရှုံ(လူအင်အား၂၀၀လောက်)မှအစားထိုးကပ်လှူမည်ဖြစ်ကြောင်းသိရှိခဲ့ရပါတယ်ဘုရား.......တပည်တော်နှင့်သူငယ်ချင်းများစိတ်မကောင်းဖြစ်ခဲ့ရပါတယ်ဘုရား...အချိန်အပြောင်းအလဲထပ်ဖြစ်လျှင်သော်၎င်း.
.ရည်မှန်းထားသောအလှူအထမမြောက်မည်ကိုစိုးရိမ်သောကြောင့်တပည့် တော်တို့ သည်၁ရက်အလိုတွင်ကီလိုမီတာ၆၀၀ကျော်လောက်ဝေးသောပီနန်မြို့ မှဆရာတော်ကိုပင့်ဖိတ်သောအခါ
အလှူအထမြောက်ပြီးနေ့ ဆွမ်းအလှူကိုဝမ်းမြောက်ဝမ်းသာကပ်လှူခွင့်ရခဲ့ပါတယ်ဘုရား....ဆရာတော်မှပရိတ်တရားတော်ဟောကြားပေးခဲ့ ပါတယ်ဘုရား...
.တပည့် တော်နှင့်သူငယ်ချင်းများသည်ဂျိုဟိုးမှ(ဘွဲ့ အမည်မဖော်ပြလို)ဆရာတော်အပေါ်လာဘ်လာဘကြောင့်ဆိုပြီးပြောဆိုမိခဲ့ကြပါတယ်ဘုရား....။

တပည့် တော်တို့ ပြောဆိုမှုကိုအမှားအမှန်ပိုင်းခြားပေးပါရန်လေးစားစွာလျှောက်ထားအပ်ပါသည်ဘုရား.....။
မှားသည်ဟုဆုံးဖြတ်တော်မူပါလျှင်မည်ကဲ့ သို့ အပြစ်ကင်းအောင်ပြုလုပ်ရမည်ဆိုတာကိုမိန့် ကြားပေးပါရန်လေးစားစွာလျှောက်ထားအပ်ပါသည်ဘုရား......။
ကိုနိုင်လေး။။။။။

စာရေးသူ၏ ဖြေဆိုချက်

အင်း .....ဒကာတော် မေးထားတဲ့ မေးခွန်းကို စာရေးသူအနေနဲ့ သာသနာဘက်က ရပ်တည်ပြီး သာသနာကို ချစ်တဲ့စိတ်ကို ရှေ့ထားပြီး ဖြေပေးပါ့မယ်။
ဒကာတော်ရဲ့ ဆိုလိုချက်က သံဃာများဟာ ဆင်းရဲသည့်ဒကာဖြစ်စေ ၊ ချမ်းသာသည့် ဒကာဖြစ်စေ ဆွမ်းကပ်ရန် အရင်ပင့်ဖိတ်ထားသော ဒကာတွေရဲ့ ဆွမ်းကိုကြဉ်ထားပြီး
တပါးသော ဒကာတွေရဲ့ နောက်မှ ပင့်ဖိတ်လာသော ဆွမ်းကို လက်ခံဘုန်းပေးတယ်။ ဒါကြောင့် အရင်ဖိတ်ထားတဲ့ဒကာတွေက စေတနာ သဒ္ဓါတရားနည်းသွားပြီး
ယင်းသံဃာတော်များကို ကဲ့ရဲ့မိကြတဲ့အခါ ဒကာတော်များ အပြစ်ဖြစ်ပါသလားဆိုတဲ့ မေးခွန်းပါပဲ။

ရဟန်းသံဃာတော်များအတွက် မြတ်စွာဘုရားရှင် ပညတ်တော်မူထားသော ၀ိနည်းစည်းကမ်း ဥပဒေဖြစ်သော
( ၀ိနည်းပါဠိတော် ဘောဇန၀ဂ်၊ပရမ္ပရဘောဇနသိက္ခာပုဒ်၊ ပရမ္ပရဘောဇနေ အညတတြ သမယာ ပါစိတ္တိယံ) ပါဠိတော်အရ
ရဟန်းတော်များဟာ ဆင်းရဲ ချမ်းသာမရွေး အရင်ပင့်ဖိတ်ထားသော ဆွမ်းမှတပါး တပါးသော ဒကာတွေရဲ့ ဆွမ်းကို ခံယူသုံးဆောင်ပါက ဒကာတွေများ စေတနာ သဒ္ဓါတရား
နည်းသွားအောင် ပြုလုပ်တာဖြစ်တဲ့အတွက် ရဟန်းတော်များသာ အပြစ်ဖြစ်(အာပတ်သင်)၍ ဒကာများ အပြစ်ဖြစ်တယ်လို့မြတ်စွာဘုရား ဟောကြားထားသည်ကို မတွေ့ရပါ။
အပြစ်မရှိပါ ဟု ဆိုလိုချင်ပါသည်။ ကိုယ်စိတ်ထဲမှာ အပြစ်ရှိလား မရှိဘူးလား ဆိုတဲ့ သံသယ ဖြစ်နေရင် တစ်ချိန်မှာ မိမိကတရားအားထုတ်တဲ့အခါ ယင်းသံသယကား
ပြန်ပေါ်လာပြီး တရားမတက်ဘဲဖြစ်နေတတ်ပါတယ်။ သံသယဖြစ်နေရင် ယင်းသံသယမှ ကင်းပျောက်သွားအောင် တောင်းပန်လိုက်ရင် ပိုကောင်းပါတယ်။ ဘာလို့လဲဆိုတော့
တရားအားထုတ်တဲ့အချိန်မှာ သံသယကင်းနေရင် တရားတက်မှာ ဖြစ်လို့ပါဘဲ။

ယင်းကိစ္စနဲ့ပတ်သက်ပြီး ဇာတ်တော်သာဓကနှင့် အကျယ်ရှင်းပြပါ့မယ်။
မြတ်စွာဘုရားရှင် ဝေသာလီပြည် ၊ မဟာဝုန်တော၊ ပြသာဒ်ဆောင်ပေါက်သော ကျောင်းမှာ သီတင်းသုးံနေစဉ် ဆင်းရဲသားတစ်ယောက်က
( အကြင်အမှတ်ဖြင့် လူအပေါင်းသည် ဆွမ်းကို ၇ိုသေစွာ ပြုပြင်ကုန်၏။ ထိုအမှတ်ဖြင့် ဆွမ်းကို ၇ိုသေစွာပြုပြင်ခြင်းသည် မယုတ်သည်ဖြစ်လတ္တံ့
ငါသည်လည်း ဆွမ်းကို ပြုပြင်ရမူ ကောင်းလေရာ၏။ ဟုအကြံဖြစ်၏။ထိုအခါ ဆင်းရဲသားသည် ကိရပတိက ထံ ချဉ်းကပ်ပြီး( အရှင့်သား အကျွန်ုပ်အား ဘုရားအမှူးရှိသော
သံဃာတွေကို ဆွမ်းကပ်လိုသည့်အတွက် ရိက္ခာကိုပေးပါလော) တောင်းသောအခါ ကိရပတိကသည် သဒ္ဓါများစွာရှိပြီး ကြည်ညိုသူဖြစ်သောကြောင့် ရိက္ခာများစွာကို ထုတ်ပေး၏။
ဆင်းရဲသားသည် မြတ်စွာဘုရားထံသွားပြီး ၊ အပြစ်ခြောက်ပါး ( မြင့်သော၊ နိမ့်လွန်းသော ၊ နီးလွန်းသော၊ ဝေးလွန်းသော ၊ ရှေ့တည့်တည့်ဖြစ်သော၊ လေဆန်ဖြစ်သောအရပ်များ)
ကင်းသည့်နေရာတွင် ထိုင်လျက် ဆွမ်းဘုန်းပေးရန် ပင့်ဖိတ်၏။ ဘုရားရှင်သည် ဆိတ်ဆိတ်နေခြင်းအားဖြင့် လက်ခံတော်မူ၏။ ဆင်းရဲသားသည် ခဲဘွယ်ဘောဇဉ်တို့ကို
ပြင်ဆင်ပြီးသော ဘုရားအမှူးရှိသော သံဃာတော်များအား ဆွမ်းဘုန်းပေးရန် အချိန်တန်ပါပြီဟု ပင့်ဖိတ်၍ ဆွမ်းကပ်၏။ လူအများက ဆင်းရဲသား ဆွမ်းကပ်သည်ကို
သိ၍ ၀ိုင်းဝန်းအလှူအတန်းကို ပြုလုပ်ကြ၏။ ဆင်းရဲသား ဆွမ်းလုပ်ကျွေးစဉ် ရဟန်းတော်များသည် ( ဒါယကာ အနည်းငယ်သာ လှူလော့၊ အနည်းငယ်သာလှူလော့) မိန့်ကြားတော်မှုကြ၏။
ထိုအခါ လူအများက အရှင်ဘုရားတို့ ဆွမ်းလှူရှင်သည် ဆင်းရဲသားဖြစ်သောကြောင့် အနည်းငယ် အနည်းငယ်သာ မခံယူကြပါကုန်လင့်၊ များစွာသော ခဲဘွယ်တို့ကို စီစဉ်ထားသောကြောင့်
ခံယူပြီး အလိုရှိတိုင်း သုံးဆောင်တော်မူပါဟု လျောက်ထားကြ၏။ ထိုအခါ ရဟန်းတော်များက ဒါယကာ ငါတို့သည် နံက်စောစောကပင် ဆွမ်းခံ၍ သုံးဆောင်ခဲ့သောကြောင့် နည်းနည်းသာ
ခံယူကုန်၏ ဟု မိန့်တော်မူ၏။ ထိုအခါ အလုပ်သမား ဆင်းရဲသားသည် ( အဘယ်ကြောင့် အရှင်ကောင်းတို့သည် ငါသည် ပင့်ဖိတ်ထားပါလျှက် တပါးသော အရပ်၌ သုံးဆောင်ကုန်ဘိသနည်း၊
ငါသည် အလိုရှိတိုင်း ပေးလှူခြင်းငှာဆွမ်းနိုင်သည် မဟုတ်ပါလော) ဟု ကဲ့ရဲ့ အပြစ်ပြောကြ၏။ ဒါယကာတို့၏ ကဲ့ရဲ့သံကို အလိုနည်းသော ရဟန်းတို့ ကြားသောအခါ ဘုရားထံ လျောက်ထားကြ၏။
ဘုရားရှင်သည် ရဟန်းတို့ ယခု စကားသည် မှန်၏လောဟု မေးတော်မူ၏။ မှန်ပါ၏ မြတ်စွာဘုရားဟု လျောက်ထားကြ၏။ ထိုအခါ မြတ်စွာဘုရားက ရဟန်းတို့ ..............................
ယခုအမှုသည် မကြည်ညိုသေးသောသူတို့အား ကြည်ညိုစေချင်းငှါလည်းကောင်း၊ ကြည်ညိုပြီးသော ဒါယကာတို့ ပိုကြည်ညိုစေချင်းငှာလည်းကောင်း သိက္ခာပုဒ်တော်ကို
ငါဘုရားပညတ်တော်မူ၏ဟု မိန့်တော်မူ၏။ ပရမ္ပရဘောဇဉ် ( ပင့်ဖိတ်ထားသော ဒါယကာ၏ ဘောဇဉ်မှ တပါး အခြားပင့်ဖိတ်လာသော ဒါယကာ၏ ဘောဇဉ်)ကို စားခြင်းကြောင့်
ပါစိတ်အာပတ်သင့်စေဟု ပညတ်တော်မူပါသည်။
ထို့အပြင် ... မြတ်စွာဘုရားသည် နားဖျားသောအခါ ၊ သင်္ကန်းလှူသောခါ ၊ သင်္ကန်းချုပ်သော အခါတို့၌ ပင့်ဖိတ်ထားသောဆွမ်းမှတပါး တပါးသော ပင့်ဖိတ်လာသော
ပရမ္ပရဘောဇဉ်ကို သုံးဆောင်ကောင်း၏ ဟု ခွင့်ပြုထားပါသေးသည်။ တဖန် မြတ်စွာဘုရားသည် တစ်ခုသော နံနက်ချိန်၌ သင်္ကန်းကိုပြင်ဝတ်၍ သပိတ်ကို ယူဆောင်လျက်
အရှင်အာနန္ဒာနှင့်အတူ တစ်ဦးသော ဒါယကာအိမ်သို့ ချဉ်းကပ်၍ ခင်းထားသော နေရာမှာထိုင်တော်မူ၏။ ထိုအခါ လူတို့သည် မြတ်စွာဘုရားရှင်နှင့် အရှင်အာနန္ဒာ အား ဆွမ်းကပ်၏။
အရှင်အာနန္ဒာသည် အလှူမခံ၊ ဘုရားရှင်က အာနန္ဒာ အလှူခံလိုက်ပါဟု မိန့်တော်မူသောအခါ မြတ်စွာဘုရား တန်ပါပြီး တပည့်တော် ဆွမ်းကို ရဘို့ရန်ရှိပါသည်ဟု လျောက်ထား၏။
သို့ဖြစ်လျှင် ၀ိကပ္ပနာပြု၍ အလှူခံယူ ကောင်း၏ ဟုမိန့်တော်မူပါသည်။ မည်သည့်ရဟန်းမဆို ၀ိကပ္ပနာပြု၍ ပရမ္ပရဘောဇဉ်ကို သုံးဆောင်ခြင်းငှါ ခွင့်ပြု၏ ဟုမိန့်တော်မူထားပါသည်။

ဝိကပ္ပနာပြုပုံ
( ငါ ယခု ရသော ဆွမ်းကို တစ်ပါးသော အဘယ်မည်သော ရဟန်းအား လှူပါ၏) ဟု ပြုလုပ်ပြီး အလှူခံရပါမည်။

အချိန်အခါ သုံးမျိုးဟူသည်...............

၁။ နာဖျားသောအခါ ....နေရာတစ်ခုတည်း၌ နေလျှက် အလိုရှိတိုင်း သုံးဆောင်စားသောက်ခြင်းငှာ မစွမ်းနိုင်အံ့။ နာဖျားသောအခါ ဟူ၍ သုံးဆောင်ကောင်း၏။
၂။ သင်္ကန်းလှူသောအခါ.....ကထိန်မခင်းသော်...မိုးဥတု၏ နောက်ဆုံးလတိုင်အောင်၊ ကထိန်ခင်းသော် ငါးလ တိုင်အောင်သင်္ကန်းလှူသောအခါဟူ၍ သုံးဆောင်ကောင်း၏။
၃။ သင်္ကန်းချုပ်သောအခါ .....သင်္ကန်းချုပ်သော် သင်္ကန်းချုပ်သော အခါဟူ၍ သုံးဆောင်ကောင်း၏။

ယင်း အခါသုံးမျိုးမှတစ်ပါး ဘောဇဉ်ကို ခံယူသော် ဒုက္ကဋ်၊ ခံယူပြီးဘုန်းပေးသော် စားတိုင်းစားတိုင်း ပါစိတ်အပြစ် (အာပတ်) သင့်၏။
အခါသုံးမျိုးကိုကြဉ်၍ ပရမ္ပရဘောဇဉ်ကို ပရမ္ပရဘောဇဉ် ဟု အမှတ်ဖြင့်သုံးဆောင်အံ့ ပါစိတ်အာပတ်သင့်၏။
ပရမ္ပရဘောဇဉ်ကို ယုံမှားခြင်းရှိသည်ဖြစ်၍ သုံးဆောင်အံ့ ပါစိတ်အာပတ်။
ပရမ္ပရဘောဇဉ်ကို ပရမ္ပရဘောဇဉ်မဟုတ်ဟု သုံးဆောင်အံ့ ပါစိတ်အာပတ်သင့်၏။
ပရမ္ပရဘောဇဉ် မဟုတ်ရာ၌ ပရမ္ပရဘောဇဉ်ဟု အမှတ်ရှိအံ့ ၊ ဒုက္ကဋ်၊
ပရမ္ပရဘောဇဉ်မဟုတ်ရာ၌ ယုံမှားခြင်းရှိအံ့၊ ဒုက္ကဋ်။
ပရမ္ပရဘောဇဉ်မဟုတ်ရာ၌ ပရမ္ပရဘောဇဉ်မဟုတ်ဟု အမှတ်ရှိပြီး သုံးဆောင်းမယ်ဆိုရင် အာပတ် မသင့်ပါဟု
ဝိနည်း ပါစိတ္တိယပါဠိတော် ဘောဇန၀ဂ်၊ပရမ္ပရဘောဇနသိက္ခာပုဒ် အဖွင့်ကို ထောက်လျက် စာရေးသူ အဖြေပေးလိုက်ပါသည်။

မှန်ကန်သော ဓမ္မပန်းကို ထာဝရ ဆင်းမြန်းနိုင်ကြပါစေ. ........
bhavaalin@gmail.com / http://goodbrother-goodbrother.blogspot.com/
................တက္ကသိုလ်စာသင်သား

Wednesday 6 July 2011

သံဃာတော်များ အချောင်စားချင်လို့ ရဟန်းဝတ်နေကြတာလား

စာရေးသူ ယခုတင်ပြသွားမည့် စာသားလေးကတော့ ကိုမင်းသူ ဝေဖန်ချက်ပေးပြီး မေးထားတဲ့ အကြောင်းက သံဃာတော်များ အချောင်စားချင်လို့
ရဟန်းဝတ်ကြတာလား ဆိုတဲ့ ထင်မြင်ချက်ကို ရှုထောင့်မျိုးစုံနဲ့ဖြေရှင်းရင်း ရေးသားသွားမှာဖြစ်ပါတယ်.............

ကိုမင်းသူ၏ ဝေဖန်ချက်

လေးသင်္ချေ ကမ္ဘာ တသိန်း မှာတောင် ကိုး ဘဝ ပဲ ရဟန်း ဖြစ်ခဲ့တာ ဆိုတော့ ရဟန်းဘဝရ ဖို့ အလွန် ခဲရင်းနေ ကြတာကို သိရပါပြီ။
တပည့်တော်က မြန်မာပြည်က ၄သိန်းလောက် ရှိတဲ့ ရဟန်းတော်တွေထဲက တော်တော်များများကို အထင်မကြီး ခဲ့ဘူး။ တပည့်တော် လေ့လာမိသလောက်
ဆင်းရဲသား အများစု (တနည်းအားဖြင့် နိမ့်ကျသော လူတန်းစား)တွေ ရဲ့ သားသမီးတွေ ကို, အစိုးရကျောင်း မထားနိုင်တဲ့ လူတွေက ဘုန်းကြီးကျောင်းတွေ
ပို့ရာကနေ သူတို့ဟာ အ များက ရှစ်ခိုးခံရတဲ့ ရဟန်းဘဝ ကို ရောက်လာတယ်လို့ပဲ ယုံကြည်ထားတာပါ။

ဒီကြားထဲမှာ ဘုန်းကြီးဖြစ်ပြီး လောကီစီးပွါးရေးတွေ ကို ခိုးလုပ်နေတဲ့ ရဟန်းတွေကလည်း အများကြီးတွေ့ ရ တော့ ကွန်မြူနစ်တွေ ပြောတဲ့, အလုပ်လုပ်စားရမှာပြင်းလို့
ဘုန်းကြီးဝတ်တယ်ဆိုတာကိုတောင် တခါတခါ ယုံ ကြည်မိတယ်။ ရဟန်းတော်တွေ စောင့်ထိမ်းရမဲ့ ၂၂၇ သွယ်သော သီလ , ငါတို့မစောင့်ထိမ်းနိုင်သော
အကျင့်တွေ ကိုသူတို့လုပ်နေကြတာပါလို့ အကောင်းမြင်ဝါဒ ပြန်သုံး ပြီး မိမိ ကိုယ် မိမိ ဆုံးမကြည့်ပါတယ်။

မရပါဘူး, စိတ်ထဲမှာ ဒီဘုန်းကြီးတွေရဲ့သီလ ဆိုတာ လူတွေက သူတို့ကို လှူအောင် ပြောတာနေမှာပါ တကယ် မဟုတ်နိုင်ပါဘူးလို့ စိတ်ထဲမှာ မယုံကြည်တဲ့စိတ်ပဲ
လွမ်းမိုးသွားပါတယ်။
အဲဒီတော့ ဘုန်းကြီးတွေ အပေါ်မှာ (ရိုးရာအစဉ်အလာအရ ယဉ်ကျေးသူဟု သတ်မှတ်ခံချင်လို့မဟုပ်ပဲ) တကယ်အကောင်းမြင်နိုင်အောင် ဘယ်လိုလုပ်ရပါသလဲဘုရား ?
မင်းသူ

စာရေးသူ၏ ဖြေရှင်းချက်

အထက်ပါဝေဖန်ချက်နဲ့မေးထားတာကတော့ ကိုမင်သူ လို့ သိရပါတယ်၊ နာမည်အရင်းဟုတ်မဟုတ်ကိုတော့ ဃဃ နန မသိပါဘူး။
ဒီလိုဝေဖန်ချက်နဲ့ မေးတာ ကောင်းပါတယ်။ ဘာလို့လဲဆိုတော့ ခုလိုအမြင်မရှင်းသူတွေဟာ ခေတ်က တိုးတက်တာလာနဲ့ အမျှ ပိုပိုများလာတာကို
စာရေးသူ မကြာခဏ ဆိုသလို တွေ့နေရပါတယ်၊ ဒီလိုမေးခွန်းမျိုး ဖြေပေးချင်နေတာကြာပါပီ၊ ဒါပေမဲ့ အကြောင်းမတိုက်ဆိုင်တော့ ဖြေပေးခွင့်မကြုံခဲ့ပါဘူး။
ခုတော့ ဖြေဘို့ ခွင့်သင့်လာတော့ ရှင်းပြခွင့်ရလာတော့ ကိုမင်းသူကို အရမ်းကျေးဇူးတင်ပါတယ်လို့ပြောချင်ပါတယ်။

ကဲ....ကိုမင်းသူရေ...........စာရေးသူအနေနဲ့ ပထမဆုံးပြောချင်တာကတော့ ..

ယုံကြည်မှုအပိုင်းကို အရင်ရှင်းပြမယ်နော်။ လူသားအားလုံးဟာ ဘ၀ လားရာကောင်းဘို့အတွက် ယုံကြည်ချက်အမျိုးရှိကြပါတယ်။
သူတို့ယုံကြတဲ့ ဘာသာအပေါ် တန်ဘိုးကိုယ်စီထားတာတွေ ရှိကြပါတယ်။ ခု ကိုမင်းသူက Buddhism ဗုဒ်ဓဘာသာဝါဒ ကိုလက်ကိုင်ထားတာမဟုတ်လား။
မိမိ လက်ကိုင်ထားပြီး ယုံကြည်တဲ့ဘာသာ အပေါ် ယုံကြည်နိုင်အောင် ယုံကြည်မှု လေးမျိုးကို နံပါတ်တစ် အနေနဲု့ သိထားမှ ယုံကြည်တတ်မယ်နော်...
အဲ့ဒီ ယုံကြည်မှုတွေက......

၁။ ပသာဒ သဒ္ဓါ ....ဒီယုံကြည်မှုတော့ ကလေးတွေ သာမန်ယုံကြည်တတ်တဲ့ အသိညာဏ်မပါပဲ မိရိုးဖလာ ရှေးကသွားတဲ့ သူတွေ မိဘတွေ ပြောထားလို့
သိထားတာလောက်နဲ့ ယုံကြည်တဲ့ ယုံကြမှုမျိုးကို ဆိုလိုတာပါ။
၂။ သြကပ္ပနသဒ္ဓါ ....ဒီယုံကြည်မှုက ဘုရားအကြောင်းကိုကောင်းကောင်းသိတယ်၊ တရားအကြောင်းကို ကောင်းကောင်းသိတယ်၊
သံဃာအကြောင်းကိုကောင်းကောင်းသိတယ်။ ဒီရတနာ သုံးပါးရဲ့ အနှစ်သာရကို သိလို့ ငါ ဒီဘာသာကို လက်ခံပြီး ယုံကြည်တာပါလားဆိုတဲ့အသိနဲ့
ယုံကြည်တာမျိုးကို ဆိုလိုတာပါ။
၃။ အာဂမသဒ္ဓါ ...ဒီယုံကြည်မှုက ပုထုဇဉ်အနေနဲ့ ကိုယ်ကိုတိုင် စမ်းသပ်ပြီး ဘုရားရဲ့ ဂုဏ်တော်တွေ၊ တရားရဲ့ ဂုဏ်တော်တွေ ၊ သံဃာရဲ့ဂုဏ်တော်တွေ
သိတဲ့အခါ ပြုလိုက်တဲ့ ကောင်းမှုတွေဟာ တကယ်အကျိုးပေးတာပါလား ဆိုတဲ့အသိနဲ့ တကယ်လေးနက်၊တကယ်မြင့်မြတ်တဲ့ သက်ဝင်ယုံကြည်တာမျိုးကို ဆိုလိုတာပါ။
၎။ အဓိဂမသဒ္ဓါ...ဒီယုံကြည်မှုက သိတဲ့အတိုင်း လိုက်နာကျင့်သုံးလို့ မဂ်တရား၊ ဖိုလ်တရားတွေကို ရပြီးတဲ့အခါ ဘယ်ရဟန်းက ဖျက်ဖျက်၊ ဘယ်ပုဏ္ဏားကဖျက်ဖျက် ၊
ဘယ်မာနတ်ကဖျက်ဖျက်၊ ဘယ်ဗြဟ္မာက ဖျက်ဖျက် ဘယ်လိုနည်းနဲ့မှ မပျက်ဆီးသော ယုံကြည်မှုမျိုးနဲ့ ယုံကြည်တာကို ဆိုလိုတာပါ။။။။။။

ကိုမင်းသူအနေနဲ့ ငါယုံကြည်တဲ့ ယုံကြည်မှုက ဘယ်ယုံကြည်မှုနဲ့ ယုံကြည်တာလဲ မိမိဘာသာ ပြန်စစ်ဘို့တော့ လိုမယ်နော်။
၁ နဲ့ ယုံကြည်နေတာလား၊ ၂ နဲ့ ယုံကြည်နေတာလား၊ ၃ နဲ့ယုံကြည်နေတာလား။ ၄ နဲ့ယုံကြည်နေတာလား ဆိုတာ ခွဲခြားသိထားရမယ်။

ရဟန်းတော်တွေ တော်တော်များများကို အထင်မကြီးဘူးဆိုတာတော့ ကိုယ်ကိုတိုင် စမ်းသပ်မှုနဲ့ယုံကြည်နေတဲ့ အဆင့်က နည်းသေးတယ်လို့
စာရေးသူအနေနဲ့မြင်ပါတယ်။။။ ဒါကြောင့် စမ်းသပ်ပြီး သိအောင်လုပ်ကြည့် ၊ကျင့်သုံးကြည့် လို့ တိုက်တွန်းချင်ပါတယ်၊ စာရေးသူရဲ့ ဘာသာက
ဘယ်လိုလူလာစမ်းစမ်း စမ်းသပ်ခံနိုင်တယ်၊ နည်းပေးနိုင်တယ်၊ ဒါကြောင့် လက်တွေ့လုပ်ကြည့်စေချင်တယ်၊ လုပ်ကြည့်လို့ သိလာတဲ့
ယုံကြည်မှု အမြင်မှန်ကို ရယူစေချင်တယ်။ အမြင်မှန်မှုနဲ့ ယုံကြည်လာပြီဆိုရင် ဘသာတရားရဲ့တန်းဘို့နဲ့ ဘာသာကိုကျင့်သုံးနေတဲ့သူတွေရဲ့
တန်ဘိုးကို နားလည်လာမယ်လေ။ ကိုမင်းသူ ပြောတဲ့ ဆင်းရဲသားတွေက သာသနာ့ဘောင်ရောက်လာတာ အထင်မကြီးဘူးဆိုတာနဲ့ပတ်သက်ပြီး
ပုံဖော်ပြရမယ်ဆိုရင် ဘုရားရှင်ရဲ့ လက်ဝဲယံ လကျာ်ယံ ဖြစ်သော အရှင်သာရိပုတ္တရာ၊ အရှင်မောဂ္ဂလာန်တို့ဟာ ဇာတ်နိမ့်ကနေ ရဟန်းဘ၀ကို ရောက်လာတယ်၊
အဂ္ဂုလိမာလကလဲ လူသတ်သမားဘ၀ကနေ ရောက်လာတယ်။ ရဟန်းဘ၀ရောက်လာတော့ တန်ဘိုးရှိတဲ့ဘာသာရဲ့ ကျင့်စဉ်တွေကို ကျင့်တော့ အဆင့်မြင့်တဲ့သူဖြစ်သွားလို့
ဘုရင်ကတောင် ရှိခိုးရတာပါ။ သာသနာဘောင်ရောက်ပြီး ဘာအဆင့်မှ မရှိတဲ့ ရဟန်းတွေလဲရှိတာပဲ၊ ဒါပေမဲ့ သူတို့က အဆင့်မရှိပေမဲ့" ထီးမပါရင် နေပူတဲ့ခါ သိမယ်၊
ကောင်းမှုမပါရင် သံသရာကျရင် သိမယ် " ဆိုတဲ့ အတိုင်း ဒီဘ၀တော့ မသိသေးဘူး၊ သံသရာကျရင် မိမိကိုယ်တိုင် ပြုလုပ်ခဲ့တဲ့ ကံ၊ ဖြည့်ဆည်းခဲ့တဲ့ ပါရမီတွေက
သက်သေပြပါလိမ့်မယ်။ ဘယ်သူ့ကိုပဲဖြစ်ဖြစ် အပြစ်ကင်းတဲ့ အမြင်နဲ့ ကြည့်ရင် အထက်တန်းကျတဲ့ ကြည့်ခြင်းမျိုးလို့ မှတ်ထားစေချင်ပါတယ်။ ဘယ်သူ့ကိုပဲဖြစ်ဖြစ်
ကြည့်လိုက်တဲ့ခါ အမြင်မကြည်မှုတွေနဲ့ လမ်းသွားနေရင် အထက်တန်းမကျနိုင်ပါ။။။။။။။။

ဒါနဲ့ပတ်သက်ပြီး .............သာသနာ့သမိုင်း ရာဇ၀င်မှာ စံတင်စရာကောင်းလောက်အောင် အတုယူထိုက်တဲ့ ၀ိသာခါ ..ဆိုတဲ့ ကျောင်းအမကြီးကို ကြည့်လေ။။။
သူက ဘယ်လိုရဟန်းသံဃာပဲ ဖြစ်ဖြစ် ကုသိုလ်ကောင်းမှုကို ပြုလုပ်တာပါ။ တနေ့တော့ ၀ိသာခါ ကျောင်းအမကြီးက ဘုရားရှင်နဲ့တကွ ရဟန်းသံဃာတွေကို ဆွမ်းကပ်ချင်လို့
ကျွန်မလေးကို ကျောင်းသွားခိုင်းပြီး ဆွမ်းစားပင့်ခိုင်းလိုက်တယ်။ အဲ့ဒီအချိန်မှာ ရဟန်းတော်များဟာ ရေချိုးနေကြတယ်၊ ရေလဲ သင်္ကန်းမရှိလို့ တိတ္ထိတွေလိုမျိုး အ၀တ်ဗလာနဲ့
ရေချိုးနေကြတာကို ကျွန်မလေး တွေ့သွ့ား တယ်၊ တွေ့နေကြတိုင်း မတွေ့တော့ ရဟန်းတွေမဟုတ်ဘူး တိတ္ထိတွေပဲ ရေချိုးနေတာ တွေ့တဲ့အကြောင်း ပြန်ပြောတော့၊
ဝိသာခါ ကျောင်းအမကြီးက သိတယ်၊ ဒါကြောင့် နောက်တခေါက် ပြန်သွားပြီး ပင့်ပါ၊ ရှိပါတယ်လို့ပြောလိုက်တယ်၊ ကျွန်မလေးက နောက်တစ်ခေါက် ပြန်သွားတော့
တရားထိုင်နေကြတာကို တွေ့ပြီး ဆွမ်းစားပင့်လာခဲ့တယ်။ ကျောင်းအမအကြီး က စဉ်းစားတယ်...အင်း....ဒီတိုင်းဆို သာသနာကို ယုံကြနည်းပြီး မှားတဲ့ယုံကြည်မှုတွေနဲ့
ဘ၀ကို အဆုံးသတ်သွားကြလိမ့်မယ်။ ဒါကြောင့် ငါဒီတိုင်းမနေဘဲ အကောင်းမြင်တဲ့ရှုထောင့်ကနေပြီး သူတစ်ပါးကောင်းကျိုးတွက် မျှော်ကိုးပြီး သာသနာလဲပြုရာရောက်အောင်
မြတ်စွာဘုရားရှင်ကို သင်္ကန်းသုံးထည် ရဟန်းတော်များတွက် ခွင့်ပြုပေးဘို့ လျောက်မှပဲလို့ တွေးပြီး တောင်းပန်လျောက်ထားတော့ ဘုရားရှင်ခွင့်ပြုလိုက်ပါတယ်။ ဒီနေရာမှာ သင်္ခန်းစာ
ယူကြည့်မယ်ဆိုရင် ကျောင်းအမကြီးက သာမန်သိပြီး သာသနာကို ယုံကြည်နေတယ်ဆိုရင် အ၀တ်ဗလာနဲ့ တိတ္ထိတွေလို ရေချိုးနေတဲ့ မြင်ကွင်းကို မြင်ပြီး ယုံကြည်မှုပျက်သွားနိုင်တယ်၊
ဒါပေမဲ့ ကျောင်းအမကြီး က သာသနာရဲ့ တန်းဘိုးကို သာသနာရဲ့ အနှစ်သာရကို သိတော့ ယုံကြည်မှုမပျက်ခဲ့ပါဘူး။ သူဟာ သာသနာတော်ရဲ့ အနှစ်သာရကို သိတော့ တစ်ပါးသူတွေလဲ
သိအောင် ကျင့်သုံးနိုင်အောင် ကြိုးစားအားထုတ်သွားတာနော်။ ဒါတွေဟာ သူ့တစ်ပါးအကျိုး မိမိအကျိုးတွေကို မြင်လို့ ကျောင်းအမအကြီးက ပညာရှိမျက်စိနဲ့ ကြည့်ပြီး လုပ်သွားလို့
သာသနာ့ ရာဇ၀င်မှာ စံတင်သွားခဲ့တာပါ။ ဒါတင်မကသေးဘူး သူက ဒီလိုလေးကြည့်လိုက်သေးတယ်............"အတ္တပရ ကျိုးနှစ်ဝကို၊ မြင်ကပဏ္ဍိ ပညာရှိရှင့် ၊မသိသူမိုက် ဟူထိုက်မချွတ်၊
မည်တုံလတ်၏၊" .... တဲ့ ၀ိသာခါကျောင်းအမကြီးက သူတစ်ပါးအကျိုး၊ မိမိအကျိုးကို မြင်အောင်ကြည့်ပြီး ကြံစည်တတ် ၊လုပ်တတ် ကိုင်တတ်၊ ပြောတတ်၊ ဆိုတတ် တာဟာ ပညာရှိတွေရဲ့
ကျင့်သုံးနည်းတွေဖြစ်တယ်။...မမှန်ကန်တဲ့ အမြင်မကြည်မှုတွေနဲ့ ကြံတယ်၊ လုပ်တယ်၊ ပြောတယ် ဆိုရင် ပညာမဲ့ တွေရဲ့ ကျင့်သုံးနည်းတဲ့ ၀ိသာခါ ကျောင်းအမကြီး စဉ်းစားတာနော်။
ဒါတင်မကသေးဘူး ... "သူ့ကို ချီးမြှောက်၊ ကိုယ့်ဂုဏ်မြောက်၏။ ယွင်းဘောက်အလို၊ ၀န်မတိုနှင့်၊ သူ့ကို ဂုဏ်နှိမ့်၊ ကိုယ့်ဂုဏ်နိမ့်၏။" .......
မှန်ပါသည် သူတစ်ပါးကို ချီးမြှောက်လိုသော အရာတွေအားလုံး အကြံစည်တွေအားလုံး၊ လုပ်ရပ်တွေအားလုံး အကောင်းအထည်ဖော်ပြီး သ၀န်တိုတတ်တဲ့ စိတ်မဖက်ပဲ လုပ်နေရင်
ကိုယ့်ဂုဏ် တက်တယ်၊ သူတစ်ပါးကို အမြင်မမှန်တဲ့ ကြည့်နည်းတွေနဲ့ လုပ်နေရင် မိမိဂုဏ်မတက်ဘဲ ရှိပြီးသားဂုဏ်ပါ လျော့ကျသွားတာ ဆိုပြီး ၀ိသာခါ ကျောင်းအမကြီးက စဉ်းစားဆုံးဖြတ်ပြီး
သာသာနာကို ဂုဏ်တက်အောင် လုပ်နိုင်ခဲ့တယ်။ဝိသာခါ ကျောင်းအမကြီး၏ စံနမူနာကို လူသားတိုင်း ကျင့်သုံးရင် ဂုဏ်တက်စရာတွေပဲလိုပြောချင်ပါတယ်။ ကိုမင်းသူ လဲ ရဟန်းတော်တွေဟာ
ဘယ်လိုပင်ရှိနေပါစေ" ဘယ်သူမပြု မိမိအမှု" တဲ့ ကိုယ်လုပ်တဲ့ဟာ ကိုယ်ပဲ ရရှိမှာပါ။ ဒီလိုအမြင်နဲ့ အကောင်းမြင့်စိတ်နဲ့ မြင်ပေးလိုက်ရင် သူတစ်ပါးတွက်ရာ မိမိတွက်ပါ ကောင်းသွားပါလိမ့်မယ်နော်။
ဒါ့အပြင် ... အိမ်တစ်အိမ်မှာ မိသားစုတစ်စု ကြည့်ကြည့်လေ။ ကောင်းတဲ့သူက ကောင်းတယ်၊ မကောင်းတဲ့သူက မကောင်းဘူး၊ မိသားစုတစ်ထဲတောင် ဒီလိုတွေရှိနေရင် သာသနာတွင်းထဲမှာရော
တခြားဘယ်နေရာမဆို ကောင်းတဲ့ သူတွေရှိနေသလို မကောင်းတဲ့သူတွေလဲ ရှိနေတာပဲဆိုတဲ့ စိတ်ကိုမွေးရပါ့မယ်။

တချိန်က မြန်မာပြည်မှာ ဒကာမတစ်ယောက်က စာရေးသူကို လာလျောက်ဘူးတယ်....
အရှင်ဘုရား တပည့်တော်က သာသနာကို ယုံကြည်တဲ့နေရာမှာ ရွှေကျင်သံဃာကိုသာ ယုံကြည်ကိုးကွယ်တယ်ဘုရား...
ဆိုပြီး ပြောလိုက်တော့ ..... စာရေးသူ ကြားကြားချင်းပဲ အော် လူဘ၀ ရလာတာ အမှန်တရားနဲ့ တွေ့ပြီး မှန်မှန်ကန်ကန် မမြင်တတ်၊ မဆည်းကပ်တတ်သေးပါလားဆိုပီး
စိတ်မကောင်းဖြစ်ခဲ့တယ်။ ဒါနဲ့ အဲဒီဒကာမကို စာရေးသူက ပြောလိုက်တယ်။ ဒကာမကြီး လူဘ၀ရလာတာ တကယ်ကံကောင်းတယ်နော်။ ဒီဘ၀ကို ဆက်ပြီး ရဘို့ဆိုတာ
အင်မတန်ခဲယဉ်တယ်။ ရလာတော့လဲ မြတ်စွာဘုရားသာသနာနဲ့တွေ့ဘို့ပိုက်ခက်တယ်၊ တွေ့ပြန်တော့လည်း တရားတွေ သံဃာတွေနဲ့ ထိတွေ့ရဘို့လည်း ပိုခက်တယ်။
ဒီလိုခက်ခဲတဲ့ ရရှိမှုတွေကို ဒကာမကြီး ရနေရပါလျက် မှန်ကန်သော ယုံကြည်မှုမရှိသေးပါလား ၀မ်းနည်းပါတယ် လို့ပြောလိုက်တယ်။ ဒီတော့ ဒကာမကြီးက...........
ဘယ်လို ဘယ်လို ဘာလို့လဲဘုရား ရှင်းပြပါအုံးဘုရား လို့ စာရေးသူကို လျောက်တော့ စာရေးသူလဲ အကြိုက်တွေ့သွားတာပေါ့၊ ဘာလို့လဲဆိုတော့ စာရေးသူက လမ်းမှားနေသူကို
လမ်းမှန်တည့်ပေးချင်တာ စာရေးသူရဲ့ ၀ါသနာမို့ပါပဲ။ ကဲဒါဆို ဒကာမကြီး ကျီးအာသီးနှင့် ဒူးရင်းသီးကို သိလားလို့ မေးလိုက်တယ်၊ သိတာပေါ့ ဘုရား၊ ဒါဆို ကျီးအာသီးမှည့်ကို
ကြည့်လိုက်စမ်းပါ၊ အပြင်ကနေကြည့်တော့ ပြောင်ဝင်နေပြီး လက်နဲ့ ကိုင်ချင်စဖွယ် မရှိဘူးလားဆိုတော့ ကိုင်စရာကောင်းတယ်ဘုရား၊ ဟုတ်ပြီး နောက်ပြီး အတွင်းပိုင်းကို ခွဲကြည့်လိုက်ရင်
ပိုးလောက်တွေပြည့်နေလို့ ကိုင်စရာ ယူချင်စရာကောင်းသေးလားလို့ မေးလိုက်တယ်၊ အရှင်ဘုရားကလဲ ဒါကတော့ ဘယ်သူကကိုင်မှာလဲဘုရား ရှာရှာဖွေဖွေ ရွံစရာကြီးတွေမို့ပါ။
ဟုတ်ပြီး ဒကာမကြီး ဒီနှစ်ခုကို ကြည့်လိုက်ရင် အပြင်ကနေ သာမန်ကြည့်ရင်တော့ ရချင်စရာနော် ။ အတွင်းကနေ ညာဏ်မျက်စိနဲ့ ကြည့် ရင် သာယာစရာ ရချင်စရာ မရှိဘူးနော်လို့
ပြောလိုက်တော့ ဟုတ်ပါတယ်ဘုရားတဲ့......ဒါကို ဒီလိုလေးပဲ နားလည်ထားလိုက်အုံးနော် ...........

နောက် ဒူးရင်းသီးကိုလည်း ကြည့်လိုက်အုံး...ဒူးရင်းသီးကိုအ ပြင်ကနေကြည့်ပြီး ကိုင်ခိုင်းလို့ ဆူးတွေ အတက်တွေနဲ့ဆိုတော့ ကိုင်ခိုင်းပြီး ယူသွားခိုင်းရင်
ကိုင်ပြီး ယူသွားချင်ပါ့မလား လို့မေးတော့ ဆူးတွေနဲ့ဆိုတော့ ကိုင်ပြီး ယူမသွားချင်မှာတော့ သေချာတယ်ဘုရား..
ဒါဆို အတွင်းပိုင်းကို ကြည့်လိုက်ပါအုံး အတွင်းပိုင်းခွဲပြီး ကြည့်လိုက် အနံ့အရသာအပြည့်နဲ့ဆိုတော့ စားချင်သဖွယ် မကောင်းဘူးလားဆိုတော့ အရှင်ဘုရားကလဲ ပြောရက်တယ် ၊
ဒီလောက် အနံ့အရသာနဲ့ ဟာကို စာချင်စရာကောင်းတာပေါ့ဘုရား တဲ့.....ဟုတ်တယ် အစကတော့ ဒကာမကြီးက ကျီးအာသီးကျတော့ အပြင်ကကြည့်ရင် ရချင်စရာ အတွင်းကြည့်ရင် ရွံစရာလို့ပြောတယ်နော် ၊
ဒူးရင်းသီးကြတော့လည်း အပြင်ကနေကြည့်ရင် ရချင်စရာမရှိဘူးလို့ပြောတယ်၊ အတွင်းပိုင်းကျတော့ စားချင်စရာကောင်းတယ်လို့ပြောပြန်ပြီနော်။ ဒကာမကြီး ခုလိုမြင်နေတာက သာမန်မျက်စိနဲကြည့်ရင်
ရချင်စရာကောင်းတဲ့ဟာက မကောင်းဘူးနော်၊ ရချင်စရာမကောင်းတဲ့ဟာက ရချင်စရာကောင်းနေတာနော်။ အဲဒါတွေဟာ အတွင်းကျကျ ညာဏ်နဲ့မကြည့်တတ်သေးလို့ အဲလိုဖြစ်နေတာလေ။
ညာဏ်နဲ့ကြည့်တတ်သွားရင် အဲလိုမဖြစ်တော့ဘူး။ ဒီတိုင်းပဲ သာသနာကို ယုံကြည်တဲ့နေရာမှာလည်း မမှန်ကန်တဲ့ ခွဲခြားမှုတွေနဲ့ယုံကြည်နေရင် ဓမ္မစစ် ၊ဓမ္မမှန်နဲ့ယုံကြည်နေတာမဟုတ်သေးဘူး။
မြတ်စွာဘုရားက ရဟန်းတွေတွက် တရားတွေကို ခွဲခြားပြီး မဟောခဲ့ဘူး၊ တူတူ ဒီစည်းကမ်းတွေပဲကျင့်သုံးဘို့ ဟောကြားခဲ့တာပါ။ ဒါကြောင့် သာသာနာကို ယုံကြည်ဆည်းကပ်တဲ့အခါ ညာဏ်မပါဘဲ
ယုံကြည်တာက စစ်မှန်သော ယုံကြည်မှုမဟုတ်၊ ညာဏ်ကင်းပြီး ယုံကြည်တာဖြစ်တယ်။ စစ်မှန်သော ယုံကြည်မှုက ညာဏ်နဲ့ကြည့်ပြီး သံဃာတွေကို ခွဲခြားမှုမပြုပဲ ယုံကြည်တတ်တာက မှန်ကန်တဲ့
ယုံကြည်မှုဖြစ်တယ်လို့ ပြောလိုက်တော့ စာရေးသူကို အရမ်းကျေးဇူးတင်တဲ့အကြောင်း ၊ လမ်းမှားတာကို အမှန်ပြင်ပေးတဲ့ အတွက် ၀မ်းသာမဆုံးဖြစ်ပြီး ၊ ဘာပဲဖြစ်ဖြစ်စာရေးသူပျော်ပါတယ် ။
မှားနေတာကို ပြင်ပေးရလို့ အတိုင်းထက်အလွန်ဝမ်းသာခဲ့ရပါတယ်။ ခု ကိုမင်းသူက မေးတော့ လမ်းမှန်ကို ပြောပြရတဲ့အတွက် အလွန်တရာမှ အတိုင်းအထက်အလွန် ၀မ်းသာပါတယ်၊
ဒါကြောင့် ကိုမင်းသူရဲ့ သံသယ ကို ယုံကြည်မှုလေးမျိုးနဲ့ တိုင်းထွာကြည့်ပြီး ငါ ဘယ်လိုယုံကြည်မှုမျိုးနဲ့ ယုံကြည်နေတာလဲ ပြန်စစ်ကြည့်ပြီး ဒီဆောင်းပါးထဲက အတိုင်း ကျင့်သုံးဖွယ်ရာတွေကို
နားလည်အောင်လုပ်ပြီး အကောင်းမြင်တတ်ပါစေလို့ ဆန္ဒပြုရင်း...........................
စာပေချစ်ခင်သူ မိတ်ဆွေတွေအားလုံးကို တစ်ဦးနဲ့ တစ်ဦးစပြီး တွေ့ကြ၊စုံကြသည့်အခါ စကားပြောကြည့်လိုက်လို့
အကောင်းအဆိုးတွေ သိလိုချင်ရင် စကားပြောနည်း လေးမျိုးကို ဘ၀တစ်သက်စာအတွက် လက်ဆောင်ပေးလိုက်ပါတယ်။
၁။ သူတစ်ပါး မကောင်းကြောင်း မပြောပါနဲ့
၂။ သူတစ်ပါးကောင်းကြောင်းကိုသာ ပြောပါ
၃။ မိမိကောင်းကြောင်း မပြောပါနဲ့
၎။ မိမိမကောင်းကြောင်းကို လိုအပ်လာရင် ရဲရဲဝံ့ဝံ့ ပြောပါ.

ဒီလေးမျိုးနဲ့ ကိုက်ညီတဲ့ စကားတွေပြောလာရင် ငါ့ဘ၀အတွက် အဖော်ကောင်းပဲလို့ တစ်သက်စာ မှတ်စေချင်ပါသည်။
ဓမ္မပန်းကို ထာဝရ ဆင်မြန်နိုင်ကြပါစေ........ တက္ကသိုလ်စာသင်သား..........